رواية أُريدك حَلالي الحلقة العاشرة والحادية عشر بقلم ريم ابو القا سم

رواية أُريدك حَلالي 
الحلقة العاشرة والحادية عشر بقلم ريم ابو القا سم
قلته ليها لا ح البس عبايه ساي كفايه فجر و إيمان فجر قالت لي لو ما ح تلبسي فستان ما ح احضر الحنه نقعد كده قلته ليها بطلي عناد يا فجر انا حتى فستان ما عندي زي الناس قالت بس كده لو علي الفستان هينه إيمان قالت ليها عندك حل ست الكوفير قالت لينا ايوا عندي فستان واحد ح اجرو ليك ان شاء الله يعجبك و يكون علي مقاسك فجر قالت ليها جيبي نشوفو ست الكوفير مشت تجيبو قلته ليهم عليك الله ارح كده و الله ما عايزه البس فستان ولا غيرو مرتاحه بالعباية فجر قالت لي هس بناتنا الهنا الما متحضرات ما بلبسو عبايه ح تشوفيهم قاشرات كيف كل واحده احلى من التانيه اما أنتي الجايه من أمريكا امريكا بي حاله لابسه عبايه زي الغشيمه معليش في الجرتق ما تظهري زاتو عشان فيو رجال بس عليك الله خليني افرح بيك في الحنه قلته ليها طيب بدون نفس، ست الكوفير جات شايله فستان أسود الكم حقو قصير شديد و هو زاتو قصير تحت الركبه بي شويه قالت لي قيسي ده قلته ليها نظريا كده ده ما بقدر البسو ما عندك غيرو يكون محترم شويه قالت لي للاسف الفساتين كلها اتحجزت باقي ده و في واحد بس اقصر من ده قلته ليها خلاص خلي، فجر قالت لي ما ملاحظه يا شفق إنك اخرتيني لي حنتي عليك الله البسي وخلاص انا بوعدك ما في راجل ح يشوفك قلته ليها طيب لو لقيتو شاذ شديد ما ح البسو قالت لي اتفقنا مشيت قدرتو انا جوه صح حلو مع جسمي و جاي معاي شديد بس انا نفسيا كده ما مرتاحه بيو طلعته ليهم بره فجر قالت لي وااي لو كنته ولد كان عرستك طوالي إيمان قالت لي طالعه رهيبة يا بت ما شاء الله لازم تتحصني عشان العين قلته ليهم صح حلو بس ايمان قالت لي والله يا شفق كلمه تانيه ح ازعل و انا كمان ما ح احضر الحنه قلته ليها خلاص سكته مشت ست الكوفير جابت لي هيلز فضي و ادتني اكسسوارات و حلفتني تعمل لي ميكب خفيف عملتو لي تقيل يا جماعه نفسي ابكي اي زول ح يشوفني ح يعرف زعلانه إيمان جرتني من يدي قالت لي افردي وشك ده ضحكته ليها بي طرف خشمي، طلعنا من الكوفير طبعا ركبته العربيه بالعبايه و النقاب عشان أكرم جاء يوصلنا البيت بعد نزلنا وصلنا البيت قالو قفلو باب الشارع حتى الباب البودي الحوش قفلو اها مرقته العبايه و في مره بتدلك و تغني و البنات فعلا آخر فساتين قصيره و يعني بجد ما شاء الله فجر طالعه حلوه شديد ما شاء الله كانت بترقص مع ايمان و بنات انا كنته قاعده بصفق ساي فجأه شفته فجر جايه علي قومتني من الكرسي و جرتني أرقص معاهم ما اني ما عايزه عشان شكل الفستان بس قمته عشان شفته الفرحه في وشها بقينا نرقص و نغني كانت اغاني حديثه بس بي دلوكه ساي فجأه حسيت بي رأسي لافي شديد قلته اكيد من الجوع لاني من اكلتي من جيت من الجامعه ما دخلته شي في خشمي حسيت بي رأسي تقيل قلته لي ايمان ماشه اشرب مويه قالت لي طيب ما تتأخري طلعته فتحته باب الحوش و دخلته جوه اثناء ما ماشه اطاقشه راجل ما عرفتو منو وقت رفعته راسي لقيتو ده شهاب كان بعاين لي بصدمه زحى مني شويه عاين لي من فوق لي تحت كرار كم مره وانا من الصدمه اتسمرته مكاني، جراني من يدي دخلني غرفه كده قفلا علي قلته لي بتعمل شنو انت عايز تعمل شنو لانو بالجد اترعبته من حركتو دي قال لي هس ده شنو الابسه ده ولمس لي شعري و كان بعاين لي جوه عيوني قلته لي شنو قال لي وين النقاب من قوله النقاب اتذكرته اني منقبه اديتو كف و زحيتو بعنف قلته لي اطلع بره عاينته للغرفه لقيت توب لفيتو علي حتى وشي خليت عيوني فتحته الباب بغضب قلته لي اطلع قلته ليك اطلع ياخ كان بعاين لي بنظرات ما فهمتها قلته لي بحده انت اطرش ما بتسمع اطلع ياخ نزل راسو و طلع بره قفلته علي الباب اتفقعته بالبكا حصل الكنته خايفه منو يحصل يا رب اعفي لي يا رب سامحني ...
فتلاقت الأرواحُ بعد شتاتِها
وحنَا علينا العُمرُ وابتسمَ القدَر! 
رواية أُريدك حَلالي 
الحلقة 11
بقلم ريم ابو القا سم
فهمنا خلاص يا شفق شهاب شافك و خلاص اهدي اسي بس عرف كيف انتي شفق .. ما بعرف يا ايمان بس تاني كيف احط عيوني في عيونو قالت لي ما ملاحظه انك ماده الموضوع اكبر من حجمو هو شافك و إنتي ما قاصده أنو يشوفك قومي غسلي وشك و استغفري ربنا غفور رحيم و تاني بوعدك ما أجبرك علي شي قلته ليها بزعله ما هو حتى لو ختيتي سكين فيني مستحيل الحصل الليله يتكرر قالت لي بغمزه حتى في عرسك قلته ليها إيمان لا لا اله الله قالت لي محمد رسول الله قلته ليها خلاص أختيني وبعدين انا جعانه شديد شوفي لي شي اكلو قالت لي كويس من عيوني عارفه فجر حولوها بيت الجيران ح ناكل و نشيل الحاجات البنحتاج ليها و نمشي ليها قلته ليها شوفي يا فجر انا ما