💔جراح القلب ٢💔 الحلقه الاولى والثانية حصريه وجديده
جراح القلب ٢
الحلقه الاولى والثانية حصريه وجديده
طبعا بعد الفرح الجميل والكل فرح فيه من قلبه، خرج احمد وهنا من القاعه
ووصلهم مؤمن ومي.. وبعد موصلوا
احمد نزل من العربيه وفتح الباب لهنا
ومسك ايديها وباسها وقالها
احمد نورتي دنيتي، يا احلى هديه بعتها القدر ليا
هنا اتكسفت، احنا في الشارع يا احمد،وبصت حواليها وابتسمت ابتسامه سحرت قلب أحمد
احمد اااااه يخربيت جمالك، هنا انا....
مؤمن قاطعهانت ايه بس، بلاش فضايح وراعي اننا واقفين ياعريس، وبعدين انتو تطلعوا شقتكوا واعملوا اللي انتو عايزينو، لكن في الشارع كده، ميصحش عيب ههههههههه
احمد دايما انت هادم لذات كده على طول هههههه
مؤمن وهي جديده عليا هههههه
مي بدموع سلمت على هنا مبروك ياقلب اختك، بجد انا فرحنالك قوي ياهنا
هنا بس بقه يامي انتي كده هتخليني اعيط والله، وبعدين انتي تجيلي على طول، اوعي تتأخري عليا، وحضنتها، هتوحشيني لحد بكره يا ميوي
مؤمناحمد يلا اطلع بهنا، عشان احنا كمان نلحق نروح،احنا لو فضلنا كده هنقف لبكره، انت شايف الدراما اللي احنا فيها، وسلم على أحمد وحضنه وقال ربنا يسعدكو يارب يا احمد، وعقبااالي هههه
احمد حبيبي يا مؤمن، ربنا يفرحنا بيك عن قريب يارب، ونخلص منكو انتو كمان
وضحكوا كلهم، ومشي مؤمن ومي، واحمد وهنا طلعوا على شقتهم
احمد فتح باب الشقه، وهنا قلبها دقاته بتزيد، ومش عارفه تاخد نفسها، وحاسه ان قلبها هيطلع من مكانه
احمد اتفضلي ياقمري نورتي حياتي كلها ياهنا
هنا احم، شكرا يا احمد
احمد هو ايه اللي شكرا، هو انا بقولك خدي شيكولاته، انا بقولك وبص في عينيها بحبك ياهنا، بجد انا تعديت كل مراحل الحب، انا بجد اسعد واحد في الدنيا
هنا بكسوف.. أنا كمان بحبك قوي يا احمد، ربنا يخليك ليا يارب ياحبيبي
احمد حس ان هنا مكسوفه ومتوتره حب انه يهديها شويه مسك ايديها وقالها
احمد طب تعالي يا حبيبتي، ادخلي الاوضه وخدي شاور تمام كده واستعدي عشان نصلي مع بعض، وندعي ربنا يباركلنا في حياتنا، انا هدخل الحمام اللي في الريسيبشن، وانتي خليكي براحتك في الاوضه،
وفعلا هنا دخلت الاوضه واخدت هدوم ليها من الدولاب واخدت اسدالها معاها ودخلت الحمام
اما احمد فدخل الاوضه بعدها بشويه واخد تيشيرت وبنطلون وخرج، اخد دش، واتوضي، وطلع بيجهز اكل ليه هو وهنا لانه واثق انها اكيد مأكلتش من الصبح
هنا خرجت وكانت لابسه اسدالها، بس مكسوفه جدا، وفي نفس الوقت فرحانه جدا بوجود احمد معاها وانها خلاص حلم طفولتها اتحقق
دخلت المطبخ، وفضلت ساكته تتفرج على أحمد بابتسامه جميله
احمد ضهره ليها لكن حس بوجودها
احمد من غير ميبصلها، حبيبتي، واقفه عندك ليه
هنا باستغراب،، ايه ده انت عرفت اني هِنا ازاي،!!!
احمد لف ليها وقرب منها قوي انا بحس بيكي في اي مكان، انتي روحي ياهنا،
هنا بلعت ريقها وبعدت عن أحمد شويه احم، هو احنا مش هنصلي ولا ايه
احمد اكيد يا حبيبتي، هغسل ايدي ونصلي وبعدين ناكل مع بعض، عشان يبقى عيش وملح هههههه
هنا قصدك حمام ومحشي ههههه
احمد هو فيه احلى من كده اكل هههه، بس اوعي تتقلي في الأكل، احنا بالليل، هههه، يلا يا حبيبتي
احمد شال هنا، وهنا اتخضت من حركته دي جدا،
هنا احمد!!! نزلني يا احمد عشان خاطري
احمد قرب من وشها وهمس،، بس انا مرتاح كده، نفسي أفضل كده العمر كله
هنا حاوطت بايديها رقبة احمد ودفنت وشها في رقبته،
احمد نزلها في الاوضه، وبدأوا في الصلاه صلوا ركعتين وبعدين صلو الفجر وكان صوت احمد جميل في القرآن وبعد مخلصو قروا الدعاء مع بعض ودعوا ان ربنا يديم عليهم السعاده ويحفظهم لبعض طول العمر
احمدها ياهنا، مش يلا بقه نقوم ناكل، انا بجد جعان جدا
هنا ، انا برده جعانه قوي والله، انا مأكلتش اي حاجه من الصبح،
احمد طب ليه انا بعتلكو اكل على السنتر،
هنا انا عارفه، بس مكنتش جعانه، أو بمعنى أصح كنت مشغوله هههه
احمد وانا كنت واثق انك مكلتيش عشان كده جهزت الاكل على مخلصتي حمامك
هنا حبيبي، ربنا ميحرمني منك ابدا
احمد ولا منك يا حبيبتي، وبعدين هو انتي هتاكلي بالاسدال ولا ايه، مش تغيري عشان تبقى براحتك،
هنا بكسوف اه اه، ح ح حاضر بس...
احمد. بس ايه ياهنا، مسك وشها بين ايديه حبيبتي انا عارف ان جواكي رهبه من الوضع الجديد ومقدر ده جدا، بس لازم تحاولي تتغلبي عليها، وتأكدي يا هنا، ان مفيش حاجه هتحصل غصب عنك، او بعدم رضاكي، انا بحبك، واحب اشوفك دايما فرحانه وسعيده، ده عندي بالدنيا كلها، اي حاجه بعد كده، تعتبر كماليات مش اكتر، ممكن بقه تفكي الاسدال ده، وناكل ، قبل مالاكل اللي انا سخنته يبرد
هنا بارتياح حاضر يا احمد
وقلعت اسدالها وكانت لابسه قميص قصير رقيق جدا باللون الموف، وفكت شعرها وكان جميل جدا وسرحت قدام المرايه ومش راضيه تبص لأحمد خالص، اللي واقف متنح من جمالها لأنه لأول مره يشوفها بشعرها بالرغم انها متربيه معاه
احمد قرب من هنا ولفها ليه
احمد ياااااه، انتي بجد ملكه، انتي جميله قوي يا هنا، انا مش مصدق ان الجمال ده كله معايا، وملكي انا وبس
هنا قلبها
احمد باس خدها بوسه رقيقه وسابها ومشي بسرعه قبل مينهار قدامها.
هنا وقفت متخشبه مكانها وفاقت على صوته بينادي عليها، وخرجت ليه وقعدوا يجهزوا الاكل مع بعض وهما بيهزروا وبيضحكوا، واكّلوا بعض، وقضوا لحظات حلوه جدا
احمد، انا بجد فرحان قوي ياهنا، انتي خليتني، ادوق معنى السعاده، انتي الهنا كله ياهنا، ربنا يخليكي ليا يارب
هنا انا كمان فرحانه قوي يا احمد، ربنا يباركلي فيك وفي حبك واعيش دايما واسعدك يا حبيبي
احمد انا بعد الكلام الحلو ده قررت اني لازم اكافئك على السعاده اللي انا فيها، واخدك اسفرك البلد اللي تشاوري عليها
هنا بفرحه،، بجد يا احمد هنسافر،
احمد طبعا ياعيون وقلب وروح احمد، شاوري انتي بس وانا هنفذ،
هنا امممممم اوك ايه رايك في باريس
احمد امممم ومالو، اللي حبيبتي تقول عليه انا موافق طبعا، بس ياريت بلاش باريس، احنا عاملين مقاطعه مع ولاد الكل... دول خليها ألمانيا، ايه رايك
هنا ايه ده!!! انت بتتكلم بجد!!! على فكره انا بهزر، لاباريس ولا ألمانيا كلهم زي بعض بيكرهوا ديانتنا واسلامنا ، ممكن اسكندريه انا راضيه بيها
احمد بس انا فعلا بتكلم بجد، انا عاوز نسافر المانيا، وبعدين احنا هنتفسح هناك هو اسبوع عسل ونرجع على طول، اهو على قد الفلوس اللي معانا، ههههه، هنا انا عايزك المكان اللي تحبي تروحيه تطلبي مني وانا هنفذ على طول،
هنا بعشق، حبيبي يا احمد، ربنا ميحرمنيش منك ابدا، انت وجودك معايا في اي مكان، كفيل يسعدني يا حبيبي
احمد اااااه، انا مقدرش على كده، هنا انا نفسي اجيبلك حته من السما، نفسي احققلك كل اللي بتحلمي بيه، نفسي اسعدك واشوف ده بعيني
هنا
احمد قاطعها
