دكتور مجانين الفصل الثالث بقلمى الهام عبدالرحمن صلوا على الحبيب المصطفى

ما انا عارفه كل اللى هتحكيهولك.
ادم معلش عشان خاطري انا سيبينا شويه عشان انا كمان اعرف مشكلتها ايه واحلها معاها وكمان ياخالتي عشان لو حد جه برا ميلاقيش العياده فاضيه.
بدر الصباح ماشي ياخويا اديني ماشيه وسيبهالكو اقعدوا ارغوا انتو بقا.
وخىجت وسابتهم وقعدت برا.
ادم انا عاوزك تاخدي راحتك خالص عاوزك تتكلمي وتطلعي اللى جواكي متخبيش اي حاجه.
صباح انا...انا بصراحه خايفه اتكلم لو جوزي وصله اني بتعالج عندك ممكن يدبحني.
ادم متخافيش انا سماعك ومستحيل اخرج كلمه برا العياده دي واللى هتقوليه هيفضل سر بينا.
صباح الحربايه اللى منها لله اخت جوزي منغصه عليا عيشتي دايما متدخله في حياتي وبتبخ سم في ودان جوزي.
ادم بتبخ سم ازاي يعني؟
صباح دايما تقويه عليا وتخليه متضايق مني ومش شايف الحلو اللى بعمله عشانه دا غير انها ناهبه خيره ليها ولولادها وانا وولادي اخر اهتمامته.
آدم بصي يا صباح اللي انتي حاساه طبيعي. أي ست هتتعب لما تحس إن تعبها مش متشاف، وإن في حد دايمًا واقف بينها وبين جوزها.
صباح بصتله وهى متأثرة، فكمل
بس خلي بالك المشكلة مش إن أخته بتتدخل فى حياتكم، المشكلة إن جوزك سايبلها المساحة لكدا لحد ما بقت مأثرة على بيتكم.
وبعدين يقولها بنبرة أهدى
انتي طول ما انتي داخلة كل خناقة علشان تثبتي إنك صح وهي غلط هتتعبي أكتر. الراجل ساعات لما بيتشد من ناحيتين بيعند، حتى لو شايف الحقيقة.
وبدأ ينصحها
حاولي تبطلي حرب مباشرة معاها شوية وركزي إنك توصلي لجوزك نفسه من غير صريخ ولا مقارنة. يعني بدل
أختك عملت وسوت
قولي
أنا زعلانة إنك مش شايف تعبي معاك ومع الولاد.
ويضيف
الراجل ساعات بيسمع الشكوى كإنها هجوم عليه، لكن لما يسمع وجعك الحقيقي ممكن يفوق خلى الكلمة الحلوة متفارقش لسانك.
خلص ادم اول حالة ودخله بعدها حالتين كمان ولما خلص معاهم فتح الفيس عشان يفصل شوية.

فى بيت لين كانت قاعدة على السرير بتكلم صاحبتها منى على الموبايل...
لين يابنتى هو اصلا ميعرفش اننا جيران انا عرفت من العنوان اللى ادهولى عشان التصميمات بتاعته.
منى طيب واخرتها؟
لين انا مش عارفة ايه اللى شاددنى ليه كدا مش راضى يفارق خيالى.
منى طيب ماتعرفيه بصنعة لطافة انك جارته مش يمكن هو كمان يكون معجب بيكى بس مش عارف يصارحك.
لين وافرضى ياختى مطلعش معجب بيا ولا حاجة اعمل انا ايه بقا؟
منى ولا حاجة على الاقل هتكونى عرفتى شعوره ومتعلقيش نفسك بحبال دايبة.

فى محل عبدالكريم
لين ايه ياحجوج انت تليفونك ماله بنتصل عليك من بدرى؟
عبدالكريم باين عليه فاصل شحن هو فى حاجة ولا ايه؟
لين الست ام لين عوزاك ضروري اصل حنفية المطبخ اتكسرت والدنيا غرقت وبتقولك شوفلها سباك بسرعة.
عبدالكريم طيب يابنتى خليكي واقفة مكانى فى المحل لحد ما اشوف ايه الموضوع.
بعد شوية كان آدم واقف قدام المحل وبينادى ياعم عبدالكريم ياللى هنا هو مفيش حد هنا ولا ايه.
خرجت لين من جوا وهى بتقول ايوا ياللى بتنادى انا جاية اهو هو الواحد ميعرفش يصلى ركعتين. 
واتصدمت لما لاقته آدم
آدم ايه دا بشمهندسة لين بتعملى ايه هنا؟
لين دا المحل بتاعنا.
آدم هو انتى بنت طنط مرڤت وعم عبدالكريم؟
لين ايوا
آدم ابتسم وقال دى فرصة سعيدة اوى.
وقف اتكلم معاها شوية صغيرين وبعدين اخد طلباته ومشى.

فى بيت آدم كان نايم على السرير وفاتح موبايله وقاعد يتأمل فى صورة بنت
آدم معقوله تطلعى انتى بنت عم عبدالكريم لا وانا من غبائى كل لما خالتى تقولى عليكى دى عروسة لقطة انا اقولها لسة بدرى بس هقول ايه ماانا غبى وجبان من يوم ماشوفتك وانتى شاغلة تفكيرى وكل اللى بعمله انى ادخل اتابع شغلك وصورك على النت مش قادر حتى آخد خطوة خايف متتقبلنيش على العموم انا حاسس انك مرتحالى نظراتك النهاردة واسلوبك بيقولوا كدا. 
اتشجع آدم وبدأ يتفاعل على شغل بين بعد ماكان بيتابع فى صمت وبدأوا يتكلموا مع بعض واتعلقوا اكتر ببعض لكن مفيش حد فيهم جرأ يعترف للتانى بحبه.
فى العيادة.....
آدم اتفضلى انا سامعك يافندم.
ام فتحى افندم ايه يا آدم يابنى قولى ياخالتى زى ما انت متعود.
آدم حاضر ياخالتى قوليلى ايه اللى مضايقك.
ام فتحى مرات ابنى المفترية هتنقطنى يا آدم بت ايديها فيها حفرة الواد بيشقا ويتعب وهى بتصرف فلوسه فى حاجات هايفة تروح تجيب اندومى وشيبسى وچيلاتى همها على بطنها والواد ياحبة عين امه مبيشتكيش عشان ميكرهنيش فيها كاتم قى قلبه وساكت قولى يابنى اعمل معاها ايه؟
آدميا أم فتحي ما هو انتي بنفسك قولتيها، ابنك مبيشتكيش.
كشّرت شوية، فكمل بهدوءطالما الراجل ساكت وراضي ، يبقى لازم نسيبله مساحة يعيش حياته زي ما هو شايف. يمكن الحاجات اللي انتي شايفاها تافهة بالنسبالها هي حاجة تفرّحها أو تريحها.
وبعدين يميل لقدام شوية
بصي أخطر حاجة على أي جواز إن كل طرف يحس إن في حد واقف بينهم طول الوقت. ساعات الأم بتبقى خايفة على ابنها، فتتدخل بنية الحب لكن من غير ما تحس تبدأ تبعده عن مراته واحدة واحدة، وانتي أكيد آخر حاجة تتمنيها إن ابنك بيته يتخرب أو يبقى محتار بين أمه ومراته.
ام فتحي لا يابنى انا مرضاش لابنى بالخراب بس شكلك كدا لاهتعرف تحل ولا تربط انا قايمة ماشية قال جبتك ياعبدالمعين تعينى لاقيتك ياعبدالمعين عاوز تتعان.
بالليل مسك آدم