حين اختارني القدر له الفصل الاول والثاني والثالث والرابع والخامس حصريه وجديده

حين اختارني القدر له الفصل الاول والثاني والثالث والرابع والخامس حصريه وجديده 
حين اختارني القدر له
الجزء 1
صباح بارد فكازا، الشتا كتصب بخيوطها على شراجم الخشب ديال الدرب القديم. فبيت صغير ومفرش تفريشة بلدية بسيطة، ريم واقفة قدام مراية طويلة مشقوقة من القنت. لابسة مونطو طويل فالبج شراه ليها باها شحال هادي، وكتعقد فزيفها لي لونو غامق بوردو. ريحة أتاي بالنعناع والخبز محمر فالپانيني عاطية من الكوزينة. ليلى صاحبتها واقفة حدا الباب، لابسة جاكيط ديال الكوير كحلة، كتمضغ المسكة وكتشوف فالمكانة ديال يديها.
ليلى سربي أ المصيبة راه غنتعطلو على الخدمة والمدير الجديد غيخرج لينا من الجنب
ريم وا صبري أ ليلى، راه الزيف مابغاش يتقاد ليا اليوم، بحال إلى حاس بيا مقبوضة.
ليلى كتضحك وكتخطف طريف دالخبز مقبوضة ولا خايفة يطيرو ليك ديك الترقية لي كتحلمي بيها
ريم أنا لي كنخدم بيدي وسناني، ماشي بحال شي وحدين. يالاه زيدي قدامي.
ريم هزات صاكها ديال الجلد لي بدا كيتقشر من الجناب، خطفات كاس ديال أتاي سخون شربات منو جغمة زربانة، حسات بالدفى هبط مع قرجوتها. خرجات هي وليلى للزنقة. ريحة التراب الفازك مخلطة مع ريحة السفنج ديال باعمر لي فالدورة. ريم كتمشى وتتفادى الغيس، ولكن قلبها كان كيضرب بواحد الإيقاع غريب، بحال إلى هاد النهار مخبي ليها شي حاجة كبر من مجرد نهار عادي فالأرشيف.
فالمقر الرئيسي لشركة العمراني الديكور كلو رخام كيبري، والضوء الأبيض ضارب فالحيوط. الكليماتيزور خدام والجو بارد. ريم هازة تلاتة ديال الدواسة كبار وزرقين، متقلين عليها. عينيها لاصقين فواحد الورقة صفرا صغيرة كتقرا فيها، غادية ومامركزاش فشنو قدامها. فجأة... ضربات فشي صدر قاصح بحال الحيط. الدواسة طاحو، والوراق تشتتو فوق الرخام.
يوسف بصوت بارد وقاسح، كيسوس كمامو مكاتشوفيش قدامك
ريم كتجمع الوراق بلا ماتشوف فيه راه نتا لي زربان أ سيدي ماشي أنا.
يوسف عقد حجبانو وهبط راسو لعندها هادي هي طريقة الهضرة ديالك مع الناس؟
ريم وقفات، نفضات المونطو ديالها وطلعات فيه عينيها هادي هي طريقتي مع لي كيعفط على الناس وماكيقولش سمح ليا.
يوسف كان لابس كوستيم مفصل على قدو، كراڤاطة كحلة، ومكانة روليكس كتبري فيدو. ريحة العود الغالي مخلطة مع ريحة الخشب عطات فنيف ريم ودوخاتها شوية. سكت يوسف، عينيه الكحلين والقاسحين بقاو كيسكانيو وجه ريم، من زيفها البسيط لملامحها المتمردة. الصمت طاح فداك الكولوار لدرجة تسمع غير صوت تنفسهم. الموظفين لي كانو دايزين وقفو كيتفرجو. ريم واخا يديها كانو كيرجفو بالتوتر، خلات راسها مرفوع ومامهبطاتش عينيها.
يوسف خنزر فيها شوفة أخيرة، دار بظهرو ومشى. صوت صباطو ديال الجلد الطالياني كيدير طاق.. طاق.. طاق فوق الرخام، قاصد لانسور الخاص بالمدير. ريم تنهدات بحال إلى كانت حابسة النفس. يالاه غتكمل طريقها، حتى حط شي حد يدو على كتفها. دارت مخلوعة، لقاتو عمي إدريس.
عمي إدريس بصوت خافت، شاد سوارت الطوموبيل فيدو بنتي ريم... ردي بالك من داك السيد.
ريم باستغراب كتقاد الدواسة شكون هادا أ عمي إدريس متكبر على الخاوي.
عمي إدريس كيشوف جيهة لانسور لي تسد هادا يوسف العمراني... مول الشي، واليوم بالذات، جاب معاه واحد الورقة غتقلب حياتك.
ريم جمدات فبلاصتها. عمي إدريس، الشيفور القديم لي لابس كوستيمو الرمادي النقي، هبط راسو ومشى بخطوات تقال بحال إلى ماقال والو. الباب الزاجي ديال الشركة تفتح، ودخل واحد البرد قاصح ضرب فوجه ريم. طيحات عينيها فالدواسة لي فيديها، وحسات بواحد العقدة تزيرات فمعدتها.
____________يتبع__________
حين اختارني القدر له
الجزء 2
طيحات عينيها فالدواسة لي فيديها، وحسات بواحد العقدة تزيرات فمعدتها. 
فالطابق التحتاني ديال الشركة، فين كاين الأرشيف. بلاصة مضلمة شوية، مضاوية غير بپولات بويض طوال كيزنزنو بصوت خافت. ريحة الكاغيط القديم والغبرة معشعة فالمكان. ريم جالسة فوق كرسي ديال الحديد، حاطة يديها على حناكها، وعينيها ساهين فواحد الدوسي قديم محطوط قدامها. ليلى جالسة فالجهة الأخرى ديال البيرو، كتاكل كرواصة بالشكلاط وكتشرب قهوة كحلة فكاس ديال البلاستيك.
ليلى كتمضغ وتهضر أجي، مالكي من قبيلة وانتي ساهية واش داك خينا لي ضربتي فيه طير ليك النص؟
ريم تنهدات بضيق لا أ ليلى... عمي إدريس قاليا واحد الهضرة لتحت دوخاتني.
ليلى مسحات فمها بكلينيكس شنو قال عوتاني هاداك الشيباني؟
ريم بصوت خافت قاليا المدير الجديد جاب معاه شي ورقة غتقلب ليا حياتي.
ليلى ضحكات باستهزاء تلقايه غير كيخربق، ولا باغي يخلعك حيت طيحتي لمول الشي الدواسة. خدمي خدمي وخليه عليك.
ريم سكتات، ولكن قلبها ما سكتش. هبطات عينيها ليديها لي كانو باردين وكيرجفو شوية. الغبرة كانت كتشطح فداك الشعاع ديال الضو لي هابط من البولة. واخا ليلى حاولات تبسط الأمور، ريم حسات بلي نظرة عمي إدريس ماكانتش ديال الضحك. كان فيها واحد الحزن وواحد الشفقة لي خلات المعدة ديالها تزير عليها.
فالطابق العاشر، فين كاين البيرو ديال المدير العام. عالم آخر تماماً. الزاج من الأرض للسقف كيبين كازا كاملة مضببة بالشتا. الزربية غليظة كتمص الصوت ديال الخطوات. يوسف جالس مور بيرو كبير ديال الخشب الكحل. قدامو كاس ديال الإسبريسو كيطلع منو البخار، وريحة القهوة القاصحة عاطية فالبيرو. حل واحد الدوسي ديال الجلد قهوي، وجبد منو ورقة قديمة، صفرا من الجناب. التليفون ديالو صونا.
يوسف هز التليفون، صوتو بارد ألو، الواليدة.
الحاجة