حب_وعذاب بقلم_سلمى_جنايدة الجزء_الآۆلْ_والاخير

حب_وعذاب
بقلم_سلمى_جنايدة
الجزء_الآۆلْ_والاخير
كان الجو شوب كتير مع انو كان الوقت بعد العصر الا انو الجو كان لا يحتمل من شدة الحر ..مشيت ميرا وعم تشحط شنتاية تيابها عالأرض مو قدرانة تحملها حطت ايدها على وشها عم تبعد الشمس عن عيونها لحتى تقدر تشوف قدامها ....اخدت موبايلها من الشنتة واتصلت على صديقتها مي ..
ميرا الو مي اي انا بالمنطقة ياللي قلتيلي عليها وين بلاقيكي هلأ ؟
مي انا بالكافيه ياللي بالمول ناطرتك هونيك اسألي اي حدا وبدلوكي عالمول ....وعطتها اسم المول .
مشيت وسألت رجال وعطاها الطريق الصحيح ووصلت لعند المول وطلعت عالطابق التاني عالكافيه .
ميرا كانت عم تعانق صديقتها الغالية بحرارة لأن الها اكتر من سنة مو شايفتها وصارو يبكي قد مالن مشتاقين لبعض ...قعدو حكو كتير 
ميرا ييي عليكي شو بخيلة ولك اطلبيلي شي بارد اشربو طقطقت جوزة حلقي من العطش والرغي معك ماعم لحق اجوبة عأسألتك .
مي اي تكرم عيونك شو بتحبي تشربي ؟ 
ميرا عصير ليمون مع نعنع ويكون بااااااارد كتير .
طلبتلا العصير وكملو كلامهن 
مي طيب انتي ليه تركتي الأستوديو ياللي كنتي فيه مع رفيقتك عاليا ؟ 
ميرا هاد ياستي بيوم كان خطيبها لعليا عنا بالبيت وانا قلتلو انها طلعت تشتري اغراض من السوبر ماركت اللي بأول الشارع بس هو ماعندو احساس واصر الا يدخل لعندي عالبيت وانا لحالي وانا ماكنت مرتاحتلو بنوب وكنت كتير قلها لعليا تعيد التفكير بعلاقتها معو وهي تقلي انو منيح واكابر وكتير بحبها وبتحبو ،لحد مااجى بهداك اليوم وحاول يتحرشني ويقلي انا مابحب عليا كتير بس هي بنت منيحة ودمها خفيف وهاد ياللي جذبني لألها،بس انتي غير انتي كل شي فيكي عجبني وكان عم يقرب مني وهو عم يحكي لك العمى بقلبو مااوقحو لك انا بقلو عيب عليك وهي رفيقتي ومابصير تعمل معها هيك انت هيك عم تخونها.
ودخلت علينا عليا وانا ماكنت شايفتها بس هو شافها وصار يقلي حاج تمسكيني هيك عيب عليكي انا خطيب رفيقتك وانا بحبا لعليا ليه هيك عم تعملي معها .
انا جنيت قلت بحاليشو صرلو هاد شو جن بعدين شفتو عم يتطلع بطرف عينو عالباب وحسيت انو في شي مو عادي ،التفتت لورا وماشفتلك الا هالكف على وشي فتل راسي فتل منو ،وصرت عيط على عليا وقلها والله هو ياللي كان عم يتحرشني وهي مو اول مرة ،وهي تقلي انا سمعتو وهو عم يطلب منك تتركي بحالو وقال شو عم تقلليلي انو عيد التفكير بموضوعنا كل هاد لحتى تاخدي مني .
هيك ضلت أخدة عني فكرة غلط وانو خطيبها الواطي هو الضحية وطلبت مني اترك البيت ودور على بيت تاني ودبر حالي ،ولما حاكيتك ولقيتيلي الشغل وكنت عم ضب غراضي اجى الندل مرة تانية وقلي لاتردي عليها لعليا هاي بتخبص وانتي مابصير تطلعي من البيت هي اللي لازم تطلع مارديت عليه ولا عبرتو بس بالأخر ماقدرت في بحصة بقلبي وبدي بئها قمت وسفقتو كف عوشو وبزقت بنص خلقتو قلتلو ولك انتي ياللي كنت تتحرشني ولما انتبهت انو عليا اجت عملت حالك بريء وخليتني انا ياللي عم اغويك دخلك على شو بدي حط عيني عليك اه من قلة رجال ياللي انتي اخرهم واوسخهم ،صار يهدي فيي ويهددني ازا بترك البيت غير يترك عليا ....قلتلو وعليا مابتستاهل منك هيك لك بكفي انو طلعتني انا الخاينة وانتي الملاك الطاهر ،بس هو ماكان بيعرف انو انا كنت فاتحة خط على عليا ياللي سمعت كل الحديث ،ولما اكتشفت حقارتو ووساختو اعتذرت مني واستسمحتني وترجتني لحتى ماروح من البيت بس انا ماقدرت خلص كشيت من البيت واللي فيه .وبس ياستي هي هيي كل القصة .
هلأ خلصيني مابدنا نروح لعند الجماعة هلأ بنتأخر عليهن .
مي اي طولي بالك لا تأخرنا ولا بكرنا بعدين مابدك عرفك على رفيقي هلا بيجي روقي شوي .
بعد شوي اجى رفيقها كان طويل ونحيف كتير ومو حلو كتير بس محترم وبحبها كتير لمي وسادق معها .
مي اهلا حبيبي تأخرت بدي عرفك هي رفيقتي ميرا .
مجد اهلا وسهلا ميرا واخيرا تعرفت عليكي مي صارعيتني فيكي وهي عم تحكي عنك كتير شوقتني اتعرف عليكي بس الصراحة قربي لعندي شوي بس ماتحكي لحدا وحكى بصوت واطي انتي احلى من الوصف اللي وصفتك في مي ..ششششش لا تخبريها هلأ بتاكلني .
ضحكت ميرا وخجلت من كلامو بس كان هو عم يحكي ببراءة مو عن قلة ادب .
اتطلعت عليه مي وقالتلو شو عم توشوشها سامعتك ها .
شربو قهوة وراح مجد يشوف رفيقو وراحت مي وميرا عالبيت ياللي بدها ميرا تشتغل فيه مع مي .
وصلو للبيت وفتحت مي بوابة صغيرة ودخلو منها وهي البوابة كانت بس للخدم بيطلعو وبيفوتو منها ،انبهرت ميرا بالبيت قد مالو كبير وفي شجر كتير ومنظم بشكل رائع .
دخلو عالمطبخ وراحت مي غابت شي عشر دقايق ورجعت وطلبت من ميرا انو ترافقها لعند المدام صاحبة البيت،راحت معها ودخلت لعند ست مو كبيرة كتير مقدرة وحترمة هيك كان باين عليها وارتاحتلا ميرا من وقت اللي شافتها من قبل ماتحاكيها .
ميرا مساالخير مدام .
المدام مساالخيرات حبيبتي اهلا وسهلا فيكي عرفيني عنك بدون مااسألك اي شي احكي براحتك وانا عم اسمعك وطلبت من مي تعملون فنجانين قهوة لحتى يخلصو كلامن.
ميرا عرفتها على حالها بشكل مختصر وجاوبتها على كل اسألتها بدون طول حديث يعني بالمختصر بس على قد السؤال .
اعجبت المدام بشخصية ميرا وبكلامها مع انو كان قليل وعالقد الا انها ارتاحتلها ووافقت على انها تشتغل عندها طباخة لأن هاد كان طلبهن بشرط انهن يجربوها لمدة اسبوع وازا عجبهن الوضع بتكمل معهن واتفقو انو بهالفترة تبقى ميرا معهن بالبيت تنام بغرفة الخدم مع مي والشغالة التانية سمية.
مشي الحال وبهداك اليوم ميرا ماعملت شي بناء على رغبة المدام ام أدملأن كان رايح وقت الغدا وطلبت منها تبلش من تاني يوم .
راحت ميرا مع مي على غرفتهن اخدت دوش بارد وارتاحت ونامت حوالي ساعتين وفاقت على صوت موبايلها عم يرن وكانت عليا بس ميرا مارضيت ترد عالموبايل .
قامت وقعدت شوي بالتخت وراحت عالبرندا وقفت واستنشقت هوا نضيف وريحة الورد والريحان كانت معبقة المكان .
طلعت من الغرفة وراحت عالمطبخ التقت بسمية وتعرفت عليها وكانت حبابة وطيوبة .
وهنن عم يحكو دخلت يارا بنت صاحبة البيت وسألت عن ميرا وتعرفت عليها عن طريق مي وكانت كتير مهضومة وانيقة ولبسها كتير فايع وستايل طلبت فنجان شاي وطلعت .
سهرو البنات
لوقت متأخر وفاقو بكير لحتى يشوفو شغلهن ...عملت ميرا الفطور وعجب المدام والأنسة يارا وأدم ياللي لسا ميرا ماتعرفت عليه ومالحقت تشوفو قبل مايطلع.
جهزت ميرا سفرة الغدا بعد ماسألت المدام شو بحبو يتغدو وعملتلهن تشكيلة اكل وزينت السفرة بشكل حلو كتير وحطة باقة ورد بمزهرية بنص الطاولة ...تغدو وانبهرو بالأكل ياللي كان معمول بأتقان وزوء كتير .
جهزت ميرا الشاي بالنعنع وبعتتو عالصالون .
بعد العصر بشوي كانت ميرا قاعدة بالمطبخ عم تشرب شاي اخضر فات ادم عالمطبخ وشاف ميرا وقلها 
ادم مساالخير 
ميرا مين حضرتك وكيف دخلت لهون ؟
ادم انا صاحب البيت ...اها انتي الطباخة الجديدة ما؟ 
ميرا اهلا استاز اي انا ميرا عدم المؤاخذة ماعرفتك لأن ماشفتك ولا مرة .
ادم بسيطة ماصار شي ....وبن الصبايا ؟
ميرا راحو عالسوق يشترو اغراض ...بتحب اعمللك شي 
ادم مابدي عزبك معي خلص بس يرجعو البنات .
ميرا مافي غلبة ابدا شو بتؤمرني 
ادم كنت بدي فنجان نسكافيه .
ميرا على عيني شغلةةخمس دقايق وبكون عندك وين بتحب جبلك اياه.
ادم عالتراس برا .
جابتلو النسكافيه وراحت تقعد بالجنينة .
قعدت وانتظرت الصبايا لحتى رجعو ومرق اليوم ومشي حالو وكانت ميرا كتير مرتاحة.
مرق اللأسبوع بسرعة واتفقت المدام مع ميرا على الأجرة وعلى نومتها عندون رغم انو ميرا ماحبت تحرج حالها بالنومة عندهن وقالت انها بتقدر تستأجر وبيت قريب من الفيلا تبعهن لكن المدام رفضت واصرت على ميرا الا تبقى معهن .
بعد شهرين كانت ميرا عم تحضر بالغدا بعد ماخبرتها المدام انو جايين ضيوف ورح يتغدو معهم.
جهزت ميرا السفرة وزينتها بأشهى الأطباق واطيب الأكلات الشرقية والسلطات بأنواعها والعصائر الطبيعية .
اجو الضيوف وعجبهن الأكل كتير وكانو الضيوف عمتو لأدم وابنها وبنتها .
سألت ام رامي عن الأكل ومن اي مطعم جايبينو قالتلها ام ادم انو مو من المطعم وانو عندها طباخة وهي ياللي عملت كل هالأكل هاد ،حبت ام رامي تتعرف عالطباخة الفنانة ياللي عملت كل هالأصناف وهالزوء بتوزيع الأكل .
نادت ام ادم على ميرا ودخلت عليهن وسلمت عليهن بأحترام وادب واعجب رامي بميرا ووجهلها كتير من الأسئلة لحتى بس يضل يحاكيها ويتطلع فيها واتضل واقفة قدامو وقت اكتر .
حس ادم على رامي انو عم يحاول يجذب انتباه ميرا بكلامو الحلو وقف ادم وطلب من ميرا انو تلحقو بحجة انو بدو يسألها عن شي.
استاذنت ميرا وراحت مع ادم عالمطبخ مسكها ادم من ايدها وصار يتطلع فيها بنظرات غضب وقلها 
ادمليه عم تاخدي وتعطي معو بالحكي .
ميرا عفوا استاز انت شفت انو هو ياللي كان عم يسألني وانا عم جاوبو مو اكتر من هيك .
ادم اي خلص جاوبي واستأذني مافي داعي اتضلي واقفة قدامو هيك .
ميرا بعتذر ماكان قصدي بس هو ياللي كان عم يحكي مو انا.
ادم خليكي هون ولا تجي حتى لو نادولك شو فهمتي .
ميرا حست انو ادم عمل معها هيك انو مابصير الخدم يقعدو ويحكو مع اهل البيت بالشكل هاد ،وحست انو اسلوبو في نوع من التكبر.
بيوم كانت ميرا رايحة عالمول القريب من البيت ولما وصلت لعندو وقبل ماتدخل اجت سيارة خبطت بأيدها صرخت ميرا مو من الوجع بس خافت من صوت بريك السيارة الا وقف فجأة وحست بوجع بأيدها نزل من السيارة شب شخصية كتير وجنتل لابس بدلة سودة بدون قرافة ونضارة شمسية كان باين عليه ابن عز
ركض لعند ميرا وكان خايف كتير يكون صارلها شي ...
الشب خير ياانسة ان شاء الله ماصارلك شي ؟ 
ميرا لأ ماصرلي شي بس ايدي عم توجعني شوي موكتير بسيطة حصل خير .
الشب طيب خليني اخدك عالمستشفى لحتى يشوفك الدكتور ويعمللك صور ازا بيلزم .
ميرا مالو لزوم مافيني شي .
الشب مابصير لأ لازم اخدك وضروري بلكي صار معك مضاعفات بعدين .
راحت ميرا بعد الحاح من الشب عالمستشفى وعملت كل الفحوصات وكان عندها بس رضة بأيدها ضمدولها اياها زطلبو منها تراجعهن ازا حست بأي شي ،وصلها