دكتور مجانين الفصل الثالث بقلمى الهام عبدالرحمن صلوا على الحبيب المصطفى

دكتور مجانين الفصل الثالث 
بقلمى الهام عبدالرحمن 
صلوا على الحبيب المصطفى 
بعد شهر كان يوم افتتاح العياده....
بدر الصباح اللهم صل على النبي ربنا يجعلها فاتحه خير عليك يا ابني ويوسع فى رزقك.
ادم تفتكري يا خالتي الناس هنا هيقتنعوا يكشفوا عندي؟
بدر الصباح طب وماليك عليا حلفان اللي ما هتيجي تكشف عندك لا اجرها من شعرها واجيبهالك غصب عنها دا انا مأكده عليهم كلهم، وبعدين يا ابني دا كل واحده فيهم عندها بلاوي وما هيصدقوا يلاقوا حد يسمعهم، يلا شيل بقا معايا الشربات عشان الناس اللي جايه تباركلك يا ضنايا.
بعد شويه الناس اللي في المنطقه جم عشان يباركوا لادم ولخالتو خصوصا انها كانت عامله الواجب مع كل اهل المنطقه...
بدر الصباح ازيك يا ام فتحي عامله ايه يا حبيبتي اوعي تنسي من بكره العياده شغاله تبقي تيجي للدكتور ادم وما تنسيش تقولي للمضروبه على قلبها صباح ألا هي ما جتش ليه الواطيه دي؟
ام فتحي حاضر يا اختي مش هنسى وبعدين وطي صوتك هتفضحينا وصباح قالت مش هتعرف تيجي عشان جوزها دب معاها خناقه وما رضاش يخرجها.
بدر الصباح والبت ليلى بنت كريمان كانت قايلة ان هي جايه هي كمان ما جيتش لسه ليه؟
ام فتحي يا وليه ما تتهدي بقى هو انت عايزه تعرفي أهل المنطقه

كلهم ان احنا مجانين.
بدر الصباح بس يا موكوسه مين قال انكم مجانين انتم حيالله شويه هبل الدنيا داست عليهم ورايحين يفضفضوا شوية يعني ما أجرمتوش.
ام فتحي الناس مش بتحسبها كده اختي ولا رجالتنا هتوافق على الكلام ده.
بدر الصباح يا اختي ما انا ناويه أجر رجالتكم هم كمان عشان يتعالجوا ويفضفضوا من نكدكم عليهم ولا يعني هم ما لهمش نفس.
ام فتحي بوريه منك يا وليه انت هتلاحقي على الناحيتين.
بدر الصباح؛ الله مش ابني ولازم اظبطه والمله شويه معاتيه يعالجهم.
بعد شويه وصلت ميرفت وجوزها...
بدر الصباح اهلا اهلا بالست ام لين ازيك يا حاج عبد الكريم نورتونا والله.
ميرفت منوره بيكي يا حبيبتي الف مليون مبروك ربنا يجعلها فاتحه خير عليكم.
بدر الصباح اومال فين بسلامتها لين ما جتش معاكم ليه؟
ميرفت معلش يا حبيبتي اصل عندها شغل كتير وما قدرتش تيجي بس هى بعتالك السلام والله.
عبد الكريم اومال فين دكتورنا الهمام؟
بدر الصباح نادت على ادم بصوت عالييادكتور آدم.. يادكتور تعالى بسرررعة
ادم ايوه يا خالتي في حاجه؟
بدر الصباح سلم يا ضنايا على عمك عبد الكريم وخالتك ميرفت.
سلم عليهم ادم ورحب بيهم وراحوا قعدوا.
ولسه هيمشي خالته شدته من دراعه وقالتله بصوت واطى واد يا ادم العياده وجبتها والوظيفه ولله الحمد دكتور قد الدنيا فى مستشفى المخابيل، فاضل بقى تكمل نص دينك.
ادم كلام ايه اللي بتقوليه ده يا خالتي جواز ايه اللي بتتكلمي فيه ده انا لسه بقول يا هادي في موضوع العياده اقوم افكر في الجواز طب اصبري لما اجهز الاول.
بدر الصباح يا واد بس اسمع دا انا عندي ليك عروسه بس ايه فلقة قمر بت شاطره وبتشتغل وبتعتمد على نفسها يعني هتبقى سند لك ولعيالك في المستقبل.
آدم بضحك انتى خلاص جوزتينى وخلتينى خلفت كمان والله انتى ماليكى حل ياخالتى. 


تانى يوم فى العياده. 
ادم مش كنت جيبت سكرتيره ياخالتي بدل ما تبهدلي نفسك.
بدر الصباح لا ياخويا دول يتدب في عينيهم رصاصه ممكن تلعب عليك وتبلفك ولا تخليك تتجوزها انا ياحبيبي اللى هشتغل معاك واساعدك هو انا يعني ورايا ايه؟
ادم يا حبيبتي مش كل السكرتيرات وحشين بالشكل اللى بتقولي عليه دا في الكويس وفي الوحش.
بدر الصباح وانا ايه اللى يضمنلي ان اللى تيجي تكون كويسه ومتخطفكش من عروستك ياضنايا.
ادم عروسة مين ياخالتي اللى بتقولي عليها دي هو انا خطبت وانا مش داري؟
بدر الصباح هو انا مش قولتلك اني عوزاك تخطبزبنت عمك عبدالكريم والله يابني ما هتلاقيززي النسب دا ولا زي بنتهم.
ادم ياخالتي الله يرضي عليكي شيلي من دماغك الكلام دا وخليني بس افوق لشغلي وابني مستقبلي وبعدين افكر فى الجواز لكن هجيب بنت الناس امرمطها معايا وانتي عارفه اننا مديونين فى اقساط الجمعيه عشان نعمل العياده اللى ياعالم هتشتغل ولا لا.
بدر الصباح خلاص يابني فوق لشغلك دلوقتي وموضوع الجواز دا سيبه وانا اللى هتصرف فيه.
ادم بقلة حيلة انا داخل جوا لحد ماحد مايجيي عن اذنك ياخالتي.
بعد ساعه دخلت اول حاله وكانت صباح.
بدر الصباح اهلا ياست صباحزبقا يا ناقصه عشان حتة خناقه مع جوزك اللى عاوز قطم رقابته متجيش تهيصي معانا شويه؟
صباح ما هو طول ما المضروبه علي قلبها بتزن علي دماغه عمري ما هشوف هنا في حياتي.
بدر الصباح طيب يلا ياختي قومي لما ادخلك عند ابني حبيبي الدكتور ادم يمكن يلاقيلك حل لمشكلتك.
دخلوا عند ادم. 
بدر الصباح استلقي يا ادم ياحبيبي اول حاله اهي خالتك صباح خلي بالك منهاربنا يجعل حل مشاكلها علي ايدك.
ادم اتفضلي يافندم ارتاحي هنا.
قعدت صباح وقامت قاعده خالته كمان معاهم.
ادم انتب بتعملي ايه ياخالتي؟
بدر الصباح ايه هقعد معاكم.
ادم ياخالتي مينفعش كدا اتفضلي استني برا لحد ما اخلص شغلي.
بدر الصباح كدا ياادم بقا دي اخرتها بتطرد خالتك عشان تقعد تحكي مع صباح؟
ادم ياخالتي اطردك ايه دا شغل ومينفعش اتكلم معاها قدام حد.
بدر الصباح اتوكس انت وهي