سر الأميره كيلوباترا حياة محمد الجدوى البارت الثاني
والاناقه في كل منف عشان أزيل الصوره إللى انتشرت أن مصر بقت ضعيفه والناس بتعانى بسبب دخولها فى حروب ضد الحوثيين من جهة وحروبها لتطهير منابع النيل من جهة لازم الكل يحلف بجمال مصر وعظمتها .بقولك ايه ماتيجى معايا
كيلوباترا إنت عارف إنى مش بحب اروح مدينة الأموات فخد إنت ضيوفك في جولتهم وأنا هسبقك على المعبد عشان اباشر التجهيزات بنفسى
الفرعون تحتمس ولازم تتأكدى إن الكاهن تينيس هو إللى هيقوم بكل الطقوس
هزت كيلوباترا رأسها وهى مندهشه من نظرة الكره الشديدة إللى فى عيون والدها
مرت المواكب الفاخره في شوارع وكل الناس واقفة تحيي الملوك والأمراء لحد ما وصلت المواكب للمعبد دخل الكل وجلس في مكانه المحدد وكهنة المعبد واقفين في صف واحد وبعدها أعطى تينيس الإشاره فإرتفعت الموسيقى ودخلت الساحه جموع الراقصات تتوسطهم الأميره كيلوباترا وبدأت الرقصه والكل بيتابع بإنبهار جمال الاميره المذهل ورشاقة خطواتها بدأت الموسيقى تسرع مع زيادة سرعة خطوات الأميره وهى تدور حول نفسها والراقصات بتدور حولها في تداخل جميل بسرعه وفجأة توقفت الموسيقى مع توقف الأميره وهى رافعه إيديها تختم الرقصه في ثبات
فوقف كل الموجودين بإنبهار يحيوا الأميره ويهتفوا لها .إبتسمت للجميع وبعدها أشارت برأسها للكل قبل أن تدخل للداخل.
وبعد فتره دخلت الأميره القاعه وهى فى أبهى زينه ترتدى فستانها الأبيض المذهل وعلى رأسها تاج مرصع بالجواهر وقف كل من في القاعة احتراما لها إنحنى لها كل حكام الإمارات وزوجاتهم وكل الوزراء في حين أومأ لها الملوك والأمراء برأسهم بالتحيه وهى تمشى بثقة لحد ما وصلت للملك الفرعون فإنحنت له بإحترام وبعدها مشيت مجاوره له
بدأ الملك يعرفها على أهم الحضور
الفرعون تحتمس أقدم لك يا عزيزتى الملك باراهو ملك بلاد بونت العظيمه وزوجته الملكه تى
الأميرة كيلوباترا شرفتوا بلادنا بحضوركم
الملك باراهو الشرف العظيم هو وجودى هنا ومقابلتى لأجمل نساء الكون خبطتة زوجته الملكه تى فى ذراعه بغيره
الملك تحتمس أعرفك بالملك قدموس حاكم مدينه صر صورملك بلاد فينقيا الجميله
الأميرة كيلوباترا شرف كبير لنا حضورك احتفالنا بس أنا حاسه إنى شفتك قبل كده هل كنت في احتفالنا العام الماضي
ابتسم الملك قدموس وقال واضح أن الأميرة ذاكرتها قويه فعلا أنا كنت هنا السنه الماضيه بس ساعتها كنت الأمير ولى العهد لكنى حاليا الملك حاكم بلاد فينقيا.
الأميرة كيلوباترا اتشرفت بوجودك
الملك قدموس هل تسمح لى الأميره الجميله إنى أرافقها في مراسم الإحتفال
ابتسمت له وقالت شرف كبير ليا بالتأكيد وسارت بجوار الملك قدموس وجلست بجواره في حين ابتسم الملك تحتمس ابتسامه رضا وسعاده
وبعدها أعلنوا دخول الكاهن الأكبر تينيس والذي بدأ في مراسم الإحتفال بجلوس الملك تحتمس على العرش
الكاهن تينيس وهو بيبص للملك بكره شديد لكنه غير من نظرته وقال بنبره قويه أعلن مباركه الملك تحتمس ملك مصر وعن رضا آمون عنه وقبوله كل هدايا الملك القيمه وأمنيات كل من فى المعبد للملك بالعمر المديد فى حكمه العادل لمصرنا أرض طيبه العظيمه
انحنى كل الموجودين احترام للملك وإللى كانت عيونه مركزه على الكاهن تينيس بس
فى القصر كانوا الملوك والحكام جالسين بيتابعوا الاحتفالات في استمتاع شديد
انتهت فقرة الراقصات وبعدها دخل مهرج الملك وبعدها فقرة الرقص بالتحطيب
فقال الملك قدموس للملك بصوت واثق الرقص بالتحطيب فن مصرى أصيل لكن الفقره تقليديه جدا
بص له تحتمس بنص عين وقال ده فن بيتطلب مهارة وقوه
ضحك قدموس وقال سمعت أن الجنود المصريين بيمتازوا بالقوه الشديدة عشان كده أنا أحب اقدم اقتراح إننا نغير من فقرة التحطيب ونجعلها مبارزه بالسيف وعشان الفقره تكون أمتع نخلى المبارزه مابين جنودى وجنود مصريين
الملك بس الجنود الموجودين مجرد حرس على القصر مش جنود من الجيش
قدموس كونهم حرس ده دافع إنهم يكونوا أقوى جنود لأنهم بيحموا الملك وعائلته تحب نبدأ ولا فيه عندك مشكله
بص له الفرعون بتحدى وقال مفيش مانع عندى
وفعلا بدأت المبارزه بالسيف فدخل جندى مصرى وتفاجأ أن الجندى الفينيقى عملاق وقوى وواضح إنه مدرب بقوه لأنه هزم الجندى المصرى بسهوله
ضحك الملك قدموس بشده وبعدها قال بسخرية يمكن الجندى ده مش مدرب تقدر تدخل جندى تانى
بص الفرعون بضيق وهو بيشاور لجندى تانى إللى انهزم بسهوله
فى الخارج وقف منكاو قائد الحرس وقال أنا بنفسي هدخل أواجه الجندى الفينيقى
مسكه هوراس وقال استنى أنا هدخل أواجهه
منكاو ماينفعش لو اتهزمت هتكون القاضيه صعب جدا أن جندى فينيقى واحد يهزم ثلاث جنود مصريين
هوراس ويكون عار علينا لو هزمك إدينى أنا الفرصه ولو انهزمت هكون مجرد جندى أما لو هزمته أنا هيكون جندى فى مواجه لجندى
تتنهد منكاو وقال أبذل قصارى جهدك هوراس
دخل القاعه فقالت كيلوباترا بهمس هوراس
قام الجندى الفينيقى برفع سلاحه بإستخفاف وبدأ بطريقه استعراضية وده أعطى هوراس الفرصه إنه ينتصر عليه بسرعه فضحك الفرعون تحتمس في حين قال الملك قدموس بغضب ده مش عدل لأن الجندى الفينيقى واجه قبله إتنين وكان مرهق اما الجندى المصرى كان مرتاح أطالب إنه يتبارز مع جندى تانى
وفعلا دخل جندى فينيقى جديد وبدأ يبارز هوراس إللى كان منتبه له بشده واستطاع أن ينتصر عليه فضحك الفرعون أما الملك قدموس نادى على قائد الحرس عنده بغضب اخينوم يا أخينوم
دخل أخينوم وقال أمرك يا مولاى
الملك قدموس حارب الجندى المصرى
سحب أخينوم سيفه وبدأ يواجه هوراس ولأن أخينوم قوى جدا وصاحب خبره شديده بدأ يهاجم في ضربات قويه جدا وهوراس يتراجع ويكتفى بصد الهجمات وده أعطى أخينوم الفرصه إنه يضغط على هوراس بشده وهوراس بيصد وبيدافع حتى إنه وقع على الأرض فرفع أخينوم سيفه بشده وهو بيضرب بقوه لكن هوراس تدحرج على الأرض وقام بسرعه شديده وهو بيصد الضربات القويه ولأن الإتنين أقوياء جدا استمرت المبارزه مابينهم فتره طويله لحد ما شعر هوراس بتعب أخينوم فقام بتوجيه ضربة مخادعه وقويه جدا فسقط سيف أخينوم وساعتها رفع هوراس سيفه فى وجه أخينوم إللى سقط على ركبتيه علامه انهزامه فضحك الفرعون فى غرور فى حين غضب الملك قدموس غضب شديد جدا فوقف وقال أنا إللى هواجه الجندى ده بنفسى.
واحد إبن حلال هيقول إيه دخل التحطيب في الفراعنه أقول له التحطيب لعبه فرعونيه وفيه صور كتيره على جدران المعابد لواحد من ملوك الفراعنه وهو بيحطب .
ياترى تتوقعوا هيحصل ايه في المواجهه مابين الملك قدموس
وهوراس وتتوقعوا هيحصل ايه البارت الجاي
طب سؤال مهم هل فيه حد قرأ قصه شبيهة بالقصه دى .
على العموم إنتظروا البارت الجاي من سر الأميره كيلوباترا
