حب_وعذاب بقلم_سلمى_جنايدة الجزء_الآۆلْ_والاخير

خبرتها ام ادم ...ميرا صارت تبكي اكتر واستغربت انو كيف آدم بقرر عنها انها مو للجواز .
ادم كان بغرفتو بالوقت اللي كانت في ام ادم مع ميرا وكان في صراع كبير بمشاعرو وشو بدو يعمل واعترف واخيرا لحالو انو بيغار عليها لانو بيعشقها بجنون .
تاني نهار وكان اخر يوم لالهن بالمزرعة وعالفطور سأل أدم عن ميرا وينها ميرا ليه لهلأ مااجت ؟
سمية ميرا لساتها نايمة .
ادم لهلأ.
سمية هي اصلا مانامت كل الليل ولبعد ماطلعت الشمس لحتة عرفت تنام .
ام ادم امي خلص بقى اتروك البنت بتفيق براحتها .
خلصو فطور وراحو سمية ومي ويارا وام ادم عالتراس ليشربو قهوة .
وادم راح ليشوف الحارس لان بعث وراه ليأرجي الفواكه ياللي قطفوها وشو بدهن يعملو فيها .
ضلت ميرا بغرفتها للساعة تلاتة العصر ماطلعت بنوب وادم كل شوي يتطلع بساعتو انو ليه لهلأ مابينت بس ماسأل حدا عنها بعديها .
وقت الغدا الكل اجتمع ماعدا ميرا بدون مايسأل طلع على غرفتها ودق الباب .
ميرا تفضل .
ادم دخل وهو مستشر لشو بدك توصلي اه عالفطور وما اجيتي وضليتي طول الوقت هون ومشيتلك اياها وهلأ مابدك تتغدي معنا والاااااااا مابدك تتغدي معي انا .
ميرا......
ادم غيري تيابك والحقيني شغلة خمس دقايق ازا مابتنزلي والله ياميرا لكسر البيت كلو من دون شي خلاقي ديقة .
تركها وسكر الباب ورا.
ميرا قعدت عالتخت شوي وقامت بسرعة زغيرت تيابها لبست فستان ابيض طويل غجري ونزلت وكان عم يستنى ازا رح تنزل والا لأ .
نزلت ميرا وقعدت بعيد عن ادم مابدها تشوفو .
كان ادم عم يراقب ميرا ازا عم تاكل والا لأ ..كانت عم تاكل بهدوء وشوي شوي .
قامت اول وحدة مسكها من ايدها وهي ماشية وقلها شو لوين رايحة ؟
ميرا الحمدلله شبعت .
ادم بس مااكلت شي .
ميرا اكلت كفايتي .
بالليل جهزو شناتيهم لتاني يوم لان بدهن يرجعو بكير .
وهنن بالطريق ماحاكاها لميرا ولا كلمة لحتة وصلو البيت مع الضهر .
حطو اغراضهن وراحو يرتاحو بغرفهن .
بعد كم يوم اجو خطابين ليارا اختو لادم وياللي خطبها بكون ابن رفيقو لابو ادم وكانو رفقات العيلة .
تمت الخطبة وكان العريس مستعجل بدو يتجوز عطول مابدو الخطبة تاخد وقت طويل يعني دوبا يارا تجهز حالها ، طلبت يارا من ميرا تطلع معها دايما عالسوق لتشتري جهازها لان بيعجبها زوء ميرا باللبس ،وكان ادم يادوب يشوفا لميرا ،وكانت علاقتهن ببعض لساتها مزعزعة مافي حكي كتير بينهن بهديك الفترة وبقلة شوفة ادم اكتشفت ميرا انها بتحبو وبجنون بس قالت انو مستحيل لو شو مايصير انها تعترف لادم انها بتحبو لان في فرق كتير كبير بينهن .
كانت ميرا بالمطبخ عم تجهز بالغدا وقت اجى ادم من شغلو وكانت مي عم تحكي مع سمية ويارا بالصالون عند طاولة السفرة انو باسم رفيقو لخطيبها معجب بميرا وطلب ايدها بس لسا ميرا ماردتلو جواب .
راح ادم لعندهن وقال لمي مين هاد اللي طلب ايد ميرا .
مي كانت متوترة انو كيف سمعهن ماحسو عليه وقت اجى .
مي رفيقو لخطيبي شاف ميرا وطلب ايدها .
ادم ايوااااااااا وايمت شافها بسلامتو .
مي اول مااجت ميرا لهون كان الها يادوب شهر ومن اياميها وهو عم يحاول معها .
ادم اي كملي وبعدين .
مي اتطلعت بيارا وكملت ووعدتو ميرا على قد ماالح عليها انو تفكر بالموضوع .
ادم اي وشو طلع معها ؟
مي لسا ماردتلو خبر .
طلع ادم على غرفتو والبو رح ينط من مطرحو كتر ماهو مقهور .
نام ادم بعد الغدا ولما فاق نزل لعند ميرا عغرفتها كانت لحالها دق الباب .
ميرا فتحت الباب وضلت واقفة .
ادم شو مارح تحكيلي فوت .
ميرا تفضل .، خير استاز في شي .
ادم شو رأيك بالعريس .
ميرا راح بالها على عريسه يارا وقالتلو منيح ما شاء الله عليه مابعيبو شي .
ادم بحلق عيونو يعني عاجبك .
ميرا وانا شو دخلني ليعجبني المهم عاجبها الها.
ادم انتي عن مين عم تحكي؟
ميرا عن خطيب الانسة يارا .
ادم انا شو بدي بخطيب يارا انا عم اسألك عن باسم رفيق خطيب مي .
ميرا ....عم فكر بالموضوع صحيح انتي كيف عرفت ؟
ادم مو هاد المهم ...قلتيلي عم تفكري بالموضوع .
قامت ميرا لتشرب مي حست ريقها نشف وجمد الدم بعروقها .
لحقها ادم ودحشها بالحيط وحط ايدو حوالين خصرها وقرب منها وحاكاها بعصبية من كل عقلك عم تفكري بالموضوع ميرا هي كلمة وحدة من عندي انتي لألي انا وبس اي انتي لألي ملكي انا ....وهمس بأدنها انتي لآدم فهمتي ميرا ....اناااا ميرا انا بحبك بحبك بعشقك بجنون مارح خلي حدا ياخدك مني .
ميرا قشعر بدنها وقت سمعت كلامو وهو قريب منها لزقها .
ميرا استاز ادم انتي شو عم تحكي كان صوتها يادوبو مسموع كانت اعصابها مرتخية بس لانو قريب كتير منها هاد الحب ياللي عم تحكي عنو مستحيل .
ادم اتطلع بعيونها ورفعلها دقنها بأيدو ليش مستحيل شو الصعب اللي فيه .
ميرا استاز اتطلع انتي مين وانا مين ...
ادم قاطعها شو هالتخبيض لسا في حدا عم يفكر تفكيرك ميرا انتي بنت مثقفة واعية مابصير تفكري هيك بشكل سلبي.
ميرا مو انا اللي رح احكي الناس وكل اللي حواليك الست الوالدة اول وحدة رح تحكي ويمكن تقلعني من هون كمان .
ادم ميرا..
ميرا خليني قلك وقتا ميرا صارت تبكي الناس رح تحكي علي انا لو عرفو بالموضوع رح يقولو مدري شو عملت بجوز اغرتو بجوز .....بجوز غلط معها وبدو يصلح علاقتو معها لحتى ماينفضحو والحكي رح يزيد ماينقص ومارح ينحكى عليك رح ينحكى عليي انا لان رح اطلع انا الوسخة بنظرهن ...بعدتو عنها ومشيت لبعيد وصارت تبكي وكملت انسى الموضوع بترجاك .
رجعلها وفتلها لعندو وقال شو هالحكي انتي من وين بتجيبي هالأفكار ياللي بدو يحكي عليكي كلمة قبل لا ينطق رح قص لسانو ...شو غلطت معك شو هالكلام هاد .
ميرا اي اي رح يحكو ويكترو ومارح يستأزنوك اكيد ليحكو اللي بدهن اياه وانتي رجال مابعيبك شي حتى لو غلطت ..
ادم ميرا انا بتكفل بكل شي وبحل الموضوع من اساسو انتي مايكونلك فكرة وامي ماتخافي منها امي بتحبك كتير ومابتتخيل هالببيت من دونك .
ميرا اي بتحبني طباخة عندها موكون مرت ابنها المدام اول وحدة رح تشك فيني .
ادم بفهم من كلامك انو لووامي توافق انو انتي ماعندك مانع نكون لبعض .
خجلت ميرا وقالتلو ...انا مافكرت بالموضوع انت فاجأتني صراحة.
ادم قلتيلي فاجأتك ما امم وقرب منها وحاوطها بأيدي ..ليكي ازا ماكنتي الي ماحتكوني لغيري ماشي وانتي ماعليكي لا من امي ولا من الناس انا عندي فكرة رح خرسلك كل ياللي بدو يفكر يحكي كلمة ...هلأ ايدي عراسك وجاوبيني بصراحة ركز بعيونها وكمشها منيح انتي بتحبيني والا لأ .
ميرا ......
ادم احكي...لك احكي مارح حل عنك لتحكي الحقيقة .
ميرا البها كان رح يوقف ماعرفت هي فرحة انو صارحها بحبو والا خوف من اللي بدو يصير لقدام والا خوف حدا يفوت ويشوفهن بهالمنظر .
ميرا اناااا بحترمك كتير .
ادم اي وشو كمان .
ميرا ومعجبة فيك .
ادم وشو كمان .
ميرا اه ..بس 
ادم كزابة ....احكي اعترفي يلا قبل مايجي حدا ...ولك احكي خلصيني قلتلك مارح اتركك لتحكي كل ياللي بقلبك ..
ميرا قلتلك ليكني 
ادم لا يا شو عم تتهبلي قولي بحبك ادم بحبك حبيبي .
ميرا احمر خدودها ودفشتو بعيد عنها ورجع مسكها وين رايحة تعي لهون احكي يلا قبل ليجي حدا ...ولك يلا حاج تعزبيني اكتر والا عم تتقلي علي ولي .
ميرا خلص استاز اتركني ادم احكي بحبك ادم بتركك وعد .
ميرا واخيرا ب .ب بحبك ادم ضحكو عيونو وقلها ماسمعت عيدي شو قلتي.
ميرا خلص يا حكيتها مرة ادم كمان مرة وحدة بس وعد غير اتركك .
ميرا بحبك ..بحبك منيح هيك .
ادم اتطلع فيها وضمها لصدرو وباس خدها وقلها بوعدك انتي لألي وبس اي.
بعد اسبوع من الأعتراف كان عرس يارا وطلب ادم من ميرا تلبس فستان حلو وتزبط حالها منيح بس مافهمت ليش .
بعد مارحب ادم بالموجودين بالعرس قلهن انتبهولي شوي بدي خبركن انو امي كانت ناطرة فرحة انها تشوف اختي عروس وانو انا كمان اخطب وبصراحة ماكنت لاقي بنت عمزاجي لحتى التقيت بأحلى صبية حبها البي وعشقتها عيني وصارت هيي الهوا والنفس لألي بس الصراحة ماخبرتها بحبي لألها غير من اسبوع بس وكانت رافضة الفكرة والسبب انها خايفةةمن حديث الناس وشو بدهن يفكرو فيها وانا لقيت انو مافي انسب من هاليوم وبستأزن من العرسان اني رح اخد دقايق بسيطة من وقت فرحكن لأحكي عن حالي شوي وهالصبية ياللي عشقتها رفضتني 
رغم انها بتحبني كمان بس متوقعة تسمع كلام من الكل بجوز تكون اغرتني او اني غلطت معها وبدي صلح غلطتي لكن الكل بيعرفني وبيعرف اني رجال واضح وصريح وماعندي حركات ولدنة لكن لحتى ترتاح هي اقسم بالله العظيم اني مالمستها ولا قربت منها وعملت اي شي يغضب ربي كل ياللي عملتو اني حبيتا لما لقيتا فهمانة وواعية ومو متل هالبنات .وفي من الموجودين كمان حاولو يتقربو منها .
واحد من الموجودين شوقتنا نعرف مين هي .
ادم هلأ رح بعرفكن عليها ونادى لمي ...
ادم مي احكيلا تجي لهون .
ميرا تأخرت لطلعت لعند الضيوف وكانت متل القمر بالفستان النيلي والمكياج الهادي والشعر المسرح ومشيت وهي خجلانة ، لاقاها ادم بنص الطريق ومسك ايدها وباسها وقربها لعندو وقلهن ليكا حبيية البي عرفتوها في منكن بيعرفها مو ...
ادم حياتي انا حكيت لأمي مبارح عنك وماعارضت بنوب بالعكس انبسطت كتير وقت عرفت انو انتي لانو كانت شاكة فيني من تصرفاتي تخيلي .
ميرا اتطلعت بام ادم ولاقتها عم تضحكلها ومبسوطة فيها ..قربت ام ادم لعندها وقالتلا بدي اخطبك لأبني شو قلتي ..
ميرا ضحكت وبكيت بنفس الوقت وعانقت ام ادم وهزت راسها انها موافقة وادم ضم ميرا لألو بحب وشوق لهيك لحظة كان ناطرها من وقت شاف ميرا ... وعلي صوت التسفيق والتصفير مو للعرسان لأدم وميرا اللي كانو احلى تنين بحبهن وسدقهن ......
النهاية 
بقلمي سلمى جنايدة