حب_وعذاب بقلم_سلمى_جنايدة الجزء_الآۆلْ_والاخير

الشب عالبيت لحتى يتطمن عليها وعرفها بحالو
..عفوا انا نسيت عرفك بحالي انا خالد الزين ...
ميرا اهلا وسهلا انا ميرا 
وصلو هالبيت واعطاها كرت لألو في ارقام تلفوناتو وقلها ازا احتجتي اي شي خبريني وطمنيني عنك ... 
دخلت ميرا عالبيت ووقت شافتها ام ادم خافت عليها وسألتها عن ياللي صار معها ، خبرتها ميرا وطمنتها انو مافي شي بخوف .
المسا كانت قاعدة ميرا بحديقة البيت لحالها شافها ادم وقت دخل بسيارتو نزل من السيارة ومشى باتجاه ميرا وسألها ميرا شو بها ايدك شو صاير معك مكسورة ؟ 
ميرا لأ استاز مافي شي بس تعرضت لحادث بسيط والحمدلله مافيني شي 
ادم كيف مافيكي شي وايدك مربوطة هيك ومجبورة .
ضحكت ميرا وقالتلو لأ هي مو مجبورة بس عليها ضماد لأنها مرضوضة وشغلة يومين بخف وبصير منيحة .
وقف ادم معها شوي واستأذنتو انو صار لازم تاخد الدوا وتنام .
بعد تلات ايام وقبل المغرب اجى البواب وقال لميرا انو في رجال عم يسأل عنها برا بالجنينة ...استغربت وطلعت تشوف مين ياللي عم يسأل عنها .
ميرا ماشية باتجاه السيارة ونزل خالد من وكان عم يتطلع بميرا بأعجاب واضح وصلت لعندو وسلمت عليه.
ميرا خير استاز خالد في شي .
خالد لأ سلامتك بس كنت ناطر اتدقيلي بس مادقيتيلي قلت ماالي غير اجي واسأل عنك بماانك مو سائلة عني ، استنيت منك اتطمنيني عنك وانتي ولا على بالك شو هاللامبالاة ياللي عندك.
ميرا عفوا ليه هيك عم تهاجمني ،انت اللي قلتلي ازا احتجتي شي وصار معك اي شي طمنيني عنك واطلبي مني صح؟ليه هلأ عم تقول عني لا مبالية انا ماصار معي شي لحتى دقلك وحاكيك هي كل القصة .
خالد طيب حتى ولو حاكيني طمنيني مابتخسري شي .
ادم كان طالع عالبلكونة عم يشرب قهوة لمح ميرا واقفة مع رجال غريب مابيعرفو ، راح لعندهن وسلم عالرجال وسألو مين بكون .
ميرا عرفتهن على بعض وكان واضح على ادم انو مزعوج كتير خصوصي وقت عرف انو هو ياللي عمل الحادث مع ميرا .
وسألو انو ليه جاي لعندهن وانو ميرا مافيها شي وامورها تمام ،انزعج خالد من اسلوب ادم وبالطريقة ياللي حاكا فيها وطلب من ميرا تدخل عالبيت وماتطلع ، مشى خالد وراح ادم لعند ميرا وكانت كتير متدايقة منو انو كيف بيحكي معها هيك ومين اعطاه الحق ليتدخل بحياتها وكيف بقلعها قدام خالد .
ادم عم يحكي من بين سنانو شو قصدك بهالحركة وشو جابو هاد لهون فيكي تفهميني ؟
ميرا ماقصدت شي وبعدين انا مابعرف شو جابو لهون وهو قلي انو جاي لحتى يتطمن علي لاني ماحاكيتو ولا مرة لطمنو عني.
ادم حط ايدو على ادانو وقلا ارجعي عيدي شو قلتي وليه لحتى تدقيلو وتخبري عن حالك مشان شووو اه .
اختصرت ميرا الحديث وماردت عليه بشي .
بعد فترة طلعو البنات عالحديقة القريبة من البيت واخدو معهن تسالي وشاي وقهوة وانبسطو كتير بالقعدة ،مرق بياع الدرة وراحت ميرا تجيب درة واصطدمت ميرا بشب طويل اعتذرت منو ماقبل ماتشوفو ولما اتطلعت فيه 
ميرا خالد هاد انت 
خالد ميرا كيفك شو اخبارك كنت حابب اتطمن عليكي بس شفتي هداك الرجال شو عمل معي ...بالمناسبة مين بكون هالمتعجرف هداك .
ميرا هاد صاحب البيت اللي انا بشتغل فيه 
خالد ليش انتي شو بتشتغلي؟
ميرا انا بشتغل طباخة .
خالد وقف شوي مع ميرا واخدو وعطو كتير بالحديث مع بعض لدرجة نسيو الوقت .
رن تلفون ميرا وكان ادم ياللي عم يدقلها .
ميرا الو اهلين استاز ادم.
ادم شو ميرا كني طابتلكن القعدة بالحديقة شو مابدكن تروحو .
ميرا اي امبلا يلا شوي وبنروح بس هلا اشتريت درة وعم ناكل ومبسوطين ..خير عاوز شي لحتى بدك ايانا نروح؟.
ادم لأ مابدي شي بس انشغل بالي عليكن .
وهي عم تحكي مع ادم رن تلفون خالد .
ادم ميرا مين معك مين هاد الرجال ؟ 
ميرا اه ...لا هاد رجال مرق من قدامي وعم يحكي بالموبايل .
ادم مااقتنع واختصر مع ميرا وسكر الخط .
ميرا كمان اختصرت الحديث مع خالد ياللي كان حابب يبقى وقت اطول معها وطلب منها انو توعدو يرجعو يلتقو مرة تانية .
قعدو البنات وعم ياكلو درة واجى صوت رجال من وراهن .....
ادم شو شايف مطولين بقعدتكون .
ميرا وقف قلبها وقت عرفت انو ادم اجى لعندهن وقالت بحالا لو ضلت واقفة شوي تانية مع خالد ماكان رح يحصللها طيب ومارح تخلص من ادم.
قامو البنات وروحو مع ادم بسيارتو ومرقو شوي عالسوبر ماركت اشترو اغراض لألهن .
بعد يومين كانت ميرا قاعدة بجنينة البيت وعم تشرب شاي اخضر اجى لعندها ادم وصار يعيط عليها انو شافت خالد بالحديقة وانصدمت كيف عرف بموضوع خالد .
ميرا والله ماكنت متفقة معو ولا شي بالصدفة التقيت فيه .
ادم ياسبحان الله كل شي عم يصير معك عن طريق الصدف اي شو الصدف مابتعرف حدا غيرك لتروح لعندو ....ومسكها من ايدها وقلها عم تستغفليني اناااا انا ااا مابهمني شو عم تعملي والا مين عم تقابلي مابهمني بس لا تحاولي تستهبليني لانو لسى مابتعرفي مين هو ادم فهمتي.....فهمتي ..وتركها وراح وترك ورا وجع كبير بقلب ميرا لانو كان عم يظن فيها ظنون مو منيحة .
رجعت على غرفتها هي وعم تبكي بعد شوي دق باب غرفتها فتحت ميرا الباب ، وشافو ميرا بهالحالة سألوها شو صار معها .
ميرا مين ياللي خبرت الاستاز ادم اني شفت خالد بالحديقة ؟ 
مي انا بس مو بالقصد ..ليش شو صار .
ميرا بتعرفي انو اجى وعجب عليي ،وشرحتلون شو صار معها .
بيوم كانت ميرا بغرفتها اخدت دوش بارد لتنتعش ونشفت شعرا بالسشوار ومدت حالا عالكنباية واخدت مجلة لتقرأها حست بشي عم يمشي على كتفها ووقتا صرخت ميرا بأعلى صوتها من الوجع مسكت كتفها وكان دبور احمر قرصها ووقع عالأرض راحت عالتلاجة واخدت تلج وحطتو مكان القرصة وصارت اتدور بالمطبخ متل المجنونة وماكان حدا بالبيت غيرا هي وادم اللي كان نايم ومي وسمية طلعو عالسوق مع المدام يجيبو اغراض للبيت .
ضلت ميرا عم تتوجع وقت طويل رجعت على اوضتها وكانت ضاغطة عالجرح سن توم مهروس لحتى يخفف شوي من وجعها بس بدون فايدة وشوي شوي ماعاد قدرت تسيطر على حالها وحست انها ماعم تتوازن ووقعت عالارض وغميت .
دخلت مي عالغرفة وشافت ميرا عالأرض صرخت مي وركضت لعندها سمية والمدام وحاولو يفيقو ميرا وماكانت تفيق .
ام ادم طلبت من سمية تطلع وتفيق ادم ليجيب الدكتور .
نزل ادم متل المصروع لدرجة انو نسي حالو انو نازل بس بالشورت بدون فانيلا حتى.
وركض لعند ميرا وحاول يفيقها بس ماقدر هو كمان انتبه انو عليها حرارة قوية وخدودها حمر كتير وسأل ازا كانت مريضة وقالولو انو ماكان فيها شي وقت طلعو .
شاف ادم سن التوم عاﻻرض مكان ميرا وشاف كم البلوزة مرفوع شوي وشك انو ممكن تكون نحلة قارصتها لما شاف كتفها شهق بصوت عالي وقال لمي تتصل بجارهون الدكتور حسان .
سألتو امو انو شو في قلها انو هي قرصة دبور احمر لأنو كان منتشر عندهن بهديك المنطقة عالشجر وكان الكل يجيب مبيد حشري ليتخلصو منهن .
اجى الدكتور وكانت ميرا لسى غميانة وحرارتها عم ترتفع اكتر طلب منهن الدكتور حدا يساعدو ليطلعو السم من ايدها بس كانو البنات خايفين كتير عليها وطلب من ادم هو ياللي يساعدو واول شي عملووالدكتور انو فيقها بس كانت مو وعيانة على شي منيح متل الخيالات .
طلب من ادم يثبت ميرا منيح لانو رح يوجعها وقت يطلع السم من كتفها .
مسكها ادم وحط راسها على صدرو وايديها ورا ضهرو وثبتها منيح وطمنها انو مارح يصيرلها شي وهي معو .
رفعلها الدكتور بلوزتها لحتى يبين كتفها منيح وبلش يعصر بالسم ليطلع وميرا تصرخ بأعلى صوتها وتبكي وتترجى بآدم يتركها وكانت تحاول تفلت حالها من بين ايدي بس كان ادم كامشها منيح وقلبو موجوع عليها وتبكي وتقلو مشاااان الله حاج ببوس ايديكن بكفي خلااااص ماعاد اتحمل الله يوفقك يااستاز خلااص اتركوني مشان الله ...بعد شوي تقل راسها عصدرو وارتخووايديها ياللي كانت غارزتهن بضهرو لآدم .
ادم اتطلع فيها وكان خايف كتير عليها وشافها انها غميت من جديد .
ادم دكتور ....دكتور شو صرلا ماعاد صرخت شو صرلا .
الدكتور حط ايدو على رقبتها وقلو ماتخاف اغمى عليها من كتر الوجع هلأ بترجع بتفيق .
ولما خلص الدكتور وضمدلها الجرح بعد ماتأكد انو ماضل سم بكتفها ،فيقها واعطاها ابرة مسكن لحتى ترتاح .
وقال لآدم هاد الدوا جيبوو بسرعة لأن لازم تاخدو بانتظام لحتى مايلتهب جرحها او يصرلا مضاعفات تانية . وقلو انو رح يرجع تاني يوم ليتطمن عليها ويكشفلها عالجرح.
نامت ميرا وكان باين عليها التعب والوجع.
ام ادم كتير زعلت عليها لأنو حبتها كتير لميرا وكانت مميزة عندها .
ادم جاب الدوا وكانت ميرا لسا نايمة وكانت مي عندها عم تحطلها كمادات مي باردة على جبينها .
ادم طلب من مي انو تعملو فنجان قهوة وهو رح يضل عند ميرا ورح يحطلها الكمادات هو.
ادم لحالو مع ميرا بالغرفة عم يتطلع فيها والدمعة بعينو خايف وقلقان عليها وكان عم يلوم حالو لأنو ماخلاها تطلع مع امو وسمية ومي عالسوق وقال لو خلاها ماكان صار اللي صار ..بس رجع وقال نصيبها وبدها تاخدو .
تحسنت ميرا وراحت عنها الحرارة وبعد مافاقت لاقت سمية نايمة عطرف التخت كان الوقت متأخر بعد 12بالليل حست سمية عليها وقامت عطول وضحكتلا وباستها على خدها وقالتلها ياعمري حمدالله عسلامتك كيف صرتي هلأ ان شاء الله احسن .
ميرا وهي تعبانة ودوبها اللي عم تحكي ليش شو صار شو في .
سمية مابتعرفي شو صار معك اليوم العصر كنت رح تروحي منا من غير شر ،لحظة لنادي للمدام وطمنها عنك .
اجت ام آدم ومي وسمية ولحقهن آدم بسرعة ودخل عالغرفة حتى بدون استأذان.
ادم قرب منها وحط ايدو على راسها وقلها طمنيني عنك كيف صرتي خبريني بشو حاسة انتي احسن هلأ في شي عم يوجعك ....
ام ادم امي طول بالك عليها البنت ماعم تقدر تحكي وانتي ماعم تعطيها مجال تجاوب عسؤال .
حس آدم عحالو انو مو طبيعي استحى ورجع لورا شوي وقعد قريب منها .
ميرا يادوبها عم تحكي الحمدلله انا منيحة بس شو صار .....انا بتزكر كنت ...كنت قاعدة وحسيت بشي على كتفي وانتبهت انو دبور ..وحاولت انو خفف الوجع شوي بس ماعدت عرفت شو