رواية امين حوتب الحلقة الثانية بقلم محمد منصور حصريه وجديده
رواية امين حوتب الحلقة الثانية بقلم محمد منصور حصريه وجديده
وطلعت موبيلي واتصلت بأبني الكبير واول فرحتي. بركة وبركة دة عنده محل حلاقة وهو مش حلاق اصل. لكنه فتح المحل علشان بس يغيظ خطيبته اللي سيبته واتجوزت حلاق. وكان المحل بتاعه عبارة عن قبر بس فوق الارض متر في متر يدوبك حاطط كرسي وتسربحة اوزعه وتيلفزيون اوزعه وكان الواطي شايفني بتصل بي ومش عايز يرد.
أمين حوتب
من تاليفي، ،
محمد منصور. منص
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ما بيردتش علشان بيتفرج علي المصارعه وبيقول
مش وقتك يا امين
ورجع يتفرج علي المصارعه وهو بيشجع بجنون وبيقول
حاسب ها يضربك اوعى يا خدك واحده سمر يا سلام
فببص المصارع اللي ما بيحبوش بركة ناحية الكاميرا ويقف الارسال بسبب عطل في طبق الدش. فيفتكر بركة انه بيبص له هو فيقول بتحدي
بص كمان ياه بص تانى مأنا ها خاف منك اصحى ده أنا بركه يعنى الجبروت والجحود كله يعنى قلب الاسد يعنى
ويتفزع بركة ويقع من فوق الكرسي اول ما يضربو العيال في الشارع صاروخ جوة محل بركة ويقول
اوعى الكنافه تيجي فيا
فيضحكوا العيال ويطلعوا يجروا وهو بيقولهم
يا ولاد الحمار
ويرجع يبص للمصارع تاني وهو بيقعد علي الكرسي وبيقول له
مالك اتهزيت ليه كده ده صاروخ وايه بقى مش ناوى تبص الناحية التانيه هو انت فاكرنى ها خاف منك طيب زي مانت بتبص بقى انا هابص
ويقرب بركه من التيلفزيون ويفتح عيونه علي الاخر ويفضل يبص لغاية ما عينيه تحرقه عينه فيقول
يخرب بيت امك. مصارع تضعف النظر. بس ودين النبي
انت لو قدامي دلوقتي لانفخك
وفي الوقت دة يلاقي ايد كبيرة بتمسكة من قفاة فيصرخ ويقول
يا لهوي. خرج من التيلفزيون وهينفخني هو
ويبص وراء منه علشان يلاقي راجل اكبر من المحل بتاعه وفي ايدة عيل صغير شعره بايظ بسبب حلاقة بركة لي فقال الرجل دة بعصبية
ايه اللي انت عملته في الواد ده
بركة
ماله الواد
الرجل
انت عميت مش شايف انت عملت ايه
ويشاور علي شعر الطفل البايظ فيقول بركه بصوت عالي
بقول لك ايه مش عايز غلط شعر أبنك لسه في الزبالة عندي خده وامشى
الرجل بنرفزة
اخد ايه انت عبيط ها عمل ايه بشعر الواد بعد ما تحلق
بركه
ولم انت مش ها تعمل حاجه بشعر الواد جاي تعمل ايه
الرجل
انا جاي اخد الفلوس اللي خدتها من الواد خساره فيك مليم واحد منهم
بركه
فلوس ايه يا راجل انت. اسعى ياعم وشوف انت رايح فين
فيرفع الرجل بركة لفوق وهو بيقول بصوت يخوف
الكلام ده مش معايا انا هات الفلوس اللي انت خدتها من الواد احسن لك يا بركه
بركه خائفا
مالك كونفيتنشن كده الموضوع بسيط انا مستعد ارجع لابنك شعره مطرحه وبلاش زعلك ده. بس نزلني وحياة امك
نزل الرجل بركة وقال
انت اكيد مجنون شعر ايه اللى هاترجعه مطرحه انا عامل احترام لي ابوك. ماتخلنيش امد ايدى عليك
بركه
ياعم ده شغلى انا بقى. لان فى دلوقتى اجهزه جديده بترجع الشعر مطرحه
الرجل
طيب ورينى ها ترجع شعره مطرحه أزاى لما نشوف اخرتها
فيمسك بركه الواد. ويرمى على كرسي الحلاقة فيتوجع الواد فيزوم الرجل فيقول بركة خائفا
معلش وقع من أيدى غصب عني
ويمسك بركة اازباله ويطلع شعر ابيض ويقول للرجل
هو ده شعر ابنك يا حج
الرجل
والله صاحب العقل يميز العيل ده ها يبقى شعره ابيض كده
فيرجع بركه الشعر الى الزبالة ويخرج ريش فراخ ويضع الريش على راس الطفل ويقول
ايه رايك فى ده
الرجل
انت متخلف. الريش ده ها يبقى بتاع ابنى أزاي. واية اللي يجيب ريش في محل حلاقة
بركة
اصل النهاردة كتب كتاب ديك البرابر
ويضحك بركة فيبص له الرجل بقرف ويقول
انهي
فيرجع بركة الريش للزباله وهو بيقول
معاك حق برضو. الريش ده ما ينفعش مع الحيوان ده
الرجل بنرفزة
وبعدان بقى
فيرجع بركه الريش الى الزبالة ويخرج شعر الطفل ويقول
اهو هو ده شعر ابنك حتى الشعر في شبه منه
الرجل
ايوه هو ده وريني بقي هاترجعه ازاي
فيرجع بركه الزبالة الى مكانها ويمسك بشعر الطفل ويخرج من الدرج عنده المكوا الخاصة بلحام الاسلاك الكهربية ويحط المكوا على راس الطفل فيصرخ الطفل بسبب سخونة هذه المكوا ويتوجع ويقول
اه،،
فيقول الرجل مفزوع علي ابنه
الواد بيقول ال أه
بركه وهو يغني
تلاقى قلبه بيوجعه الواد بيقول ال اه
فيقاطعه الرجل غاضبا
انت ها تغنى الواد ماله هى البتاعه دى بتلسع ولا ايه
بركه
ولا أي تلسع ابنك هو اللي بيدلع حتى شوف
فيحط بركه المكوا على أيد الرجل فيصرخ الرجل ويقول
ده بيلسع
بركه
بيلسع ايه بس انشف كده وخليك راجل
فيرفع الرجل ابنه من على كرسي الحلاقة وهو يقول
انت متخلف. وباين عليك مش طبيعي
بركه
يعنى
