أُريدك حَلالي الحلقة الثامنه والتاسعه بقلم ريم ابو القا سم

أُريدك حَلالي الحلقة الثامنه والتاسعه بقلم ريم ابو القا سم
قالت لي برجفه
قصدك شنو منهم؟
قلت ليها
انسي بهظر معاك.
قالت
هظارك تقيل، وحتى شكلك زهجان من مشاكل البيت وجاي ترميها فيني.
ودموعا جات نازلة.
قلت ليها
ما كده يا تسنيم، لاكن هو صح كلامك. مشاكل البيت كترت علي، بس ح أحلها إن شاء الله، وكنته بهظر معاك، ما قايلك بتصدقي. امسحي دموعك ممكن.
عاينت لي ومسحت دموعا، قالت لي
ممكن توصلني البيت؟
قلت ليها
ما ح أوصلك إلا تبتسمي.
قالت لي
ده ما وقتك، ما عندي نفس لي شي. وصلني البيت لو سمحته.
قاتلا بي حده وجديه، ومشت اتجاه العربيه. خلتني أمشي وراها. ركبته وفتحت الباب ركبت. وصلتها بدون ما نتكلم مع بعض، ورجعته البيت.
قلته لي إيمان
نفسي في اندومي شديد، عليك الله قومي أرح معاي نجيبو.
قالت لي
يا بت الساعة 10 وأنا ما بقدر، شهاب لو شافنا ح يقتلنا.
قلته ليها
الدكان هدى ملاصق البيت، وبعدين شهاب اسي بكون نايم.
قالت
أنا ما بقدر.
قلته ليك يا شفق
امشي براك.
واتغطت بالبطانيه، خلتني براي.
قلته ليها بصوت عالي
اصبري لي يا غياظه.
ولبسته عبايتي وطلعته. لقيت خالتي، قلته ليها
ماشه الدكان هنا.
قالت لي
في الزمن ده كان تخلي واحد من الأولاد يجب ليك الدايره.
قلته ليها
لا لا يا خالتو، ما يحتاج. الدكان جمب البيت، أناول وأرحع.
قالت لي
طيب تمام، امشي وتعالي.
طلعت بره، أثناء ما ماشه في عربيه جات داخله والنور بتاعا قوي شديد في عيوني.
قلته
ده منو الغبي ده؟ أكيد شهاب.
وفعلا وقت وقف نزل منها، لقيتو شهاب. بعد نزل جاء علي، قال لي
ماشه وين؟
وعاين للساعه.
قلته لي
عايزه اندومي من الدكان.
قال لي
اندومي زي الزمن ده؟ شاكي شي تاني، ما اندومي بس.
قلته لي
قصدك شنو؟
قال لي بضحكه
ما تعملي فيها غبيه، بت بتطلع زي الزمن ده أكيد ماشه لي هدف.
قلته لي
احترم نفسك، ما عشان ساكته ليك تاخد راحتك في الكلام معاي.
قال لي
راحتي ما باخدا مع أشاكلك، قليلة أدب وعينك قويه.
قلته لي
قليله أدب أنا ولا انت؟ بتتكلم معاي بي أسلوب بتاع الشوارع، حتى ناس الشوارع اتثقفو.
قال لي
بضيع زمني معاك، مع إنك ما بتستاهلي ثانيه. علي العموم دي آخر مره اسمح ليك فيها عندك أي مشاوير، يا ريت قبل المغرب، لانو تاني حتى باب الشارع ما بفتحو ليك.
مشيت خليتو، لانو لو وقفته دقيقه ما ح يحصل خير. دخلته البيت، لانو حتى الاندومي طلع من نفسي.
خالتي قالت لي
وين الاندومي؟
قلته ليها
لقيتو قفل.
قالت لي
زي الزمن ده ما ح تلقى، إلا تخلي الصباح.
قلته ليها
إن شاء الله.
مشيت الغرفه قفلتها علي. كنته زعلانه شديد والله، طريقه كلامو كانت حاره وأنا ما متعوده زول يتكلم معاي بالطريقه دي. قعدته أبكي، لانو بالجد زعلته.
صباح جديد، قمته مورمه من البكا، عشان المحاضرات حقت الليله مهمه. مشيت الجامعة ومتحمسه شديد للعرس، كأنو عرسي. طولته ما حضرته عرس سوداني.
خلصته محاضرات الظهر ورجعته البيت. وصلني كالعادة أكرم. في الفتره دي تعاملو واهتمامو وحنيتو خلتني احترمو شديد وأقدرو أكتر من أخو التاني.
لقيت إيمان بتكوي والشنطه جمبها، وخالتي بتعمل في خبيز. قالت عايزه تودي ليهم.
قالت لي
امشي غيري، تعالي اكلي ليك شي، وبعدين جهزي نفسك عشان السفر باقي ليو ساعتين.
قلته ليها
طيب.
مشيت أخدته حمام وغيرته، شلته الأكل ودخلته علي إيمان.
قلته ليها
مظبطه نفسك للعرس؟
قالت لي
ما مظبطه ولا شي. كان نفسي أمشي الكوفير وأرسم وأعمل شعري. شوفيني عامله كيف.
قلته ليها
ما ضروري ده كلو هناك، ممكن تعملي وقت نمشي. أكيد عندهم خبيرات.
قالت
بس ما زي هنا أصلا، العرس ده كلو عوارض.
قلته ليها
ما تقولي كده، لعله خير.
قالت لي
ونعمة بالله.
قلته ليها
يلا ح أخليك وأمشي أجهز أنا كمان.
قالت لي
طيب.
خليتا، مشيت جهزته شنطتي ونفسي، وبقينا طالعين عمي وخالتي مع أكرم، وأنا وشهاب وإيمان، لانو سواقه شهاب كعبه. عمي وخالتي قالو ما بركبو معاهو.
أها ركبنا واتحركنا علي البلد...
أُريدك حَلالي الحلقة 9 
بقلم ريم ابو القا سم
وصلنا هناك الساعه 4 م، رحبو بينا والسلام كان حار زي البعرفوني قبل كده.
خالتي قالت لي
دي اختي عزيزه، ما اظين تتذكريها، لاكن هي تعرفك أحق المعرفه.
خالتو عزيزه قالت ليها
صحي دي شفق؟ أنا شلتك بي يدي ديو، بعرف أمك، الله يرحما يا رب.
قلته ليها
اللهم امين يا رب.
إيمان قالت ليها
وين عروستنا؟
خالتو عزيزه قالت ليها
بتلقيها جوه منتظراك من الصباح، بركه الجيتو. خشو ليها جوه. وتعالي يا صباح، ما بتجي لي أختك إلا للمناسبات.
خالتو صباح قالت ليها
لا والله، عارفه الأولاد والجامعه، وكفاح ممتحنه صعب، والله أجي.
قالت ليها
ياها دي حجتك، ادخلي جوه.
كيف عبدالله وأكرم وشهاب؟
قالت ليها
كلهم كويسين، مع الرجال في الديوان.
قالت
بركة الأعراس البتخلينا نشوف وشوشكم. كدي تعالي أسألك، مالا بت حماك دي مغطغطه كده؟ ما حصل يوم شفتي بت منقبه يا عزيزه؟
قالت
لا،