رواية أُريدك حَلالي الحلقة العاشرة والحادية عشر بقلم ريم ابو القا سم

طالعه من هنا الا للسفر قالت لي بدينا أمور خلاص إنتي اصلك مسيخه كده يا بت و لا اتعلمتيها من هنا قلته ليها كلامي وقلتو وكمان لو ما عايزاني ارجع براي خليني قالت لي بزعله خير يا شفق اكلك برسل ليك زول شالت حاجاتا و طلعت خلتني براي ما بهون علي ازعلك يا إيمان بس الحصل الليلة مستحيل يتكرر فجأه جاني مسج محتواه وفي زحمة الُمتشابهينَ ، كنتُ المُختلفة .. 
إزيك يا تسنيم.. انا كويس الحمد لله قالت لي كيف العرس قلته ليها كويس شديد ح نرجع بكره قالت لي اها الجمعه الجايه اجهز نفسي قلته ليها تجهزي نفسك لي شنو قالت لي نسيت ولا شنو يا شهاب مش جاي تتقدم لي قلته ليها ان شاء الله ربنا يحينا .. شكلك ما متحمس للعرس حقنا .. كيف ما متحمس يا تسنيم معقوله انا قطعته ليك وعد و اكيد ح اكون قدرو .. خلاص خير ما اطول عليك يلا باي .. طيب باي قفلته منها ما فاهم اي شي خصوصا بعد الموقف الحصل معاي مع شفق مع إنو كانت مختلفه شديد من غير ميكب وانا الدخلني البيت مع إنو كان ممنوع اي ولد يدخل كنته عايز اشيل الدواء للحاج لانو زمنو فات و هو عايز ينوم .
وشفتها وهي بتربط النقاب في غرفتي البقت ليها حاليا كنته عايز اشيل جراباتي شكلي ما اخدتها معاي كنته عايزا للسفر ادخلا الشنطة شفتها و انصدمته اكتر وقت لقيتا بترفع صورة عمي و مرتو كانت بتبكي مسحت دموعا و دخلتا في الشنطه عايزه تقبل اتجاه الباب طوالي رجعته و طلعته خليت ليها البيت معقوله تكون بالجمال ده وفوق لي ده حنينه و طلعت فاقده أهلا كمان وانا الغبي بدل اكون ليها اخو وسند دقيقه اخو شنو انا ما اخوها علي العموم تصرفي معاها كان غلط وقت اتكلمته معاها بالطريقه دي اكيد زعلت دقيقه انت مالك بتفكر فيها كده و شايل هم تزعل ما تزعل هو شي حصل وخلاص و بعدين أكرم عايزا يعني خلاص موضوعا منتهي عشان ما افكر كتير طلعته بره للشباب كانو بتونسو في الحوش العلي باب الشارع و الحوش التاني للحريم ..
اسي يعني ح تقعد براها كده ... اتخيلي يا فجر قدر ما حاولته معاها ابت عديل... ما تظلميها البت لسه ما صحت من صدمه موت أهلا بالجد ليها حق تكون كده .. كلامك منطقي بس لي متين تكون كده حاجه حصلت و انتهت و الميت ما برحع للحياة يا فجر لو بقت علي الحال ده ح يجيها اكتئاب والله .... انتو ما تعرسو ليها خلاص منها و تجيب عيال يملو ليها حياتا و ترجع تاني لي جوه الاسرة انا شايفه يا إيمان ده افضل حل ... هي لو فتحت وشها و زحت الشي ده بجوها العرسان بالردوم بس شايفه الوضح براك .. صحي والله يا ايمان ربنا يسهل ليها يا رب و يهديها ... اللهم امين انسينا من شفق كدي اشوف عريسنا ده وريني ليو ..
فجأه جاني اتصال اثناء ما بتكلم مع فجر من رقم غريب رديت الو منو معاي قال لي ما عرفتيني انا ابو صحبتك القتلتيها نسيتي ولا شنو قلته لي اسفه بس انا ما قتلته زول لقيت فجر بتلف شعرا ما منتبهه معاي طلعته بره قلته لي لو سمحته ما تتصل لي تاني لاني ما بعرفك ولا قتلته زول قال لي ابردي شويه أعصابك عشان ما اتصرف برأي انا من شفتك عرفتك و انا ما كبير للدرجه دي عشان انسى موقف زي ده و انسى التفاصيل الحصلت في الليلة ديك أسي انا اتصلته عشان أقول ليك عايز 200 الف عشان اسكت نهائي كنته ببكي و برجف و بعاين يمين شمال قلته لي انا ما قلتها والله كانو معاي بنات بس انا كنته واقفه واقفه بس بعاين ما عملته شي والله ما قتلتها و أجيب ليك 200 الف من وين قال لي تتصرفي تتصرفو تجيبوها تسرقوها تبيعو كليتكم المهم داير 200 الف عشان أسكت قلته لي طيب بس عليك الله أسكت قال لي انا ساكت و وقت تجيبي الحلاوة ح ابقى أبكم و بقى يضحك كنته برجف و بعاين حولي قفلته منو و رسلته في قروب البنات الحقو يا بنات ابو البت اتصل وقال عايز 200 عشان يسكت اتصرفو معاي الجريمه جريمتنا كلنا...
شفق يا شفق .. نعم يا حلوة.. خالتو صباح دايراكي بره .. مالا مرت عمي ما قالت ليك مالا .. لا لا قالت لي اناديكي .. خلاص قولي ليها جايه قلته يا ربي مالا خالتو سعاد دايراني لبسته النقاب طلعته ليها بره قالت لي نمتي كويس يا شفق قلته ليها الحمد لله خالتو عزيزه قالت لي عاد يا بتي ما عاجبني ليك الابسة دي ما بتحسي بي خنقه قلته ليها لا بالعكس مرتاحه فيو شديد قالت لي بري لاكن قلته لي خالتو سعاد ناديتيني انتي قالت لي ايوا يا بتي يا شفق بدون مقدمات أكرم ولدي عايزك علي سنة الله و رسوله و قلنا نشوف رأيك و خالو اللهو راجل عزيزه أختي قال لو وافقت بتكم نعقد ليهم طوالي بدون ما ناخر أول قلته ليهم اشوف رأي بتي واقعد معاها رأيك شنو في أكرم ولدي زول مؤدب و كويس و بخاف الله و بعد ده من البيت وريني رأيك شنو أسي بكره العقد حق فجر لو موافقه يبقو
عقدين و فرحتين ...
انتظرونا في الحلقة الجاية