سر الأميره كيلوباترا حياة محمد الجدوى البارت الثاني
سر الأميره كيلوباترا حياة محمد الجدوى
البارت الثاني
في المعبد كانت كيلوباترا بتدور حول نفسها وحولها الراقصات في حلقات متداخله بصوره رائعه
الكاهن الأكبر تينيس أحسنتم جميعا رقصه رائعه إنحنت الراقصات احتراما له وبعدها تفرقوا
قرب الكاهن تينيس وقال رقصه رائعه يا كيلوباترا تفوقتى على نفسك
قربت منه وحضنته في سعاده وقالت شكرا جدا يا سيدي الكاهن العظيم
الكاهن تينيس تعالى إرتاحى هنا
قعدت بجواره وقالت جيبت لك هديه وقدمت له سلة التفاح
بص الكاهن على التفاح وقال من حدائق القصر صح
كيلوباترا صح
ركنه الكاهن بعييد وماأكلش منه
كيلوباترا ليه يا عمى بترفض تاخد أى حاجه جايه من القصر
الكاهن ........
كيلوباترا ليه الغموض الشديد ده يعنى انت أخو الفرعون وبدل ما تكون وزير أو حتى تكون حاكم إقليم تكون كاهن في المعبد فكرت شويه وبعدها قالت إنت أخو الفرعون الكبير يعنى المفروض إنت تكون حاكم مصر وفرعونها مش والدى صح
الكاهن تينيس ماتفكريش فى الأمور دى
كيلوباترا لأن وضعكم يحير يعنى إنت وأبى مش بتكلموا بعض ومش بتدخل القصر عندنا ورافض أى هديه من القصر وبالرغم من كده بيصر أبى إنك إللى تقوم بمباركة جلوسه على العرش في الاحتفالية كل عام وبالرغم من نظرات الكره المتبادلة مابينكم إلا إنك بتباركه .فيه حاجه غريبه جدا مابينكم
الكاهن تينيس وماسألتيش أبوكى الفرعون الأسئلة دى ليه
كيلوباترا سألته اكتر من مره
تينيس وإيه كان رده
كيلوباترا زى ردك ده بالظبط ما أشغلش بالى بالأمور دى
تينيس عنده حق المهم جهزتى نفسك للاحتفال
كيلوباترا طبعا الخادمات صنعوا لى فستان رائع الجمال والفنانين صنعوا لى تاج ذهبى مرصع بأندر الجواهر
تينيس وليه مش لابسه التاج
هزت كيلوباترا أكتافها بعدم إهتمام وقالت يمكن عشان أنا زيك اخدت منك حب العلوم والفنون ومش بحب المظاهر
ابتسم لها وهو بيقول فى نفسه اتمنى انك ما تاخديش حظى في الحياة وتكون حياتك اسعد من حياتى
كيلوباترا مشغول في إيه يا عمى
تينيس مفيش طيب إنتى مستعده لدرس اليوم
كيلوباترا مش هقدر عشان تعبانه شويه
تينيس بمرح ماشي بس إنتى إللى خسرانه ماتعرفيش كنت هعرفك إيه دلوقتي
هبت كليوباترا وقالت كنت هتعلمنى علم السم والترياق الصيدله
ضحك تينيس وقال لا لسه بدرى أوى عليكى إنك تعرفيه وبعدين ده علم كبير محتاج سنين عشان تعرفى سموم النباتات والحيوانات وانك تستخلصى من كل سم الترياق إللى بيعالجه
كليوباترا طيب وهتعلمه إمتى
ضحك تينيس وقال بعد الاحتفال هبدأ أعلمك شويه شويه
فى القاعة الرئيسية في القصر جلس الفرعون الملك على العرش بيباشر أمور الدوله وعلى يمينه تجلس الأميره كيلوباترا
اعلن الحاجب عن جندى بيطلب الدخول فأذن له الملك
دخل هوراس وقال سيدى الملك معايا رساله لك من حاكم إقليم حتى هيرى إيب وقدمها للملك
الفرعون حاكم حت هيرى إيب بيقول إنك والفرقه إللى معاك من افضل الرجال عنده
جميل جدا يبقى تنضموا تحت لواء القائد منكاو لتأمين وحراسة القصر وقت الإحتفال أما إنت فهتكون المسؤل عن حمايه موكب ابنتى الأميره كيلوباترا
هوراس بس يا مولاي أنا كنت عايز
بص له الفرعون بحده وقال كنت عايز إيه
انحنى هوراس وقال أشكرك يا مولاي مش عايز حاجه
فى اليوم التالى كان موكب الاميره متجه للنيل لأن الأميره قررت تستمتع بوقتها بنزهه نيليه ركبت المركبه الشراعيه الجميله
والعبيد والخدم بيجدفوا أما الجوارى فشايلين
اطباق الفاكهه والحلوى
نادت الاميره هوراس تعال هنا
قرب هوراس وقال أمرك يا مولاتى
كيلوباترا اقعد جلس مقابل لهامش عارفه ليه حسيت إنك متضايق من عملك في القصر
هوراس خدمت مولاتى شرف كبير ليا
كيلوباترا قول الحقيقة يا هوراس انا عايزه اسمعها منك
هوراس أنا كان حلم حياتى إنى أخدم في جيش مصر
كيلوباترا إنت غريب جدا لأن الناس بتطمح في تعليم أولادها القراءة والكتابة عشان يكون كاتب الملك أو علوم الهندسه عشان تشارك في بناء المعابد أو تنال شرف بناء هرم الفرعون وإنت عايز تدخل الجيش
هوراس صدقتى يا مولاتى لأن ده كان حلم والدى وامى بس اخويا الأكبر حقق لهم حلمهم ده وبقى من مهندسين الملك
كيلوباترا بجد وده يبقى مين؟
هوراس اسمه منتحب
كيلوباترا مش معقول منتحب كبير مهندسى الملك يبقى اخوك
هوراس أيوه أما أنا فكان حلمى إنى ادخل الجيش عشان اشارك في الحرب
كيلوباترا ليه؟
هوراس أنا ميولى حربيه عشان كده كنت حابب أنضم للجيش عشان أظهر مهاراتى وقوتى وأبهر الكل بشجاعتى وساعتها ممكن ابقى قائد الجيش أو وزير عند مولاي الملك لكن هنا أنا مجرد حارس مش بعمل أى شىء غير واقف احرس. يعنى عمل تافه مايلقش بيا
وفجأة انتبه لكلامه فقال اعتذر بشده مولاتى
ضحكت كيلوباترا بشده وقالت واضح انك مندفع جدا في كلامك ودى غلطه كبيره لأن قائد الجيش لازم يكون عنده حكمه إلى جانب القوه على العموم بعد انتهاء الاحتفال هتوسط لك عند الملك إنه يرسلك تحارب في جيش مصر
هوراس حقيقى مش عارف اشكرك ازاي إنتى فعلا إنسانه جميله جدا رفعت حاجبها بدهشة فكمل هوراس مقصدش إنك جميله شكلا لأنك فعلا أجمل نساء الكون بس انتي جميله من الداخل روحك جميله ونقيه
ضحكت كيلوباترا بشده وقالت مش ملاحظ إن دى تانى مره تغازلنى فيها
هوراس بإعتذار أسف بس إنتى ماشفتيش زوجة حاكم حت هيرى إيب كانت بتتعامل بغرور شديد جدا مع كل الناس حتى إن خادميها كانوا بيضربوا أى شخص مش بينحنى لموكبها ودى زوجة حاكم إقليم وإنتى ابنة الفرعون حاكم مصر كلها وبالتواضع والرقه دى
إتحرجت منه بشده بالرغم من أنها بتسمع دائما كلمات غزل لكن كلمات هوراس حركت فيها احساس جميل
حضرت الوفود من كل مكان في العالم عشان يشهدوا الإحتفال المبهر بجلوس الملك تحتمس على عرش مصر للعام العشرين
كان الملك واقف وحوله الخدم والعبيد بيضعوا عليه الطيب والعطور الغاليه ويلبسوه تاجه المرصع
دخلت عليه الأميره كيلوباترا وهى ترتدى فستان بسيط وترتدى تاج بسيط وبالرغم من بساطة مظهرها إلا أنها كانت رائعة الجمال
الفرعون تحتمس إيه اللبس البسيط ده يا كيلوباترا فين فستانك الراقى وتاجك المرصع
كيلوباترا ده الفستان إللى هأدى به رقصتى في المعبد وبعدها هرتدى فستانى الفخم إنت بتستعد من دلوقتي لسه بدرى على وقت الاحتفال في المعبد
الفرعون تحتمس فعلا بس أنا هاخد وفود الدول مدينة ريستاو سقارهيشاهدوا هرمى العظيم
كيلوباترا بس ده لسه ما خلصش
الفرعون تحتمس خلصنا البناء الخارجى بس لسه الفنانين هتزينه من الخارج والداخل
كيلوباترا طيب ليه مادام لسه ما خلصش
الملك تحتمس لازم اخدهم عشان يشوفوا الهرم لازم ابهرهم بعظمة البناء ويشوفوا الفخامه
