الحلقة_43 رواية_مش_حب_عادي الكاتبة_ملك_إبراهيم
الحلقة_43
رواية_مش_حب_عادي
الكاتبة_ملك_إبراهيم
رحيم بص ل حبيبة وهو مستغرب ردها.. والثقة اللي هي بتتكلم بيها.. عكس شكها فيه لما خرجوا من المستشفى.
اتكلم أسامة بتوتر اختي مش كدابه وانتي شوفتي التقرير بنفسك يا دكتورة.
حبيبة بصت له بقوة وقالت وعشان انا دكتورة
.. عارفه كويس ان التقرير سهل يتزور.. خصوصا لما يكون دكتور زيك وله معارف كتير يتمنوا يخدموه يا دكتور!
أسامة اتصدم اكتر من كلام حبيبة..
ثقتها وهي بتتكلم خوفته بجد..
مايا كانت بترجع بخطواتها اكتر وكأنها عايزه تهرب من قدامهم.
حبيبة بصت له بقوة وقالت بثقة زي ما التقرير اثبت ان اختك اتعرضت للأعت داء.. التحليل آثبت ان رحيم كان في كامل وعيه ومفيش اي مادة مخدرة دخلت جسمه..
وبصت على مايا بسخرية وكملت كلامها وقالت واخت حضرتك اعترفتلي دلوقتي إنها كانت مبسوطة جدا مع جوزي..!
وبصت ل خديجة وقالت وطبعا لما تكون ست مبسوطة جدا.. وراجل في كامل واعيه.. يبقى مفيش اعت داء حصل!
ورجعت بعيونها ل أسامة وقالتله وأبقى بص في التقرير اللي معاك كويس يا دكتور.. هتلاقي مكتوب عندك ان الأعت داء حصل الساعة 2 بعد نص الليل!! انا طبعا مش عارفة ازاي الدكتورة قدرت تحدد الساعة بالظبط من خلال الكشف العادي!! بس بجد براڨو عليها!.. يعني رحيم بعد ما اعت دا على اختك.. فضل في اوضتها من الساعة 2 بعد نص الليل للساعة 7 الصبح!!.. يعني قعد في اوضتها 5 ساعات مستنيها تصحى عشان تصرخ وتعمل الفض يحة اللي عملتها دي! كل ده طبعا وهو بكامل واعيه!!.. يعني محامي كبير وبيحل اصعب القضايا.
أسامة مش قادر ينطق بكلمة!
متوقعش ان حبيبة تكون بالقوة والذكاء ده.. كل لحظة كان بيكتشف فيها حاجة جديدة.. بس اكتر حاجة جننته.. ثقتها الكبيرة في رحيم.. ازاي بعد كل اللي عمله مش قادر يهز ثقتها فيه.
حتى رحيم هو كمان اتفاجئ من كلام حبيبة وتفكيرها اللي كان عكس كلامها معاه في المستشفى!
خديجة بصت ل أسامة ومايا بشك.. كلام حبيبة كان منطقي جدا.
مايا اتكلمت بارتباك وخوف وانتي فاكره إن انتي كده هتعرفي تثبتي ان محصلش حاجة بيني وبين رحيم!
ردت حبيبة على مايا بثقة انا مش محتاجة اثبت الحقيقه...
وبصت ل رحيم وعيونها كانت كلها حب.. كملت كلامها وهي بتبص في عيونه بس انا جوزي محامي شاطر وانا بثق فيه.. ومتأكده ان هو اللي هيثبت كذبكم.
رحيم كان بيبص لها ومش مصدق عيونه ولا الكلام إللي بيسمعه منها.. متعرفش هي فرحت قلبه ازاي بكلامها وثقتها فيه.
مسك ايديها وبص ل خديجة اخته وهو مش مهتم ب أسامة ولا ب مايا اللي كان واضح عليهم الصدمة والخوف.. اتكلم رحيم مع اخته بنبرة حادة بعد ما العزا
بتاع جدك يخلص.. هتاخدي جوزك واخته.. وتمشوا من البيت دا.
خديجة بصت ل اخوها بصدمة وقالت انت بتطردني من بيت جدي يا رحيم؟!
رد رحيم بغضب انا مش بطردك.. انا بعرفك اللي هيحصل.. لو عايزة تفضلي هنا دا بيتك.. وهشيلك انتي وبنتك في عنيا العمر كله! لكن جوزك واخته.. مش هيباتوا بعد الليلة دي هنا.
أسامة كان حاسس بنار بتاكل في قلبه وهو شايف علاقة حبيبة مع رحيم ودعمهم لبعض.
أتكلم أسامة بغضب وجنون اختك متلزمنيش بعد إللي انت عملته في اختي.. انا هسيبلك اختك.. بس هرجع تاني عشان أخد بنتي.. ومش هسيب حقي..
وزعق في مايا وقالها ادخلي جهزي شنطتك بسرعه.
مايا اتحركت على غرفتها بسرعه وهي مصدومة من كل اللي حصل.. متخيلتش ابدا ان دي هتكون نهاية خطتها!
وأسامة هو كمان اتحرك من قدامهم وهو بيبص ل رحيم بنظرات كلها حقد و شر.
خديجة وقفت مصدومة مكانها كام لحظة.. دموعها نزلت وهي بتبص ل رحيم وقالت مش مصدقه إللي انت بتعمله يا رحيم!! انت بتدمر حياتي بإيدك!! انت عارف انه ممكن ياخد بنتي ويسافر بيها ويحرمني منها العمر كله!
رد رحيم بنبرة حادة ميقدرش يقرب من بنتك طول ما هي في حضانتك.
خديجة بصت له بذهول وهي بتبكي وبتهز راسها برفض وقالت بنهيار كمان حضانتي!! يعني يا اما بنتي تتحرم مني.. او تتحرم من باباها عشان ترضي مراتك ؟؟
وبصت ل حبيبة بغضب وقالت ببكاء رباب بنت عمي كان عندها حق في كل كلمة قالتها عليكي.. انتي فعلا مش سهله!!
حبيبة اتخضت من كلام خديجة القاسي واتهامها لها!
رحيم اتعصب وقرب من اخته وهو بيزعق فيها بغضب عشان تفوق وتشوف الحقيقه..
رحيم فوقي يا خديجة واعرفي انتي بتقولي ايه! جوزك واخته هما اللي كانوا عايزين يلبسوني مصيبة انا معملتهاش.. ومراتي وقفت معايا وكشفت كدبهم.. انتي اختي اللي اتربيتي معايا وعارفه أخلاقي كويس.. صدقتي كدبهم ووقفت تتفرجي عليا.. ودلوقتي بتهاجمي مراتي عشان وثقت فيا ووقفت معايا قصادهم.
خديجة انهارت اكتر
رحيم وحبيبة بصوا لبعض بصدمة.
قربوا من خديجة..
ورحيم سند أخته وقومها من على الأرض وهو بيبص لها بصدمة وسألها يعني انتي كنتي عارفه ان التقرير مزور؟؟
هزت راسها وهي بتبكي وقالت مايا كانت على علاقة ب شاب واحنا في لندن من سنتين .. كانت لسه صغيرة وحصلها اجهاض واخوها ميعرفش.. انا كنت عارفه ومقدرش اتكلم.
رحيم
كان هيتجنن من الكلام اللي اخته بتقوله! مش مصدق انها كانت عارفه كل ده وساكته!
حالة خديجة كانت صعبة ومن كتر العياط مش قادرة تتكلم.
حبيبة بصت ل رحيم برجاء عشان ميتعصبش على اخته ويكون هادي معاها.
رحيم حاول يكتم كل الغضب اللي جواه وقالها خديجة.. اسمعيني كويس.. أكيد انتي مش عايزه بنتك تتربي وسط عيلة بالشكل ده.. صح؟
خديجة بصت ل اخوها وقالت ببكاء انت متعرفش أسامة يقدر يعمل ايه يا رحيم.. هو يقدر يحرمني من بنتي.
رد رحيم بقوة ميقدرش.. مفيش حد يقدر يحرمك من بنتك.. انا معاكي ومش هسيبك.. وليان هتتربى وتكبر في حضنك.. بس انتي لازم تفوقي يا خديجة.. لازم ترجعي خديجة اختي اللي انا اعرفها.. وانا واقف في ضهرك ومش هسمح لأي حد يكسرك او يوجع قلبك على بنتك.
خديجة بصت ل اخوها وكانت زي الغريق اللي بيدور على طوق نجاه.. اتكلمت بلهفة
