💔جراح القلب ٢💔 الحلقه الاولى والثانية حصريه وجديده

وباسها وكانت البوسه كفيله ترد على كلام هنا وتثبت ان هنا هي حب احمد الأول والأخير، 
وقضوا ليله حب مع بعض، وبدأت هنا تتعود على الوضع،، والرهبه اللي عندها قدر احمد يشيلها خالص، وعاشوا احلى ليله مع بعض، ونقولهم الف مبروك
بقلم شيمو الخطيب
نرجع لمؤمن ومي
مؤمن ايه يابنتي، انتي هتفضلي تعيطي كده كتير
مي بعصبيه، مانا سكت خلاص، ولا انت اللي عايز تفكرني وتنكد عليا وبس
مؤمن هههههه تصدقي مأخدتش بالي انك سكتي، يابت انتي حزينه كده ليه، هي هنا هاجرت، دي يادوب ربع ساعه وتبقى عندها
مي انا مش متخيله اني هروح مش هلاقيها، أو انزل عند خالتي ناديه، وملاقيش هنا، مؤمن، بجد هنا عوضتني عن الوحده، هنا اختي بجد
مؤمن وقف العربيه وبصلها طيب هنا وعوضتك عن الوحده، انا بقه عوضتك عن ايه،
مي احم، مؤمن نروح وبعدين اقولك
مؤمن بس انا عايز اعرف دلوقتي
مي بصت لمؤمن انت عوضتني عن الكون كله يا مؤمن، ها ينفع ولا عايز حاجه تانيه هههه
مؤمن؛ لا كده رضا قوي هو انا أطول،يخربيت رومانسيتك، ههههه 
بت يامي،
مي امممممم
مؤمن انتي وحشتيني قوي بجد
مي بتوهان هاه، مأنا معاك اهو يا مؤمن
مؤمن بجد انتي بتوحشيني وانتي معايا، وقرب منها ومي مغيبه تماما وباس جبينها وخدها، ورجع كمل سواقه وطلعوا على البيت في صمت تام وكل واحد عايش مع مشاعره وحبه وبس
بقلم شيمو الخطيب 
عند نادر وولاء
نادر عقبالنا ياولاء، انا بجد مستني اليوم ده بفارغ الصبر
ولاء بجد!! انت كل شويه تقول كده، وترجع تقولي عندي شغل، لا عندي مهمه، وبتسيبني قلقانه عليك بالشهور معرفش عنك حاجه، وبعدين تقولي اسف، هي ظروف شغلي كده، وانا بصراحه تعبت،
نادر، اتنهد اممم اظن احنا اتكلمنا في الموضوع ده كتير قوي يا ولاء، وكل مره اقولك ده شغلي وانا بحبه جدا، بس انتي اللي مش قادره تتحملي، ولاء احنا لسه في الأول، ومش معقول هنبتديها كده، وبعدين احنا اتكتب كتابنا وانتي عارفه شغلي عامل ازاي ووافقتي بيا، ليه دلوقتي زعلانه
ولاء، بصوت عالي،،، عشان بحبك يا نادر، بحبك ومش قادره استحمل بعدك عني كل شويه، الاول مكنتش متعلقه بيك بدرجه كبيره، لكن دلوقتي الوضع اختلف، نادر انا بجد مش قادره ابعد عنك
نادر قلبه هيقف من الفرحه لان دي اول مره ولاء تقوله بحبك
نادر وقف العربيه فجأه ،، ياااااه اخيرا قولتيها، ده انا كنت فقدت الأمل فيكي يا شيخه هههه،، ولاء انا كمان بحبك جدا يا حبيبتي، بس عشان خاطري، حاولي تتأقلمي على الوضع،
ده شغلي، وبعدين انا مش على طول بطلع مهمات، ولاء عشان خاطري، مش عايز اشوف في عينك نظرة حزن، مش عايز ابقى سبب في يوم من الايام في دمعه تنزل من عينيكي، الا كده صدقيني مش هقدر، ولا هحس اني جدير بيكي، لو في يوم زعلتك، ولاء انتي كل حاجه حلوه في حياتي، 
ومسك ايديها وباسها
ولاء، وانت كل حياتي يا نادر، واسفه لو دايقتك بكلامي، بس صدقني، كان كلام جوايا وحبيت اقولهولك، اوعي تزعل مني يا نادر
نادر انا عمري مزعل منك ابدا، انتي عمري كله، واي كلام حابه تقوليه، لازم تقوليهولي انا، انا حابب ده جدا، ومشاكلنا، احنا بس اللي نحلها، صدقيني هتبقى الحياه احلى كتير،،، ولاء
ولاء، اممممم
نادر انا بحبك قوي، ربنا يديمك نعمه في حياتي، وباس جبينهاواتحركوا بالعربيه 
ووصلوا للبيت وولاء نزلت، وودعت نادر اللي رفض انه يدخل البيت في وقت متأخر
بقلمي شيمو الخطيب 
عند فارس وسلمي
فارس حبيبتي، ايه رايك في الفرح النهارده،
سلمي بحماس، ،، بصراحه كان جميل قوي خصوصا فقرة غناكو كانت تحفه وولعت الفرح كله،
فارس يعني اتبسطي يا سلمى،؟
سلمي اي مكان ابقى معاك فيه يافارس، صدقني ببقه مبسوطه جدا
فارس بص لسلمى، ربنا يخليكي ليا يا حبيبتي، صدقيني يا سلمى، انتي غيرتيني للأحسن، انا حسيت بطعم الدنيا وانتي معايا، رجعتيني لصوابي ، انتي بوصلتي للصح ياسلمي، ربنا يديمك ليا يارب
سلمي ياااه كل ده انا، انت اللي من جواك نضيف يافارس، بس كنت عايز حد يكتشفك ههههه
فارس هههه وانتي جيتي اكتشفتي النضافه دي، هههه، الحمد لله ياسلمي، ربنا بعتك ليا في الوقت المناسب، انا كنت هخسر كل حاجه حلوه في حياتي، كنت هخسر صاحب عمري، كنت هخسر شغلي، وقبل كل ده كنت هخسر نفسي، الحمدلله ان ربنا بعتك ليا، انا بجد بحبك قوي
سلمي انسى كل اللي فات يافارس، وخلينا نبدأ من يوم محبينا بعض، ممكن ولا ايه هههه
فارس طبعا ممكن، انتي تؤمريني يا حبيبتي 
ووصل سلمي بيتها وودعها ومشي
بقلم شيمو الخطيب 
نرجع لأحمد وهنا
هنا نايمه في حضن احمد وطبعا مش مصدقين نفسهم من الفرحه
احمد بيمسح على شعر هنا 
حبيبتي، انتي نمتي ولا ايه
هنا لا يا حبيبي صاحيه، محتاج حاجه اعملهالك
احمد تسلميلي ياقمر، انا بس بطمن عليكي، اصلك سكتي مره واحد،
هنا انا سرحانه فيك يا احمد، وفي السعاده اللي انا فيها
احمد حبيبتي يا هنا، ربنا يباركلي فيكي ، ويقدرني على اني اسعدك اكتر واكتر 
وفجأه الباب خبط بشكل مرعب 
وهنا واحمد اتفزعوا من الخبط ده
ونكمل بكره يابنات
دمتم لي سالمين 
الحلقه ٢
جراح القلب ٢
احمد وهنا سمعوا خبط جامد على الباب واتفزعوا منه جدا
هنا بخوف احمد، هو فيه ايه، انا خايفه قوي
احمد؛ متقلقيش، يا هنا خير ان شاء الله
هنا مسكت ايده انت رايح فين متسبنيش، انا بصراحه قلقانه يكون حد عايز يتهجم علينا
احمد سيبي ايدي ياهنا، هروح اشوف مين اللي بيخبط بالشكل ده، وبعدين حد مين اللي هيتهجم علينا، اهدي كده ومتخافيش ياحبيبتي، اهم حاجه اوعي تخرجي من الاوضه مهما حصل، فاهمه، مهما حصل،، 
وسابها ومشي
احمد فتح الباب ولقى شاب بينهج وبيبص على الشقه اللي جنبهم
احمد خير، مالك فيه ايه
وليد؛ انا اسف جدا بس صاحبي تعبان قوي ومش عارف اشيله انزله مستشفي وبرن على البواب، لكن للأسف نايم، ممكن حضرتك تساعدني
احمد ايوه طبعا، مفيش مشكله ثواني بس هجيب المفتاح
هنا لبست اسدالها وخرجت بسرعه لا يا احمد استنى، انت متأكد من كلامه
احمد بغيظ، انتي مين قالك تخرجي، اتفضلي ادخلي وعدي الليله دي يا هنا،
هنا احمد انا خايفه عليك وحاسه ان قلبي مقبوض بجد، عشان خاطري بلاش تروح
وليد احم، انا اسف يامدام لتدخُلي، بس فعلا صاحبي تعبان جدا وتقدري حضرتك تشوفي بنفسك
احمد بغيظ اكبر انت اتجننت ولا ايه، تيجي فين وتشوف ايه، وبص لهنا، اتفضلي ادخلي اوضتك وانا ثواني وراجع، قال تيجي تشوفي قال وبص لوليد، اتفضل انت كمان وريني صاحبك، ورزع الباب وراه
هنا يارب احفظه وعديها على خير يارب، أعوذ بالله من الشيطان الرجيم، سلم يارب
بقلم شيمو الخطيب

نرجع لمؤمن ومي
وصلوا البيت ومي طلعت شقتهم ومؤمن دخل
ام احمد كانت بتقرأ قرآن ومستنيه الفجر، 
مؤمن السلام عليكم،ازيك يا امي
ام احمد الحمدلله ياحبيبي
مؤمن قعد على ركبته قدام كرسيها ها ياست الكل فرحانه ياحبيبتي
ام احمد حبيبي يابني، طبعا فرحانه طول منا شيفاكو فرحانين، ربنا يسعد قلوبكوا يارب، بس قولي، اطمنت على اخوك ووصلته لحد الباب
مؤمن، وانا اوصلوا لحد الباب ليه هو صغير، كفايه وصلته للعمارة وهو كمل هههههه٠
ام