رواية العروسة والشلة الموكوسة للكاتبة ياسمين علاء الدين الفصل الاول حصريه وجديده

رواية العروسة والشلة الموكوسة للكاتبة ياسمين علاء الدين الفصل الاول حصريه وجديده

البداية
وقفت ليلي وهي لابسه جلابيه وربطه شعرها وبتنضف الشقه

ليلي: يا ماما حرام عليكي انا تعبت من كتر التنضيف

الام: يلا يا موكوسه. خلصي علشان العريس جاي بليل

ليلي: يا ماما انا عندي شغل. ومش فاضيه

الام: خلصتي تعليم وله لسه.

ليلي: خلصت

الام: اكلتك وشربتك ولبستك واتخرجتي كفايه عليكي لحد كده

ليلي: اول اما اخلص كده تديني الصابونه. طيب سبيني عشر. خمستاشر سنه

الام: بلا صابونه بلا ليفه. خلصي الشقه علشان تدخلي تستحمي

ليلي: حاضر يا ست الحبابيب يا حبيبه. ااااه

وقعت ليلي على الارض.

الام: اقول ايه. موكوسه. أمتي بس يارب ارتاح منك ومن عمايلك السودا

ليلي: بكره تندمي وتقولي يوم من ايامك يا لوله

الام: اتنيلي. ده انا هرمي وراكي زير مش اووله

ليلي: ياه على الحب. كنت عارفه انك بتموتي فيا

الام: انا هموت منك مش فيكي

ليلي: طيب انا بقي مش هوافق على العريس وهطفشه. وريني بقي هتخلصي مني ازاي.

في واحد من البيوت الفخمه

كان قاعد شاب غني وماسك في ايده موبيله

دخل السكرتير: زياد باشا

زياد: ها. في ايه

السكرتير: فرح منصور بيه انهارده

ضحك زياد ؛ لا والله. ودي بقي العروسه الكام

السكرتير: حضرتك الفرح في الفندق بتاعكم الساعه 9. ياريت تكون موجود.

زياد ؛ اه طبعا. هاجي، ازاي محضرش فرح ابويا العشرين. يا شيخ ده شهريار في زمانه.

السكرتير: ده والدك يا زياد بيه ومش من حق حد يتحكم في تصرفاته

زياد: اه طبعا. هو الكبير ومن حق الكبير يدلع.

السكرتير: عمار باشا جاي. وكمان مهند بيه. ياريت حضرتك تيجي في ميعادك

زياد: قولتلك جاي. متصدعش دماغي.

مشي السكرتير.

زياد: لازم اروح الفرح ومعايا هديه ولازم الهديه تلقي بحدث ضخم زي فرح منصور باشا...
رواية العروسة والشلة الموكوسة للكاتبة ياسمين علاء الدين الفصل الأ
في مكان تاني. سباق سيارات
كان شاب لابس اسود في اسود وراكب عربيه وبيسوق بيها على اسرع حاجه
وصل لنقطه النهايه
البنات حوليه والشباب كلهم بيصقفو ومعجبين بيه
مدير أعماله: ممتاز يا عمار بيه. بصراحه كل مره بتدهشني. انت حققت رقم قياسي
عمار شال الخوذه من على راسه وهو مبتسم: لسه موصلتش للرقم اللي انا عايزه.
المدير: في شركه عايز تتعاقد معاك عشان تعملها اعلان
عمار: مش بعمل اعلانات يا مرتضي. وقولتك كده مليون مره.
المدير: بس دول زودو الشيك الضعف
عمار: الفلوس متهمنيش. سلام يا مرتضي
جريت بنت وراه: عمار. عمار استني
عمار: ايوه يا ناني
ناني: عمو منصور فرحه انهارده. هتعدي عليا الساعه كام
عمار: واعدي عليكي ليه
ناني: عشان اروح معاك الفرح. انت هتروح لوحدك
عمار: اه طبعا هروح لوحدي. انتي ناسيه أن الصحافه والاعلام هيكونو هناك. عايزاني ادخل مع واحده. والاشاعات تكتر
ناني: بس احنا اصحاب وكمان ولاد خاله.

عمار: الصحافه متعرفش الكلام ده. الاحسن كل واحد يروح لوحده. يلا باي
مشي عمار. وناني وقفت مضايقه من أسلوبه معاها.
في. الصاله الرياضيه
كان شاب شايل اكتر من 80 كيلو اثقال
المدرب: عاش يا مهند. جامد يا وحش
مهند شال ونزل الحديد: شكرا يا كوتش.
المدرب: التمرين بتاعتك خلصت انهارده. تقدر تستريح، بس خلي بالك من نظام الاكل. زود لحوم. وقلل النشويات
مهند: اه طبعا. انا فطران 2 فرختين انهارده.
المدرب: يستحسن الغدا يكون لحوم حمرا
مهند: قشطه يا كوتش.
قعد مهند على الكرسي يرتاح شويه وجاله تليفون من سكرتير والده أن الفرح انهارده ولازم يحضر
مهند: جاي يا شفيق. بس عندكم اكل في الفرح
السكرتير: طبعا يا مهند بيه. في كل الانواع
مهند: طيب قول للطباخ يزود اللحوم عشان انا جاي ومعايا صحابي. انت حر لو ملقوش اكل احتمال ياكلوك
السكرتير بخوف: ياكلوني انا. ليه يا باشا. انا كنت عملت ايه.
مهند: انا بقولك اهو. اعمل حسابك على البوفيه.
السكرتير: حاضر يا باشا. هعمل حسابي. ربنا يستر