أُريدك حَلالي الحلقة الثامنه والتاسعه بقلم ريم ابو القا سم

شفته، بس غريبه أمها ما كانت منقبه.
قالت
ما الا تكون أمها كده. علي العموم خلينا من بت حماي، جبته ليك خبيزي الطاعم، عاملاهو مخصوص عشان بتي فجر.
قالت
تسلم يدك، والزيك منو؟ اسي امشي ارتاحي جوه.
يا عروسة..
إيمان 
دي شنو المفاجأة الحلوة دي؟ ما بتعرفي منتظراك كيف يا بت! مشتاقين.
وإيمان جات وقعت فيها بالاحضان. أخدو خمسه دقايق بتسالمو، بعد خلصو إيمان قالت ليها
أعرفك بت عمي شفق.
فجر قالت ليها
دي الجات من أمريكا، ست النفوس.
إيمان قرصتا وقالت ليها
ايي دي فجر بت خالتي.
بي ابتسامه وعاينت لي.
قلته ليها
اتشرفنا، والف مبروك، ربنا يتم ليك علي خير.
فجر قالت لي
امين، وعقبالك.
إيمان قالت ليها
وانا؟
قالت ليها
خلاص عقبالك انتي كمان، وافتحي وشك نشوفك يا شفق.
ضحكته.
قلته ليها
ما في راجل بجي بي هنا.
قالت لي
في والله.
قالت
خلاص نقفل الباب عشان تاخدي راحتك.
مشت قفلتو، وجات رفعته النقاب.
قالت
ما شاء الله، الجمال ده كلو داسه مالك؟
ابتسمته، ما قلته شي.
إيمان قالت ليها
شوفي يا فجر، لا حنه لا شعر!
فجر قعدت تضحك، قالت ليها
انتي من بلد الخبيرات والمجيهات، مالك جايه كده دي؟ عين صابتك؟
قلته لي فجر
مش عندكم كوفير هنا؟
فجر قالت لي
ايوا عندنا. وصح، اسي ماشه عشان الحنه وكده، ح نعملا بنات بس، لازم تحضري.
قلته ليها
اعفيني، ما بقدر. ما بحضر حفلات، بقعد هنا.
قالت لي
الحفله دلوكة ساي وبنات بس، يعني ما في ولد ح يكون.
في إيمان قالت لي
معناها تمشي معانا الكوفير وترسمي كمان.
قلته ليها
مستحيل أحضر الحفله.
بس ما عايزه أعمل ليها قومه وقعده.
فجر قالت لي
عليك الله أرح معانا الكوفير، والله والله ح تنبسطي. عليك الله، أول طلب.
حسيت إني ما لازم أكسر بي خاطرا.
قلته ليها
طيب ح أمشي.
إيمان قالت
طيب، انتظرينا ناخد حمام ونمشي معاك.
قالت لينا
استعجلو.
اخدنا حمام وغيرنا، وطلعنا مع فجر الكوفير حقهم.
وقت دخلنا كان بيت عادي، بس فيو يعني أدوات بسيطه، فعلا ما زي العندنا هناك.
أول رسمو لي فجر، وبعدين نحنا. عملو لينا شعرنا تساريح رهيبة، كانت بزات حقت فجر فخمه فخمه زي الأميرة.
وفجر لبست طوالي الفستان، كان رهيب، أكمامو صغيره وطولو ما طويل شديد، لونو أزرق رهيب، كانت مطقماه بالفضي.
وإيمان لبست فستان اوف وايت عسل ياخ، كان جاي معاها، الكم حقو وسط وطويل.
أما أنا قلته ليهم لابسه عبايه ساي.
ست الكوفير قالت لي
لابسه عبايه بعد التسريحه والحنه السمحه دي...
حرم المره دي ترجع بي عروسة من البلد.
عمرو 30 يا عبد الله، الولد ح يعجز وما شال اولادو.
تقول شنو بس يا الطيب؟ قلنا دايرنو لي بت أخوي، رفض.
يا ولد ولا عندك زوله معينه في رأسك؟
قلته لي
ايوا يا خالي.
قال لي
خلاص جيبا لينا، ولا ما ناوي تعرس لينا نشوف احفادنا؟
لا لا، اصلا أنا اتفقته معاها، ح نمشي نطلبا الأسبوع الجاي.
ما شاء الله، الف مبروك يا عبد الله. الولد وأخيرا ح نشوفو عريس.
الحاج قال ليو
ما نعرف إلا بالصدفه خبر زي ده.
واداني نظره حاده.
خالي الطيب قال ليو
بكون خجلان منك.
المهم عرفنا انو عندو عروسة.
أها وأكرم ده؟ ولا نديك من بناتنا يا أكرم؟
قال ليو
يا خالو، أنا عايز بت عمي، ما عايز وحدة تانية. بجهز نفسي عشان أعرسا، هي وبس.
انتظرونا في الحلقة الجاية