رواية دكتور مجانين الفصل الاول بقلمى الهام عبدالرحمن
ناقص تدخلى القسم تعملى محضر فى السواق عشان حتة خمسه جنيه! وسيبانى هنا لايصة فى العريس اللى جايلك. دا انا كنت مرعوبة يوصل قبل ما انتى تيجى.
لين الحق حق ياماما وبعدين انتى مستعجلة على جوازى ليه عاوزة تخلصى منى ياأمى دا انا حتة بت واحدة محلتكيش غيرى .
مرفت ياختى اتوكسى تقوليش انه جاى باخدك فى ايده ويمشى دا يدوبك عريس جاى يشوفك مش داخلة انتخابات مجلس الشعب يعنى
لين ببراءة هو انا قولتله يجى؟
مرفت قربت منها لا يا روح امك انا اللى قولتله... عشان اشوف آخرتها معاكى ايه.
لين يا ماما انا قولتلك مليون مرة مش عاوزة جواز دلوقتى.
مرفت ليه ان شاء الله؟ مستنية براد بيت؟!
لين لا مستنية واحد طبيعى يخطف قلبى.
مرفت ليه هو يعنى اللى جاى مجنون؟!
لين معرفش... بس اكيد فى حاجة غلط طالما جاى يتجوزنى بعد وصفك ليا.
مرفت فتحت بوقها وصفى ليكى ماله؟!
لين عدت على صوابعها بنت هادية... طيبة... صوتها واطى... مبتحبش المشاكل.
مرفت بصتلها شوية ماهو لو قولتلهم الحقيقة محدش هيدخل البيت.
لين ضحكت اهو أخيرًا اتفقنا يبقا خلاص ريحى دماغك وسيبينى براحتى ووقت ما النصيب ييجى هتجوز.
مرفت زقتها بخفة قومى يا آخرة صبرى يلا غيرى هدومك بسرعة.
لين ما انا لابسة حلو اهو.
مرفت بصتلها من فوق لتحت حلو؟! هو فين الحلو دا،دا انتى داخلة كأنك راجعة من خناقة فى سوق الجمعة!
لين ماهو
مرفت يا لهوووى
فى اللحظة دى دخل عبدالكريم الشقة وهو شايل أكياس.
عبدالكريم الله... الحرب العالمية قامت ولا ايه؟
مرفت اسأل بنتك المصونة.
لين جريت استخبت ورا ابوها شوف يا حجوج امى عاوزانى اتجوز بالعافية.
عبدالكريم وانتى مالك يا مرفت سيبى البت براحتها.
مرفت براحتها ايه؟! دى عندها اتنين وعشرين سنة اللى قدها اتجوزوا وبقا عندهم عيل واتنين.
لين من ورا ابوها ياستى دول بنات هبلة اتجوزوا عشان يلبسوا الفستان الأبيض وفى الآخر هيلبسوا فى حيطة.
عبدالكريم ضحك والله عندها حق.
مرفت بصتله بصدمة هو انت كمان بتشجعها؟!
عبدالكريم يا ولية البت لسة صغيرة بلاش تكتمى على نفسها.
مرفت ايوا يا اخويا اقعد دلع فيها وامرعها علينا كدهو.
عبدالكريم لا لين حبيبة بابا هتقابل العريس ومش هتكسفنى مش كدا يالينو؟!
لين انت بتسلمنى تسليم اهالى ياحجوج بس ماشى مش هصغرك وهقابل عريس الغفلة بس موعدكش انى اوافق عليه.
بعد مرور كام شهر...
آدم قاعد على السفرة قدام اللابتوب بتاعه، مركز في شوية ملفات، وكانت خالته قاعدة قدامه بتقشر بسلة وبتبصله من فوق لتحت.
بدر الصباح هو انت هتفضل كل يوم راجع عامل زي الميت كده يا ضنايا؟
آدم وهو مركز فى شغله عادي يا خالتي شغل المستشفى متعب شوية بس فى النهاية اهو كله شغل .
بدر الصباح متعب ايه بس دا انت شغال
آدم ضحك يا خالتي بلاش كلمة مجانين دي الله يرضى عليكى كدا هتطلعى عليا سمعة فى المنطقة والناس هتخاف تتعامل معايا.
بدر الصباح خلاص يا سيدي المضروبين على قفاهم كدا حلو.
آدم برضو مينفعش.
بدر الصباح اومال اقول ايه يعني؟ الناس المناخوليا اللى بيشدوا فى شعورهم.
آدم ضحك غصب عنه ماشي يا خالتي قولى اللى تقوليه ربنا يهديكي.
سكتت شوية وبعدين صرخت بصوت عالى وقالت وهي بتبصله انا جاتلى حتة فكرة ايه رأيك لو تفتح الشقة اللي تحت بتاعت امك وابوك يا واد انت وتعملها عيادة.
آدم اتخض من صويتها وبصلها وهو حاطط ايده على قلبه حرام عليكي ياخالتى هتقطعى خلفى عيادة ايه بس اللى افتحها هنا؟
بدر الصباح عيادة نفساويات ياخويا اهو بدل ما انت كل يوم رايح جاي كده لما اتهد حيلك.
آدم يا حبيبتي الموضوع مش بالسهولة دي.
بدر الصباح ليه يعني؟ الشقة موجودة وانت موجود والعيانين مالين المنطقة ناقص ايه؟
آدم ناقص حاجات كتير جدًا يا خالتي.
بدر الصباح قربت منه بحماس بص يا ضنايا كل اللى ناقصك ربك هيدبرهولك بس اتوكل انت على الله وانا من بكرا هلف على الستات اللي في المنطقة كلها واعرفهم انك هتحللهم مشاكلهم كلها.
آدم يا نهار ابيض عليا وعلى عيشتى.
بدر الصباح والله العظيم هجيبلك طابور... دي ام اشرف
آدم ليه بس؟
بدر الصباح دى بتكلم البط البلدي يا آدم... وبتقولى ان البط بيرد عليها!
آدم حاول يمسك ضحكته يمكن متعلقة بيهم يعني.
بدر الصباح متعلقة ايه يا اخويا دي قالتلي امبارح البطة زعلانة مني عشان مدتلهاش عيش.
آدم ضحك طيب خلاص يا خالتي هفكر.
بدر الصباح شهقت بفرحة يعني موافق؟!
آدم بقول هفكر.
بدر الصباح قامت فرحانة يا لهويييي... اخيرًا هيبقى عندنا دكتور نفساني في البيت دا انا هعلقلك يافطة منورة كمان.
آدم يا خالتي استني بس.
بدر الصباح ونكتب عليها الدكتور آدم... بتاع الأعصاب والمناخير.
آدم النفسية يا خالتي... النفسية.
بدر الصباح اهي كله في بعضه يا ضنايا.
آدم ياخالتى اللى انتى بتتكلمى فيه دا هيحتاج فلوس كتير اوى وكمان المنطقة هنا شعبية يعنى مش هيعترفوا بالطب النفسى وهيخافوا يتعالجوا.
خالته سكتت شوية وفكرت وقالتله بص يابنى انا هدخل جمعية مع ابلتك ميرفت عارفها اللي هي مرات الحاج عبدالكريم صاحب محل البقاله اللى علي ناصية الشارع اللى ورانا.
قاطعها ادم وقال قصدك سوبر ماركت.
بدر الصباح ايوااا هو السوبر ماركو اللى انت بتقول عليه دا انا
بقا هعمل معاها الجمعية واخليها تقبضهالى الاول وخدها ياحبيبى وجهز الشقة وافتح عيادتك وربنا هيوفقك باذن الله عشان انت غلبان وجدع وبتتعب اوى.
قام آدم وحضنها وهو بيقول ربنا
صلوا على الحبيب المصطفى
