أُريدك حَلالي الحلقة الرابعه4 بقلم ريم ابو القا سم

عايز يقنعني يقول لي كعبه كعبه بس مستحيل أسمح ليو ياخدا مني .....
ا أُريدك حَلالي الحلقة 5 
بقلم ريم ابو القا سم
انتي اتكلمتي مع شهاب في الموضوع ده يعني.. لا بس جيت عشان اكلمو ...لاكن انا عايزا البت دي .. عايزا كيف يعني انت واعي للبتقول فيو ده العرس ما هين ما قهوتك ولا كورتك البتمشيها دي مسؤوليه كبيره وانت لسه صغير عليها .. كيف يعني صغير ما صغير ولا شي انا عجبتني و عايزا .. عجبتك ؟ شفتها وين يمكن بعاتي اسي .. اسي او قلته ليها شفتها بالصدفه ح تمنعني ادخل البيت تاني قلته ليها ما شفتها بس عشان اخلاقا و باين بت محترمه و مؤدبة.. ومن متين بتعاين للمنقبات ما أختك قررت تلبسو وانت حلفته ما تلبسو و عملته مشكله في البيت الاتغير شنو اسي .. ما اتغير شي بس دي عجبتني و الموضوع ده محسوم انا لو ما عرستوها لي ما بحصل خير .. لا لا انت اكيد في رأسك ده في شي طيب انا بسالا و بشوف رأيا شنو في الموضوع ده وقامت
قلته شفق لي و بس و ما في زول بقدر ياخدا مني مهما كان السبب و ح اعمل المستحيل عشان اتزوجا انا ...
الصباح قمته بدري طلعته شربته الشاي خالتي قالت لي خلي واحد من الأولاد ديل يوصلك ما تركبي مواصلات قلته في سري لو ما لقيت واحد منهم برجع البيت لاني ما حصل ركبته مواصلات و لا بعرف محلها طلعته لقيت أكرم طالع قال لي صباح النور والسرور قلته لي اهلين كيفك قال لي تمام الحمد لله ماشه الجامعة اركبي اوصلك قلته لي لا لو عندك مشوار ما ااخرك .. لا لا اركبي ما عندي شي..قلته لي طيب ركبته قال لي اسي يا شفق لو قالو ليك اركبي مواصلات بتعرفيها بي وين قلته لي ما بعرفا والله بس البسال ما بتوه ولا شنو.. بس انا لو موجود ما في داعي تركبي و تاني انا برجعك البيت بس اديني الجدول بتاعك و بجيك في نفس الزمن قلته لي طيب ده الجدول ووريتو الدفتر حقي قال لي لا لا رسلي لي في الواتس اديني رقمك ولا اقول ليك سجلي رقمي قلته لي طيب 09.... بعد ملاني ليو قلته لي اكرم قال لي عيونو قلته لي نعم قال لي مش قلتي اكرم دايره حاجه قلته لي قصدي اسجلو بي أكرم قال لي أكرم، ود العم اي شي يعجبك ناديني بيو انا موافق و بدى يحكي و يحكي وانا كنته بضحك ضحكه مجامله لحدي ما قال شي كده خلاني اتذكر كلام خالتي وقت قالت لي انو عوير و عندو باقي طفوله لسه ما كملا اتفقعته بالضحك لدرجه انو هو سكت بقى بس صوتي و صوت العربيه و الهواء قبلته لقيتو بعاين لي قال لي في شي في اللحظه دي اتمنيت اكون كرسي او اي مصيبه زمان في العربية قلته لا بس اتذكرته شي بعدها سكت شكلو اتعقد لحدي ما وصلنا نزلني قال لي منتظر الجدول عشان اجيك بعدين قلته لي تمام ودخلته الجامعة...
أنتي يا أمي في شنو في البيت ده حاسه في شي كده رايح علي .. في شنو يعني ما موضوع أخوانك اكرم قال عايز بت عمك .. بس يا امي اكرم ده ما زول مسؤوليه.. عارفه بس مصر و متمسك بيها شديد ما بعرف من متين بحب المنقبات .. ده المحيرني تتذكري كفاح وقت لبستو قام و قعد كيف حلف قسم ما تطلع بيو بره البيت اسي الجد شنو .. نفسيات بس يا أمي ما تشتغلي بيو اسي يومين تلاته يقول ما عايزا .. ان
شاء الله يا رب ..
بعد رجعته البيت لقيت إيمان هي وخالتي سلمته عليهم و دخلته الغرفه غيرته و طلعته ايمان قالت لي اكلي عشان نمشي قلته ليها طيب بعد خلصته لبسته و مشينا قالت لي شهاب ح يوصلنا قلته في سري قصدك الدمو تقيل ده قلته ليها تمام اها جاء صاري وشو و رافع راسو قال لي ايمان ساعه بس بنتظركم فيها جيتو جيتو ما جيتو بدور عربيتي ترجعو بي طريقتكم ايمان قالت لي براحه ح نستحمل عشان ما في غيرو طوالي ضحكته بي صوت عاين لي شديد...
انتظرونا في الحلقة الجاية 
ّبعتزر عن اللخبطة الي حصلت