رواية دكتور مجانين الفصل الاول بقلمى الهام عبدالرحمن
المحتويات
هصرف عليكى ولا حاجه كل الحكايه اني راجع من شغلى مصدع ومش ناقص وانت صوتك عالي اوي.
البنت نااااعم يا اخويا صوت مين اللي عالي وانت اصلا ايه اللي دخلك بيني وبين السواق أما عجايب والله.
ادم تصدقي ان انا غلطان اني بحاول احلك مشكلتك وادى الخمسة جنيه اهى خسارة فيكى.
البنت وفر حلولك لنفسك يا اخويا وانت يا اسطى انا عاوزه الخمسة جنيه يا اما تطلع بينا دلوقتي على المرور.
السواق وقف العربيه على جنب وبصلها وقال يا ستي ما تشغلناش على المسا اتفضلي اجرتك اهي وانزلي اركبي اي عربيه تانيه ما هيش ناقصه جنان هي.
البنت والله ما انا نازله ولو ما اتحركتش دلوقتي هوديك في ستين داهيه وبردو هتجيبلي الخمسة جنيه بتاعتي.
واحد تاني من الركاب قاله يلا يا اسطى عاوزين نروح بيوتنا اتحرك بالله عليك وانتى يا بنتي استهدي بالله وكفايه خناق.
البنت يعني كان هيجرى ايه لو كان وقف على اي جنب وفكها من اي محل والله ماكان هيجراله حاجه وبعدين مش المفروض يبقى معاه فكه عشان الركاب ولا ياخد الباقي بلطجه وغصب عنهم.
السواق اللهم طولك يا روح ما خلاص بقى يا ابله ما كانتش خمسة جنيه اللي عاملالنا عليها هوليلة.
ادم بعد ماصبره نفد ابوس ايدك خدي الخمسه جنيه اهي يا ستي واعتبريها
البنت هوانا مش قولتلك ما تتدخلش في اللي ما لكش فيه ماهو صحيح انت عشان راجل خدت الباقى بتاعك لكن انا عشان بنت السواقين مستضعفينى ودا تالت واحد يعمل فيا الحرك دى وانا مش بلاقى فلوسى فى الشارع انا واحدة بشقى وبتعب عشان اجيب القرش ولو سيبت لكل سواق الباقى بتاعى هشحت.
آدم حقك عليا والله انتى عندك حق اتفضلى كملى خناق، نزلني على جنب يا اسطى روحى يا شيخه الله يسامحك على البهدله اللي انتى بهدلتهالنا معاكي دي.
فى سوبر ماركت الهنا كان عبدالكريم ماسك دفتر فى ايده وبيراجع الحسابات لما دخلت عليه بنته لين....
لين حااااج عبدالكريم واحشنى ياحجوج عامل ايه؟
عبدالكريم بصلها بإبتسامة وقال اهلا باللمضة بتاعتى اتأخرتى كدا ليه ياست لين دا الست أمك قاعدة فى البيت بتطلع دخان من ودانها.
لين بصتله ببراءة وقالت ليه بس ياحجوج هو انا عملت حاجة؟
عبدالكريم ضحك على طريقة بنته وقالها ايوا ياختى اعملى فيها بريئة انتى مش عارفة ان فى عريس جاى يشوفك النهاردة وامك مأكدة عليكى متتأخريش ينفع بقا تتأخرى بالشكل دا وتخليها تتعصب.
لين والله ياحجوج ماقصدى اتأخر كل الحكاية انى كنت بتخانق مع السواق عشان مش راضى يدينى الباقى بتاعى وقام واقف وحلف ماهو متحرك الا اذا نزلت من العربية وانا بقا خدت الموضوع على كرامتى وعندت معاه لحد مازهق ومشى وبردو خدت الخمسة جنيه بتاعتى.
عبدالكريم يالهوي بقا الخناقة دى كلها على خمسة جنيه ليه كدا يابنتى كنتى سبتيها وانا اديهالك يعنى تعطلى الركاب عشان مبلغ تافه زى دا بقا دا اسمه كلام.
لين اتكلمت بجدية يابابا المشكلة مش فى قيمة الخمسة جنيه انت عارف انى مش بخيلة ولا من الناس اللى بتموت على القرش وعارف كمان انى بشتغل وبكسب كويس الحمدلله لكن انا فرق معايا طمع السواع والجشع بتاعه وانه استحل الفلوس دى وهى مش بتاعته افرض كان عمل الموقف دا مع واحدة محلتهاش الا الخمسة جنيه دى ولا واحدة متعرفش ترد عليه وتاخد حقها ساعتها كانت هتتصرف ازاى ليه السواق يدى لنفسه الحق انه ياخد اكتر من حقه بس ميسيبش هو من اجرته مليم مش كدا دى تبقا فلوس حرام يابابا.
عبدالكريم حس بالفخر من تفكير بنته الوحيدة وقرب منها وخدها فى حضنه وطبطب عليها وهو بيقول ربنا يكملك بعقلك يابنتى عمرك ماخيبتى نظرتى فيكى بس مرة تانية بلاش خناق انتى بردو متضمنيش شخصية اللى
لين ضحكت وهي لسه فى حضن ابوها خلاص يا حجوج حقك عليا... بس اهم حاجة بردو الخمسة جنيه رجعت.
عبدالكريم هز راسه بيأس والنبى يا بنتى متعمليش ثورة يناير كل ما سواق ياكل باقى عليكى واعقلى.
لين لا اطمن الجاى أسوأ للى يفكر ياكل حقى او ييجى عليا.
عبدالكريم بص للسما يارب ارزقنى الصبر.
بعد شوية...
لين فتحت باب الشقة ودخلت وهى بتغنى مين زيي انا مين دلوعة باباها ومامتهااا
فجأة مرفت طلعت من الصالون زى الإعصار
مرفت بتغنى كمان ياختى؟! انتى فاكرة نفسك جاية فرح؟!
لين اتفزعت يا ساتر يارب... فى ايه يا ماما؟
مرفت فى ايه؟! الساعة بقت كام يا ست هانم؟!
لين بصت للموبايل سبعة ودقيقتين لسه بدرى اهو.
مرفت شهقت بدرى؟! العريس جاى بعد ساعة وانتى لسه داخلة البيت شبه البلطجية!
لين بلطجية ليه بس يا ماما؟
مرفتبقا اكلم ابوكى من قلقى عليكى الاقيه يقولى انك موقفه ميكروباص كامل عشان خمسة جنيه!
لين بفخر ورجعولى الباقى.
مرفت حطت ايدها على قلبها يارب خدنى عندك... البت دى هتجيبلى جلطة.
لين قعدت على الكنبة يا ماما انتى مكبرة الموضوع اوى
مرفت مكبرة؟! دا انتى كان
متابعة القراءة
