رواية زهرة لا تدبل الحلقة الثانية عشر بقلم الكاتبه أماني السيد حصريه وجديده

فى مدرسة رأفت كان ينتظر أن يتحدث معه الطلاب حول الدروس الخصوصية كما يفعلوا كل عام لكن مر اسبوع وبدؤا فى أسبوع اخر ولم يتحدث معه احد
وأثناء وجوده فى الحصه وجد طالب كان يأخذ عنده درس ولم يحضر معه هذا العام
قم رأفت باستدعاءه
تعالى يا على
ازيك يا مستر
الحمد لله يا حبيبي ايه محضرتش لحد دلوقتي في ولا درس ليه
مهو يا مستر انا ماما بقت تودينى لمدرس تانى قالتلى درجاتك وحشه وهغيرلك المدرس
اه يا عيل يا فاشل امك بتدارى فشلك فتجيب الهيب من المدرس
والمدرس الجديد هيعمل ايه مع واحد فاشل زيك
يا مستر لو سمحت انا مش فاشل
لا فاشل ومش نافع فى حياتك وابقى قابلنى لو اديتك درجه واحده في أعمال السنه
ذهب الطفل من امام رأفت وظل يبكى وبعدها ذهب للمنزل وقص لأمه جميع ما حدث معه
يعنى هو قالك كده قصاد الاولاد
اه والفصل كله شاهد على كده
طيب خش زاكر انت وانا هتصرفى
اخذت الام الهاتف وقامت بإرسال رسالة لجروب الامهات محتواها
حسبي الله ونعم الوكيل في كل مدرس مش بيتقى ربنا ولا مقدر قيمه المكان اللى هو فيه وبيجبر الاولاد انهم ياخدوا عنده دروس خصوصيه
للاسف انهارده مستر رأفت هزأ ابنى قدام الفصل وهدده إنه مش هيديله اعمال السنه وقاله انت فاشل
انا ابنى مش فاشل يا مستر رأفت واحنا كنا بناخد معاك درس لكن الولد مكنش بيفهم منك حاجه واحنا بنتعب فى الفلوس اللى الولد بياخد بيها دروس فمن باب اولى نديها لمدرس شاطر ابنى بيفهم منه
بعد إرسال تلك الرسالة
تجرأ عدد من أولياء الأمور وقاموا بالرد عليها
وأحنا كمان بيعامل اولادنا وحش وبيضايقهم بالكلام
طيب إحنا هنفضل ساكتين كده إحنا نسجل فيه شكوى جماعيه ونروح بكره نقابل المدير يمشيه او ينقله إنما اولادنا خط احمر
وبالفعل قام كلا منهم بعمل شكوى فى رأفت وفى اليوم التالى ذهبوا للمدرسة وقاموا بمقابله المدير الذى قرر إحالة رأفت للتحقيق وأتت أيضا لجنه من الوزارة للتأكد من الشكوى
وتم ايقاف رأفت عن العمل واحالته للتحقيق
لم يستوعب رأفت ما حدث في ليله وضحاها
اصبح بلا عمل ومنزل مطالب بدفع ايجاره شهرياً وقضايا واجور محامين و باقى الطلبه قرروا عدم الذهاب له مره اخرى فهم يأخذوا معه دروس فقط من أجل اعمال السنه وإذا اتى مدرس جديد سيأخذوا عنده عوضاً عن رأفت
كان رأفت يجلس فى الصاله ويضع رأسه بين كفيه لا يعلم ماذا يفعل فالمصائب تأتى له من كل حدب وصوب
وتذكر زهره ووقوفها معه أما سعاد فهى تريد فقط المال ولا تستطيع العمل ومساعدته
ماذا يفعل يترك سعاد ويذهب لزهره يترجاها حتى تعود له سيفعل أى شئ تطلبه منه فهى الوحيدة التى وقفت بجانبه
دخلت اليه سعاد ووجدته بتلك الحالة
مالك يا رأفت فى ايه
اتحولت للتحقيق واحتمال اترفد والطلبه اللى بديهم دروس وقفوها
نهار اسوح ومين هيصرف علينا يعنى هتقعدلى فى البيت من غير شغله ولا مشغله لا اتصرف
اتصرف اعمل ايه ها عايزانى اعمل ايه انا متحول للتحقيق يعمى مافيش مدرسه هتقبلنى وغير كده الدراسه بدأت بقالها أسبوع وزيادة يعنى المدارس مكتفيه بالمدرسين
طيب هتعمل ايه وهنصرف ازاى
انزلى اشتغلى وانا هحاول اشوفلى شغلانه تانيه
اشتغل ايه وليه أصلا
آمال هنصرف منين انا خلاص بح والفلوس اللى معايا مش هتكفى يا دوبك ندفع بيهم ايجار شهر ولا اتنين كمان وأصلا بفكر اغير الشقه دى واجيب شقه اصغر
كمان منك لله يا اخى يا رتنى ماتجوزتك حسبى الله ونعم الوكيل فيك
حاول بعدها رأفت الإتصال بابنه لكنه لم يستطع بسبب الحظر وحاول الإتصال بزهره وجدها قد حظرته قرر أن يتصل بها من رقم غريب ويحاول أن يقابلها فهى معها مبلغ كبير تستطيع ان تعطيه منه شيئا او يحاول أن يجذبها بكلمتين غزل لعل وعسى قلبها يميل اليه مره أخرى
فى المدرسة عند زهره كانت تعمل بجد وبحماس شديد وظلت تعمل مع الاولاد انشطه تعليميه تساعدهم من خلالها على فهم الدروس
كان ساجد يراقبها ويراقب تفاعل الاولاد معها ولم تكن تعلم زهره أن إبنه ساجد معها في نفس الفصل أراد أن يعرف كيف ستتعامل معهم وهل ستطرق مع الاولاد وتجبرهم أن يأخذوا دروس لديها
بعد انتهاء ارسلت زهره ما اخذه الاولاد لجروب المدرسه على الواتس اب الخاص بأولياء الامور واوضحت لهم إذا ارادوا الاستفسار عن أى شئ خاص بالمنهج يستطيعوا أن معهت وهى ستساعدهم
ارسل لها ساجد بعض الاستفسارات فأجابت عليه زهره دون كلل او ملل
مر اسبوع وكل يوم ساجد يرسل لزهره بعض الاستفسارات وهى تجيب عليه كما تفعل مع غيره من أولياء الأمور
يتبع.
بقلم اماني السيد