عشقتها من صوتها الفصل الثالث بقلم سبأ
المحتويات
ﻟﻨﺎ ﺻﻮﺗﻬﺎ ﺣﻴﺠﻨﻨﻲ ﻭﻳﺸﻴﺐ ﺭﺍﺳﻲ ﻳﺎﺭﺑﻲ ﺑﻮ ﺷﻔﺘﻬﺎ ﺣﻴﺤﺼﻞ ﻟﻲ ﺷﻨﻮ ﺍﺑﺘﺴﻢ ﻟﻼﺧﺮ ﻣﻌﻘﻮﻝ ﻳﺎ ﻭﺍﺋﻞ ﺍﻻﻧﺖ ﺣﻠﺴﻴﻬﻮ ﺩﺍ ﺍﺳﻤﻮ ﺍﻟﺤﺐ؟ ﻣﻌﻘﻮﻝ ﺣﺒﻴﺖ ﺍﻟﺒﺖ ﻣﻦ ﺻﻮﺗﺎ؟؟
ﻫﺰ ﺭﺍﺳﻮ ﺑﺴﺮﻋﺔ ﻛﺎﻧﻮ ﺑﻴﺒﻌﺪ ﺍﻻﻓﻜﺎﺭ ﺩﻱ ﻣﻦ ﺭﺍﺳﻮ ﻭﻗﺎﻝ ﺑﺼﻮﺕ ﻋﺎﻟﻲ ﺣﺐ ﺷﻨﻮ ﻳﺎ ﻭﺍﺋﻞ ﻭﺧﺮﺍﻓﺎﺕ ﺷﻨﻮ ﺍﺳﺘﻐﻔﺮ ﺭﺑﻚ
ﻓﻲ ﻣﻜﺎﻥ ﺑﻌﻴﺪ
ﻟﻨﺎ ﻣﺎﺷﺔ ﻓﻲ ﺍﻟﻜﻮﺭﻧﻴﺶ ﻣﻊ ﺳﺎﺭﺓ ﻭﻧﻈﺮﺍﺕ ﺍﻟﻜﻞ ﻣﻼﺣﻘﺎﻫﻢ ﺑﺎﻻﺧﺺ ﺍﻟﺸﺒﺎﺏ ﻣﺤﺘﺎﺭﻳﻦ ﻓﻲ ﺟﻤﺎﻝ ﺍﻟﺒﻨﺘﻴﻦ ﺍﻟﻘﺪﺍﻣﻬﻢ ﺩﻳﻞ ﻭﺍﻻﺳﺮ ﺑﺮﺿﻮ ﻣﺘﺎﺑﻌﻨﻬﻢ ﻛﻴﻒ ﻣﺎ ﻳﺘﺎﺑﻌﻮﻫﻢ ﻣﺎ ﺩﻳﻞ ﺑﻨﺎﺕ ﻭﺩ ﺍﻟﻤﻴﺮﻏﻨﻲ
ﺍﻟﺤﺼﻞ ﻟﻲ ﻟﻨﺎ ﻛﻞ ﺍﻟﻨﺎﺱ ﻋﺮﻓﺘﻮ ﺍﺻﻼ ﻣﺎﻓﻲ ﺣﺎﺟﺔ ﺯﻱ ﺩﻱ ﺑﺘﺪﺳﺎ
ﺍﺛﻨﺎﺀ ﻣﺎ ﻫﻢ ﻣﺎﺷﻴﻦ ﻭﻗﻔﺖ ﻟﻨﺎ ﻋﺸﺎﻥ ﺗﺸﺘﺮﻱ ﺍﺳﻨﻜﺮﺯ ﻣﻦ ﺍﻟﻜﺸﻚ ﺍﻟﻘﺮﻳﺐ ﻟﻠﺒﺤﺮ
ﺳﻤﻌﺖ ﺑﻨﺎﺕ ﻭﺭﺍﻫﺎ ﺑﻴﺘﻬﺎﻣﺴﻮﺍ ﻭﺣﺪﺓ ﻓﻴﻬﻢ ﻗﺎﻟﺖ ﺑﺼﻮﺕ ﻋﺎﻟﻲ ﺍﺍﺍﻱ ﺩﻱ ﻫﻲ ﻟﻨﺎ ﺍﻟﺮﺍﺟﻼ ﺷﺮﺩ ﻭﺧﻼﻫﺎ ﻭﻛﻤﺎﻥ ﺑﻲ ﻋﻴﻦ ﻗﻮﻳﺔ ﺟﺎﻳﺔ ﺗﺮﻓﻪ ﻋﻦ ﻧﻔﺴﻬﺎ ﻏﺎﻳﺘﻮ ﻧﺎﺱ ﻣﺎ ﺑﺘﺴﺘﺤﻲ ﺍﻧﺎ ﻟﻮ ﻣﺤﻠﻬﺎ ﻛﺎﻥ ﺍﻧﺘﺤﺮﺕ
ﻟﻨﺎ ﺑﺲ ﺍﻟﻜﻼﻡ ﻭﺻﻞ ﺍﺿﺎﻧﺎ ﺩﻣﻮﻋﺎ ﻧﺰﻟﺖ ﻭﺑﺪﺕ ﺗﺒﻜﻲ ﺑﻲ ﺻﻮﺕ ﻋﻠﻲ ﻭﺟﺮﺕ ﻋﻠﻲ ﺍﻟﻌﺮﺑﻴﺔ ﺍﻟﻜﺎﻧﺖ ﻣﻨﺘﻈﺮﺍﻫﻢ ﺳﺎﺭﺓ ﺍﺗﺨﻠﻌﺖ ﺷﺎﻓﺖ ﺍﺧﺘﻬﺎ ﺟﺎﺭﻳﺔ ﻭﺑﺘﺒﻜﻲ ﻣﺸﺖ ﻟﺤﻘﺘﺎ ﻣﻦ ﻏﻴﺮ ﻣﺎ ﺗﻌﺮﻑ ﺍﻟﺤﺼﻞ ﺷﻨﻮ
ﺭﻛﺒﻮ ﺍﻟﻌﺮﺑﻴﺔ ﻭﺍﺗﺤﺮﻛﻮ ﻋﻠﻲ ﺍﻟﺒﻴﺖ ﻃﻮﻝ ﺍﻟﺸﺎﺭﻉ ﻟﻨﺎ ﺑﺘﺒﻜﻲ ﺑﺼﻮﺕ ﻣﺨﻨﻮﻕ ﻭﺳﺎﻛﺘﺔ ﺳﺎﺭﺓ ﺍﺣﺘﺮﻣﺖ ﺳﻜﻮﺗﻬﺎ ﻭﻣﺎ ﺳﺄﻟﺘﻬﺎ
ﺍﻭﻝ ﻣﻦ ﻭﺻﻠﻮ ﺍﻟﺒﻴﺖ ﻟﻨﺎ ﺟﺮﺕ ﻋﻠﻲ ﻏﺮﻓﺘﻬﺎ ﻭﺍﻟﻜﻞ ﻛﺎﻥ ﻣﻮﺟﻮﺩ ﻓﻲ ﺍﻟﺼﺎﻟﺔ ﺍﺳﺘﻐﺮﺑﻮ ﻣﻦ ﻟﻨﺎ ... ﺍﻣﺠﺪ ﺭﻓﻊ ﻳﺪﻭ ﺑﻴﺴﺄﻝ ﻓﻲ ﺳﺎﺭﺓ ﻣﺎﻻ ؟
ﺳﺎﺭﺓ ﺭﺩﺕ ﺑﺴﻜﻮﺕ ﻭﺭﻓﻌﺖ ﺍﻛﺘﺎﻓﻬﺎ ﺑﻤﻌﻨﻲ ﻣﺎ ﻋﺎﺭﻓﺔ
ﻟﻨﺎ ﺩﺧﻠﺖ ﻏﺮﻓﺘﻬﺎ ﻭﺑﻜﻜﺖ ﺑﻌﺪﻳﻦ ﺍﺗﺰﻛﺮﺕ ﻛﻼﻡ ﺍﺑﻮﻫﺎ ﻭﻣﺴﺤﺖ ﺩﻣﻮﻋﺎ ﺍﺗﻮﺿﺖ ﻭﺻﻠﺖ ﻭﻗﻌﺪﺕ ﺗﻘﺮﺍ ﻗﺮﺍﻥ ﻋﺸﺎﻥ ﺗﻬﺪﺍ ﻭﺗﺮﻭﻕ
ﺍﻣﺠﺪ ﻣﺎ ﻗﺪﺭ ﻳﺴﺘﺤﻤﻞ ﻳﺸﻮﻑ ﺣﺎﻟﺔ ﺍﺧﺘﻮ ﻛﺪﺍ ﻭﻭﻗﻒ ﻋﺸﺎﻥ ﻳﻄﻠﻊ ﻭﻗﻒ ﻣﻌﺎﻭ ﺣﺴﺎﻡ ﻗﺎﻝ ﻟﻴﻬﻮ ﺍﻧﺎ ﻣﺎﺷﻲ ﻣﻌﺎﻙ ﻻﻧﻮ ﺣﺴﺎﻡ ﻋﺎﺭﻑ ﺍﺧﻮﻫﻮ ﻣﻤﻜﻦ ﻳﻌﻤﻞ ﺍﻱ ﺷﻲ ﻭﻫﻮ ﺯﻋﻼﻥ
ﻃﻠﻌﻮ ﻣﺸﻮ ﺍﻟﻨﺎﺩﻱ ﻭﻟﺤﺴﻦ ﺣﻈﻬﻢ ﻟﻘﻮ ﻳﺎﺳﺮ ﻗﺎﻋﺪ ﻣﻊ ﺍﺻﺤﺎﺑﻮ ﻭﺍﻟﻨﺎﺱ ﺑﻴﺒﺎﺭﻛﻮ ﻟﻴﻬﻮ ﻣﺒﺮﻭﻙ ﻳﺎ ﻋﺮﻳﺲ
ﺍﻣﺠﺪ ﻣﻦ ﻏﻴﺮ ﻣﺎ ﻳﺘﻠﻔﺖ ﻣﺸﻲ ﻟﻲ ﻳﺎﺳﺮ ﻭﺑﺪﺍ ﻳﻀﺮﺏ ﻓﻴﻬﻮ ﺿ ﺮﺏ ﻣﺎ ﻃﺒﻴﻌﻲ
ﻳﺎﺳﺮ ﻣﺼﺪﻭﻡ ﺣﺘﻲ ﻣﺎ ﻗﺪﺭ ﻳﺪﺍﻓﻊ ﻋﻦ ﻧﻔﺴﻮ ... ﺟﻮ ﺍﺻﺤﺎﺏ ﻳﺎﺳﺮ ﺑﻌﺪﻭ ﺍﻣﺠﺪ ﻣﻦ ﻳﺎﺳﺮ ﻭﺟﺎ ﺣﺴﺎﻡ ﺑﻌّﺪ ﺍﻣﺠﺪ
ﺍﻣﺠﺪ ﺑﺼﻮﺕ ﻋﺎﻟﻲ ﺍﻗﺴﻢ ﺑﺎﻟﻠﻪ ﻳﺎ ﻳﺎﺳﺮ ﺩﻣِ.ﻚ ﻣﺎ ﺑﻴﺒﺮﺩ ﻏﻠﻴﻠﻲ
ﺣﺴﺎﻡ ﺑﻬﺪﺅ ﺍﻣﺠﺪ ﺍﺳﺒﻘﻨﻲ ﻋﻠﻲ ﺍﻟﻌﺮﺑﻴﺔ
ﻃﻠﻊ ﺍﻣﺠﺪ ﻭﻫﻮ ﺑﻴﻐ ﻠﻲ ﻣﻦ ﺍﻟﻐﻀﺐ ﻭﻃﻮﺍﻟﻲ ﺭﻛﺐ ﻋﺮﺑﻴﺘﻮ ﻭﺩﻭﺭ ﻣﺸﻲ ﻭﻻ ﺍﻧﺘﻈﺮ ﺣﺴﺎﻡ
ﺣﺴﺎﻡ ﻭﻗﻒ ﻗﺪﺍﻡ ﻳﺎﺳﺮ ﻭﻗﺎﻝ ﺑﺒﺮﻭﺩﺓ ﺍﻋﺼﺎﺏ ﺍﻗﺴﻢ ﺑﺎﻟﻠﻪ ﻳﺎ ﻳﺎﺳﺮ ﻟﻮ ﻣﺎ ﺟﺒﺘﻚ ﻣﺬﻟ..ﻮﻝ ﻗﺪﺍﻡ ﺍﺧﺘﻲ ﻋﺸﺎﻥ ﺗﺴﺎﻣﺤﻚ ﻭﻟﻮ ﻣﺎ ﺫﻟﻴﺘ ﻚ ﺍﻧﺖ ﻭﺍﺑﻮﻙ ﻭﺧﻠﻴﺖ ﺍﻟﻜﻞ ﺷﻤ ﺘﺎﻥ ﻋﻠﻴﻜﻢ ﻣﺎ ﺍﺑﻘﻲ ﺍﻧﺎ ﻭﻟﺪ ﻋﺒﺪﺍﻟﻌﺰﻳﺰ ﺍﻟﻤﻴﺮﻏﻨﻲ ﻭﻃﻠﻊ ﺑﻬﺪﻭﺀ
ﺣﺴﺎﻡ ﻛﺎﻥ ﻓﻴﻬﻮ ﻫﻴﺒﺔ ﺗﺨﻠﻲ ﺍﻟﻜﻞ ﻳﺤﺘﺮﻣﻮ ﻭﻳﻌﻤﻞ ﺍﻟﻒ ﺣﺴﺎﺏ ﻟﻲ ﻛﻠﻤﺘﻮ ﺭﺯﻳﻴﻴﻦ ﻭﻣﺎ ﺑﻴﻘﻮﻝ ﻛﻼﻡ ﺍﻻ ﻭﻫﻮ ﻣﺘﺎﻛﺪ ﺍﻧﻮ ﻗﺎﺩﺭ ﻳﻌﻤﻠﻮ ﻭﺩﺍ ﺍﻟﺨﻠﻲ ﻳﺎﺳﺮ ﻳﺮﺗﺒﻚ ﻭﻗﺎﻝ ﺑﺼﻮﺕ ﻋﺎﻟﻲ ﺑﻴﻌﻜﺲ ﺍﻧﻮ ﻣﺘﻮﺗﺮ ﺍﻋﻠﻲ ﻣﺎ ﻓﻲ ﺧﻴﻠﻚ ﺍﺭﻛﺒﻮ
ﺍﺑﺘﺴﻢ ﺣﺴﺎﻡ ﺑﺎﺳﺘﻬﺰﺍﺀ ﻭﻃﻠﻊ
ﻭﺍﺣﺪ ﻣﻦ ﺍﺻﺤﺎﺏ ﻳﺎﺳﺮ ﻗﺎﻝ ﻭﺍﻟﻠﻪ ﺣﺴﺎﻡ ﺩﺍ ﻣﺎ ﻫﻴﻦ ﻭﻗﺎﺍﺍﺍﺩﺭ ﻭﺍﻟﺒﻘﻮﻟﻮ ﻛﻠﻮ ﺑﻴﺴﻮﻳﻬﻮ ﺍﻟﻠﻪ ﻳﺴﺘﺮ ﻋﻠﻴﻚ ﻳﺎ ﻳﺎﺳﺮ
ﻳﺎﺳﺮ ﻋﺎﺭﻑ ﺍﻧﻮ ﻛﻼﻡ ﺻﺤﺒﻮ ﺻﺢ ﺑﺲ ﻗﺎﻝ ﺑﺘﻜﺒﺮ ﻣﺎ ﺑﻴﻘﺪﺭ ﻳﻌﻤﻞ ﺷﻲ
ﻭﺍﺣﺪ ﺗﺎﻧﻲ ﻣﻦ ﺍﺻﺤﺎﺏ ﻳﺎﺳﺮ ﻗﻮﻝ ﺩﺍ ﺷﻨﻮ ﺍﻟﻤﺎﺑﻘﺪﺭ ﻳﺴﻮﻳﻬﻮ ﺗﺘﺰﻛﺮﻭ ﺍﻟﻜﺎﻥ ﺑﻴﺸﺎﻏﻞ ﺍﺧﺘﻮ ﺍﻟﻜﺒﻴﺮﺓ ؟؟ ﺍﻟﻮﻟﺪ ﻃﻔﺶ ﻭﻳﻦ ﺍﻟﻠﻪ ﻳﻌﻠﻢ ﺑﺲ ﺑﻘﻮﻟﻮ ﺍﻟﻨﺎﺱ ﻣﻦ ﻭﻗﺘﻬﺎ ﻛﺎﻥ ﺑﺮﺍ ﺍﻟﺴﻮﺩﺍﻥ ﻭﻟﺤﺪﻱ ﻫﺴﻲ ﻣﺎ ﻗﺎﺩﺭ ﻳﺠﻲ ﻭﻟﻤﻦ ﻳﻜﻮﻥ ﻋﺎﻳﺰ ﻳﺸﻮﻑ ﺍﻫﻠﻮ ﺑﻴﺮﺳﻞ ﻳﺴﻮﻗﻬﻢ ﻣﺼﺮ ﺩﺍ ﻛﺎﻥ ﺑﻴﺸﺎﻏﻼ ﺑﺲ ﻳﺎ ﻳﺎﺳﺮ ﻭﺍﻧﺖ ﻛﺴ ﺮﺕ ﻗﻠﺐ ﺍﺧﺘﻮ ﺍﻟﺼﻐﻴﺮﺓ ﺍﻟﻠﻪ ﻳﺴﺘﺮ ﻣﻦ ﺍﻟﺤﻴﻌﻤﻠﻮ ﻓﻴﻚ
ﻳﺎﺳﺮ ﺯﺍﺩ ﺍﺭﺗﺒﺎﻛﻮ ﻭﺗﻮﺗﺮﻭ ﻭﻗﻒ ﻋﻠﻲ ﺣﻴﻠﻮ ﻭﻃﻠﻊ ﻣﻦ ﺍﻟﻨﺎﺩﻱ ....
ﺣﺴﺎﻡ ﻃﻠﻊ ﻣﻦ ﺍﻟﻨﺎﺩﻱ ﻭﻣﺸﻲ ﺟﻤﺐ ﺍﻟﺒﺤﺮ ﺍﻭﻝ ﻣﻘﻌﺪ ﻻﻗﺎﻫﻮ ﻗﻌﺪ ﻓﻴﻮ ﻭﻃﻠﻊ ﺗﻠﻔﻮﻧﻮ ﺍﺗﺼﻞ ﻋﻠﻲ ﺍﻟﺴﻮﺍﻕ ﻋﺸﺎﻥ ﻳﺠﻴﺐ ﻟﻴﻬﻮ ﺍﻟﻌﺮﺑﻴﺔ ﻭﻭﺻﻒ ﻟﻴﻬﻮ ﺍﻟﻤﺤﻞ ﻭﻗﻔﻞ ﺍﻟﺘﻠﻔﻮﻥ ﻧﻬﺎﺋﻲ ﻭﺑﻘﻲ ﻳﻌﺎﻳﻦ ﻓﻲ ﺍﻟﺒﺤﺮ ..... ﻭﺑﻔﻜﺮ ﺍﻧﻮ ﻻﺯﻡ ﻳﻨﺘِ .. ﻘﻢ ﻣﻦ ﻳﺎﺳﺮ ﻻﻧﻮ ﻓﺘﺮﺓ ﺍﺟﺎﺯﺍﺗﻮ ﻗﺮﺑﺖ ﺗﺨﻠﺺ ﻭﻻﺯﻡ ﺑﻌﺪ ﺩﺍ ﻳﺮﺟﻊ ﻟﺸﻐﻠﻮﻭ
ﻟﻨﺎ ﻧﺰﻟﺖ ﻟﻘﺖ ﺍﺑﻮﻫﺎ ﻭﺍﻣﻬﺎ ﻓﻲ ﺍﻟﺼﺎﻟﺔ ﺑﺎﺳﺖ ﺭﺍﺱ ﺍﻣﻬﺎ ﻭﻭﺍﺑﻮﻫﺎ ﻭﻗﻌﺪﺕ ﻓﻲ ﻧﺼﻬﻢ ﻭﻋﺎﻳﻨﺖ ﻟﻲ ﺍﺑﻮﻫﺎ ﻭﺑﺪﻭ ﻣﻘﺪﻣﺎﺕ ﻗﺎﻟﺖ ﻟﻴﻮ ﺑﺎﺑﺎ ﺍﻧﺖ ﺑﺘﺤﺒﻨﻲ ﺻﺢ
ﺍﺑﻮ ﻟﻨﺎ ﺍﻛﻴﺪ ﻳﺎ ﻟﻨﺎ ﻭﺩﺍ ﺳﺆﺍﻝ ﺗﺴﺄﻟﻴﻬﻮ ؟؟
ﻟﻨﺎ ﺍﻧﺎ ﻋﺎﻳﺰﺓ ﺍﺭﺟﻊ ﺍﻛﻤﻞ ﺟﺎﻣﻌﺘﻲ
ﺍﺑﻮ ﻟﻨﺎ ﻭﺍﺗﺒﺴﻂ ﻣﻦ ﻛﻼﻡ ﺑﺘﻮ ﺍﺑﺸﺮﺭﺭﻱ ﻣﺎ ﻃﻠﺒﺘﻲ ﺷﻲ
ﺍﻡ ﻟﻨﺎ ﺍﻟﺤﻤﺪﻟﻠﻪ ﻳﺎﺭﺏ ﻭﺍﻟﻠﻪ ﺍﺣﻠﻲ ﺧﺒﺮ ﺳﻤﻌﺘﻮ ﻣﻦ ﺍﻳﺎﻡ ﻭﺳﻜﺘﺖ ﺍﻣﻬﺎ ﻋﺮﻓﺖ ﺍﻧﻮ ﻛﻼﻣﻬﺎ ﺣﻴﺠﺮﺡ ﻟﻨﺎ
ﻟﻨﺎ ﻭﻋﻴﻮﻧﺎ ﺍﺗﻤﻠﺖ ﺩﻣﻮﻉ ﺑﺲ ﻣﺎ ﻋﺎﻳﺰﺓ ﺍﻗﺮﺍ ﻫﻨﺎ ﻳﺎ ﺑﺎﺑﺎ
ﺍﺑﻮ ﻟﻨﺎ ﻣﺤﻞ ﻣﺎ ﺍﻧﺘﻲ ﻋﺎﻳﺰﺓ ﺗﻤﺸﻲ ﺍﻧﺎ ﻣﺎ ﻋﻨﺪﻱ ﻣﺎﻧﻊ
ﻟﻨﺎ ﻋﺎﻳﺰﺓ ﺍﻣﺸﻲ ﺍﻟﺨﺮﻃﻮﻡ
ﺍﺑﻮ ﻟﻨﺎ ﺑﻜﺮﺭﺓ ﺑﺠﻬﺰ ﻟﻴﻚ ﺍﻭﺭﺍﻗﻚ ﻋﺸﺎﻥ ﺗﻤﺸﻲ
ﺍﺑﻮ ﻟﻨﺎ ﻋﺮﻑ ﺍﻧﻮ ﻛﻞ ﻣﺎ ﺳﺮﻉ ﺍﻟﻤﻮﺿﻮﻉ ﻭﻟﻨﺎ ﻣﺸﺖ ﺣﺘﻐﻴﺮ ﺟﻮ ﻭﺗﻨﺴﻲ ﺍﻟﺤﺼﻞ ﺍﺳﺮﻉ
ﻃﻮﺍﻟﻲ ﺭﻓﻊ ﺗﻠﻔﻮﻧﻮ ﻋﺸﺎﻥ ﻳﻔﻚ ﻟﻴﻬﺎ ﺍﻟﺘﺠﻤﻴﺪ ﻭﻳﺤﻮﻻ ﺍﻟﺨﺮﻃﻮﻡ
ﻟﻨﺎ ﻛﺎﻧﺖ ﺑﺘﻘﺮﺍ ﺻﻴﺪﻟﺔ ﻻﻧﻬﺎ ﻛﺎﻧﺖ ﺭﻏﺒﺘﺎ ﻭﺟﻤﺪﺕ ﻋﺸﺎﻥ ﺍﻟﻤﺸﺎﻛﻞ ﻓﻲ ﺍﻟﺠﺎﻣﻌﺔ ﻛﺘﻴﺮﺓ ﻭﺑﻌﺪﻫﺎ ﺩﺧﻞ ﻣﻮﺿﻮﻉ ﺍﻟﺨﻄﻮﺑﺔ ﻭﻛﺎﻧﺖ ﻧﺎﻭﻳﺔ ﺗﻜﻤﻞ ﺟﺎﻣﻌﺔ ﺑﻌﺪ ﺍﻟﻌﺮﺱ ﺑﺲ ﺣﺼﻞ ﺍﻟﺤﺼﻞ
ﻟﻨﺎ ﺭﺟﻌﺖ ﻏﺮﻓﺘﺎ ﻭﻫﻲ ﻣﺒﺴﻮﻃﺔ ﻣﻦ ﺍﻟﻘﺮﺍﺭ ﺍﻻﺧﺪﺗﻮﻭ ﻭﻗﺮﺭﺕ ﺍﺗﻬﺎ ﺣﺘﺒﺪﺍ ﺻﻔﺤﺔ ﺗﺎﻧﻴﺔ ﻣﻦ ﺣﻴﺎﺗﺎ ﻭﺗﻨﺴﻲ ﺍﻟﻔﺎﺕ
ﻭﻣﺰﺍﺟﺎ ﻛﺎﻥ ﻫﺎﺍﺩﺉ
....
ﻭﺍﺋﻞ ﻗﺎﻋﺪ ﻓﻲ ﻏﺮﻓﺘﻮ ﻭﺑﻔﻜﺮ ﻓﻴﻬﺎ ﻭﻓﻲ ﺻﻮﺗﺎ
ﺑﻴﻨﻮ ﻭﺑﻴﻦ ﻧﻔﺴﻮ ﻳﻘﻮﻝ ﺍﺳﻤﻬﺎ ﻟﻨﺎ ﻭﻳﺘﺒﺴﻢ
ﻗﺮﺭ ﺍﻧﻮ ﻳﺘﺼﻞ ﻋﻠﻴﻬﺎ ﺑﺲ ﻳﺴﻤﻊ ﺻﻮﺗﺎ ﺣﺘﻲ ﻟﻮ ﺗﻬﺰﺋﻮ ﻭﺗﻘﻔﻞ ﺍﻟﺨﻂ ﻓﻲ ﻭﺷﻮ ﺑﺲ ﻛﻠﻤﺔ ﺍﻟﻮ ﻣﻨﻬﺎ ﺑﺘﻜﻔﻴﻬﻮﻭ
ﺭﻓﻊ ﺗﻠﻔﻮﻧﻮ ﻭﺍﺗﺼﻞ
ﻟﻨﺎ ﺑﻤﺎ ﺍﻧﻬﺎ ﻣﺘﺤﻤﺴﺔ ﺍﻧﻬﺎ ﺣﺘﺮﺟﻊ ﺍﻟﺠﺎﻣﻌﺔ ﻓﺘﺤﺖ ﺧﺰﻧﺔ ﺩﻭﻻﺑﺎ ﺍﻟﻜﺎﻧﺖ ﺧﺎﺗﺔ ﻓﻴﻬﺎ ﺍﻟﻤﺮﺍﺟﻊ ﻭﺑﺪﺕ ﺗﻄﻠﻌﺎ
ﺳﻤﻌﺖ ﺻﻮﺕ ﺍﻟﺘﻠﻔﻮﻥ ﺭﻓﻌﺖ ﻟﻘﺖ ﻧﻔﺲ ﺍﻟﺮﻗﻢ ﺭﺩﺕ ﺑﻬﺪﺅ ﻭﺑﺼﻮﺗﻬﺎ ﺍﻟﻌﺬﺏ ﻭﻭﺑﺒﺤﺘﻬﺎ ﺍﻟﻠﻄﻴﻔﺔ ﺍﻟﻮ
ﻭﺍﺋﻞ ﻣﻦ ﺳﻤﻊ ﺻﻮﺗﻬﺎ ﺣﺴﻲ ﺍﻧﻮ ﻗﻠﺒﻮ ﺣﻴﻄﻠﻊ ﻣﻦ ﻣﺤﻠﻮ ﻭﺍﺗﻮﺗﺮ ﺑﺲ ﺿﻐﻂ ٠ﻋﻠﻲ ﺭﻭﺣﻮ ﻭﺭﺩﺍ ﺍﻟﻮﻭ
ﻟﻨﺎ ﻧﻌﻢ؟ !!
ﻭﺍﺋﻞ ﺑﺼﺮﺍﺣﺔ ﺍﻧﺎ ﺣﺎﺑﻲ ﻧﻜﻮﻥ ﺍﺻﺤﺎﺏ
ﻭﻟﻢ ﻗﺎﻝ ﻛﻠﻤﺔ ﺍﺻﺤﺎﺏ ﻗﻠﺒﻮ ﻭﺟﻌﻮ
ﻟﻨﺎ ﺑﻨﻔﺲ ﺍﻟﻬﺪﺅ ﻣﻴﻦ ﻗﺎﻝ ﻟﻴﻚ ﺍﻧﻲ ﻣﺤﺘﺎﺟﺔ ﺍﺻﺤﺎﺏ ﺍﻧﺖ ﻣﻨﻮ ﺍﺻﻼ ﻭﻋﺎﻳﺰ ﺷﻨﻮ ﻳﻮﻣﻬﺎ ﻗﻠﺖ ﻟﻴﻚ ﺍﻧﻲ ﺍﺗﺼﻠﺖ ﺑﺎﻟﻐﻠﻂ ﻭﺍﻋﺘﺬﺭﺕ ﻟﻴﻚ ﺗﺎﻧﻲ ﻓﻲ ﺷﻨﻮ ؟؟
ﻭﺍﺋﻞ ﺍﺗﺼﺪﻡ ﻣﻦ ﻛﻼﻣﻬﺎ ﺑﺲ ﻛﺎﻥ ﻣﺘﻮﻗﻊ ﺍﻧﻮ ﺩﻱ ﺣﺘﻜﻮﻥ ﺭﺩﺓ ﻓﻌﻠﻬﺎ ﻭﻗﺎﻝ ﺑﺼﻮﺕ ﻣﻜﺴﻮﺭ ﺍﺳﻒ ﺍﺫﺍ ﺍﺯﻋﺠﺘﻚ ﺑﺲ ﺣﺒﻴﺖ ﺍﻧﻮ ﺗﻔﻀﻔﻀﻲ ﻟﻲ ﻭﺍﻓﻀﻔﺾ ﻟﻴﻚ ﻣﺎ ﺍﻛﺘﺮ ﻟﻜﻦ ﻣﺪﺍﻡ ﺍﻟﻤﻮﺿﻮﻉ ﻣﺴﺒﺐ ﻟﻴﻚ ﺍﺯﻋﺎﺝ ﻑ ﺍﻧﺎ ﺑﻌﺘﺬﺭ ﻟﻠﻤﺮﺓ ﺍﻟﺘﺎﻧﻴﺔ ﻭﺍﻥ ﺷﺎﺀ ﺍﻟﻠﻪ ﻣﺎ ﺑﻴﺘﻜﺮﺭ ﻣﻊ ﺍﻟﺴﻼﻣﺔ
ﻭﻗﻔﻞ ﺍﻟﺨﻂ
ﻟﻨﺎ ﺣﺴﺖ ﺑﺘﺄﻧﻴﺐ ﺿﻤﻴﺮ ﻭﺍﻧﻬﺎ ﻣﺎ ﻛﺎﻥ ﺍﻟﻤﻔﺮﻭﺽ ﺗﺘﻜﻠﻢ ﻣﻌﺎﻭ ﻛﺪﺍ ﺑﺲ ﻗﺎﻟﺖ ﻳﻤﻜﻦ ﻛﺬﺍﺏ ﻭﺑﻴﻐﺶ ﻋﻠﻴﻬﺎ ﻭﺭﻣﺖ ﺍﻟﺘﻠﻔﻮﻥ ﻭﺭﺟﻌﺖ ﺗﻘﻠﺐ ﻓﻲ ﺍﻟﻤﺮﺍﺟﻊ
ﻭﺍﺋﻞ ﺯﺡ ﺍﻟﺘﻠﻔﻮﻥ ﻣﻦ ﺍﺿﺎﻧﻮ ﻭﺣﺴﻲ ﺑﺎﻧﻮ ﻓﻲ ﺷﻲ ﻓﻲ ﺧﺪﻭ ﻟﻤﺲ ﺧﺪﻭ ﻟﻘﻲ ﺩﻣﻌﺔ ﻧﺎﺯﻟﺔ
ﻣﺴﺤﻬﺎ ﺳﺮﻳﻊ ﻭﺣﺴﻲ ﺍﻧﻮ ﺩﻱ ﺣﺎﺟﺔ ﻛﺒﻴﺮﺓ ﻭﻗﺎﻝ ﺑﺼﻮﺕ ﻋﺎﻟﻲ ﻏﺒﻲ ﻳﺎ ﻭﺍﺋﻞ ﺗﻨﺰﻝ ﺩﻣﻌﺘﻚ ﻋﺸﺎﻥ ﻭﺣﺪﺓ ﻣﺎ ﺗﻌﺮﻑ ﻋﻨﻬﺎ ﺍﻻ ﺻﻮﺗﺎ ﻭﺿﺮﺏ ﺍﻟﺤﻴﻄﺔ ﺑﻴﺪﻭ ﻭﻧﺪﻡ ﻋﻠﻲ ﺍﻧﻮ ﺍﺗﺼﻞ ﻋﻠﻴﻬﺎ ﻭﻃﻠﻊ ﻣﻦ ﺍﻟﺒﻴﺖ ﻭﻫﻮ ﻣﺘﻀﺎﻳﻖ
ﻛﺎﻥ ﻣﻦ ﻋﻮﺍﻳﺪﻭ ﺍﻧﻮ ﻛﻞ ﻣﺎ ﺍﺗﻀﺎﻳﻖ ﺑﻴﻤﺸﻲ ﻳﻘﻌﺪ ﻗﺪﺍﻡ ﺍﻟﻨﻴﻞ ﻭﻳﻌﺎﻳﻦ ﻓﻲ ﺍﻟﻤﻮﻳﺔ ﻭﺑﺤﺲ ﺍﻧﻮ ﻓﻴﻬﺎ ﺳﺤﺮ ﺑﻴﻨﺴﻴﻬﻮ ﻫﻤﻮﻣﻮ ﻭﻳﺒﻌﺪﻭ ﻣﻦ ﺯﺣﻤﺔ ﺍﻟﺨﺮﻃﻮﻡ ﻭﺟﻮﻃﺘﻬﺎ ....
ﻟﻨﺎ ﻗﺎﻋﺪﺓ ﻓﻲ ﺍﻻﺭﺽ ﻓﻲ ﻏﺮﻓﺘﻬﺎ ﻭﻓﺎﻛﺔ ﺷﻌﺮﻫﺎ ﺍﻟﻮﺍﺻﻞ ﻟﻨﻬﺎﻳﺔ ﻇﻬﺮﻫﺎ ﻭﺑﺘﻘﻠﺐ ﻓﻲ ﺍﻟﻤﺮﺍﺟﻊ ﺍﺍﺗﺰﻛﺮﺕ ﺍﻟﻤﻜﺎﻟﻤﺔ ﺍﻟﺠﺎﺗﻬﺎ ﻭﺍﺗﺰﻛﺮﺕ ﺑﺮﻭﺩﻫﺎ ﻭﻧﺪﻣﺖ ﺍﻧﻬﺎ ﺍﺗﻜﻠﻤﺖ ﻛﺪﺍ
ﻛﻴﻒ ﺗﺠﺮﺡ ﺯﻭﻝ ﻏﺮﻳﺐ ﺑﻲ ﻛﻼﻣﻬﺎ ﻭﻫﻲ ﺍﻟﻮﺭﺩﺓ
متابعة القراءة
