دكتور مجانين الفصل الثالث بقلمى الهام عبدالرحمن صلوا على الحبيب المصطفى
موبايله وبعت رسالة صغيرة
آدم ازيك يالين بقالك يومين مبتساليش انتى كويسة؟
لين اطمن يادكتور المجانين انا زى الفل بس كان عندى مهمة تطفيش عريس كالعادة.
آدم اتخض ووقف فى مكانه وهو بيقولها عريس! عريس ايه؟
لين مفيش ياسيدى الست ام لين شكلها مبقتش طيقانى فى البيت فكل شوية تجيبلى عريس وانا اطفشهولها.
حس آدم بالراحة انها رفضت العريس وفضل يتكلم معاها شوية وهو بيفكر ازاى يفاتح خالته فى موضوع جوازه من لين.
خرج ادم للصالة وكانت خالته بتتفرج على التلفزيون...
آدم هو انتى ليه ياخالتى سموكى بدر الصباح؟
بدر الصباح عشان لما اتولدت كان وشى زى البدر فى تمامه والصبح مشقشق بنور هادى وامى صممت تسمينى كدا.
آدم على فكرة انا هتأخر بكرا برا.
بدر الصباح ليه ياضنايا.
آدم اصل خطوبة شريف صاحبى بكرا وهو عازمنى.
بدر الصباح عقبالك ياضنايا اه بس لو تطاوعنى وتخلينى اخطبلك بنت خالتك مرڤت بس معرفش انت منشف دماغك كدا ليه؟
آدم خلاص بقا ياخالتى هو كل شوية هتزنى فى الموضوع دا.
بدر الصباح خلاص يابنى حقك عليا معتش
آدم فى نفسه ايه دا هى ماصدقت ولا ايه لالالا انا كان قصدى بس انها متحسش بحاجة وانى عاوز اتجوزها كنت عاوزها هى اللى تتحايل عليا عشان متعرفش انى معجب بيها وخالتى لو كانت عرفت كانت هتجرسنى فى وسط الناس اعمل ايه دلوقتي؟
آدم شكلك زعلتى منى ياخالتى خلاص طالما انتى شايفة انها كويسة انا موافق.
بدر الصباح لا ياضنايا متغصبش على نفسك انا مش زعلانة ويمكن انت متعلق بواحدة تانية.
آدم ولا تانية ولا تالتة ياخالتى انا موافق على العروسة.
بدر الصباح شهقت وفرحت يا لهوووي اخيراااا طب والنبي أزغرط؟!
آدم بسرعة بس بس وطي صوتك فضحتينا!
بدر الصباح قامت حضنته وهي فرحانة ربنا يفرح قلبك يا ضنايا والله البت محترمة وبنت ناس وهتشيلك فوق راسها.
آدم بص في الأرض بخجل خفيف يعني لو انتي شايفة كدا ممكن تكلمي امها وتتفقى معاها نروح نزورهم عشان اتقدملها رسمى.
بدر الصباح حالا هكلمها واقولها.
آدم طيب استنى للصبح.
بدر الصباح لا يا اخويا لترجع فى كلامك انا هكلمها على المحمول واتفق معاها.
آدم كان فرحان اوى وفكر انه ميقولش للين على انه هيتقدملها ويعملها مفاجأة.
بعد كام يوم فى بيت لين...
مرڤت يابنتى تعالى ساعدينى العريس زمانه على وصول.
لين يا ماما انا قولتلك مليون مرة مش عاوزة اتجوز دلوقتي انا عاوزة ابنى كيانى ومستقبلى الاول.
مرڤت ياحبيبتى مش بس تعرفى العريس مين؟
لين مش عاوزة اعرف اهو راجل زيه زى غيره.
عبدالكريم طيب ياحبيبتي اقعدى معاه ولو معجبكيش وعد منى مش هنجيبلك عرسان تانى.
لين بابا دى اخر مرة هطاوعكم واقعد مع عرسان وياريت بقا تفككم منى انا مستحيل اتجوز الا لما يبقالى كرير وكيان.
بعد شوية وصل آدم وخالته ولين كانت فى اوضتها متضايقة
لين والله ياماما لو جبتولى عرسان تانى لاطفش منكم ومش هتعرفولى طريق جرة.
مرڤت ماقولنا خلاص يلا قدامى على برا بدل ما الناس تزهق وتمشى.
لين يبقا أحسن بردو.
خدت لين نفس طويل وخرجت وهي باصة في الأرض وأول ما رفعت عينيها واتقابلت عيونها بآدم اتصدمت.
وقفت مكانها لحظة، وقلبها دق بسرعة، وحاولت متبينش فرحتها.
أما آدم فابتسم تلقائي أول ما شافها، وكأنه
وبعد ماتكلموا شوية واتفقوا مرفت اتاكدت ان بنتها وافقت على الجواز...
ايه اللى حصل يا ضنايا؟ مش كنتى عاملة مظاهرة ومش عاوزة تتجوزى؟
لين قالت وهى مكسوفة اعمل ايه حسيت إنكم زعلتوا فقولت اجبر بخاطركم وأرضيكم واتجوزه وخلاص.
مرڤت لا ياشيخة عليا انا الكلام دا هو انتى تعرفيه قبل كدا؟
لين الصراحة ايوا ياماما انا اللى عملتله دعاية العيادة.
مرڤت قولتييييلى كدا انا فهمت ماشى يابنت بطنى على العموم مبروك ياحبيبتي ربنا يسعدك ويفرح قلبك.
عبدالكريم تعالوا ياجماعة نسيب العرسان مع بعض شوية.
آدم مبروك يالين انا مش مصدق اانا اتخطبنا لبعض بجد.
لين انت ليه مقولتليش انك العريس وسايبنى اشتم فيك واقولك انى هطفشك على انك عريس تانى.
آدم كنت عاوز اشوف رد فعلك لما تعرفى انه انا.
لين طيب افرض كنت رفضت؟
آدم انا كنت متأكد انك هتوافقى لان قلبى ميكدبش عليا أبداً.
لين وقلبك قالك ايه؟
آدم قالى انك بتحبينى زى ما انا بحبك.
لين اه منك انت يادكتور المجانين قدرت تملك قلبى.
كنتم مع دكتور مجانين.
بقلمى الهام عبدالرحمن
صلوا على الحبيب المصطفى
