رواية امين حوتب الحلقة الثانية بقلم محمد منصور حصريه وجديده
المحتويات
أيه مش طبيعي. اكون سليكون مثلا
لكن الراجل ما يردش عليه ويقول لابنه وهو بيخرج من المحل.
اياك تيجي تحلق هنا تاني ويعوض علينا ربنا في الفلوس اللي خدها
بركه
قال عايز ياخد الفلوس قال ده انا ماصدقت ان في حد جه حلق عندي، ،،،
طبعا كل التخلف اللي كان بيحصل ده وانا برن علي بركة ومش عايز يرد وقولت بزهق
ما ترد يا بركه
صبحي
تلاقي عنده زباين كتير في المحل
امين
زباين ايه بلا وكسه ده انا ابوه اهو واخاف اروح احلق عنده
صبحي
هو بصراحه عليه ايد تتلف في حديد. اومال فتحت له ليه محل حلاقه
امين
عشان بيحب بنت بتحب حلاق فهو قرر انه يكون حلاق زيه
فيضحك صبحي ويقول
وربنا انتوا عليه وش
ضحكت بصراحة احنا فعلا عيلة وش لكن النسوان صوتهم انكتم لبة. فقولت
يادي المصيبه الحريم مالهمش صوت خالص باين عليهم خلصوا علي بعض
صبحي
ياريت. ده كده تبقي انت اللي كسبت
خرجت من الشقة وانا بقول
لما انزل اشوف الشقه ساكته ليه، ،،،،
ونزلت اشوف نسواني الاربعة ولقيت اخر منظر كنت ممكن اتخيلة. الاربع نسوان قاعدين جنب بعض و مشغلين فيديو للخناقه اللي دارت ببنهم علي الشاشه اللي في الصاله. وبيتفرجو علي الخناقه وهما بيضحكوا. هنا بقي كان لازم اخد موقف. وقولت بعصبية تليق علي شخصيتي.
هو في ايه يا ولاد المجنونه
ام بركات. وهي تضحك
صورنا الخناقه فيديو
امين
وليه عملته كده
ام بركات
عشان هنزل الفيديو ده علي اليوتيوب والتيك توك وبجيب لايكات كتير ونركب التيرنج ويبقي معانا فلوس زي كروان مشاكل
امين
يعني تكسروا الشقة وتشخرموا بعض وتفتحوا ادمغة بعض علشان فيديو هاينزل علي اليوتيوب انتوا مين اللي قالكم علي الفكره بنت الكلب دي
وخرج المتخلف التاني. من اوضة وهو ابني بركات. وقال
انا يا بابا ايه رايك اهو بساعدك في جواز بناتك
امين
انت. يا حبيب بابا. صاحب الفكرة المتخلفة دي
بركات
طالما قولت متخلفة تبقي عجبتك الفكره
امين باستهزاء
طبعا عجبتني وبفكر اننا نعمل فيديو تاني واحنا بنولع في الشقه ونزلها علي اليوتيوب والجو ساقعه كده عشان الناس تدفئه
بركات
طيب والله فكره حلوه. اروح اشتري جاز
وراح فعلا ناحية باب الشقة لكني مسكتة من قفا امه وقولت له
استني بس يا قلب ابوك من جوة. وفرجني انت صورتهم بايه
مد ايده في جيبة وطلع كاميرا ديجتال وقال
بالكاميرا دي
مسكت منه الكاميرا وفضلت ابص فيها وقولت له
جميله الكاميرا يا حبيب بابا تعالي بقي نخش انا وانت اوضك عشان هاعملك فيديو يجيب فلوس اكتر
بركات
فيديو ايه
زقيته جوة الاوضة وقولت له
هاصورك فيديو وانا بديك لبوسه. في السوسا
بركات
لا.
امين
خش يا ابن الكلب
وقفلت الباب وراء مني وبركات عمال يقول
لا بلاش اللبوسه ايدك تقيله
امين
هو انا هاديك اللبوسه بايدي ده انا هدي هالك برجلي
ولقيت نفسي بضربه شلوط محترم جه في منتصف الهدف صرخ زي الفار. وقال
ااااااه . خلاص حرمت بلاش اللبوسه خليها بسبوسه ،،،،،
شوفت الهنا اللي في. واتعرفتوا علي عيلتي. تعالو بقي احكي لكم اللي حصل بالليل لما روحت لعنوان المقبرة ،،،،
روحت للعنوان اللي خده من شادي وهو عنوان لبيت قديم وقدام البيت دة كانت واقفة عربية مرسيدس سودا وقاعد جوة منها عزام عزمي وجنب منه شادي ووقف جنب المرسيدس الفخيمة دي توتوك حقير انا اللي كنت سايقة
بصيت لشادي وقولت
استاذ شادي
شادي
ايه يا عم امين اللي اخرك كده
امين
التوك توك عطل بيا في الطريق
وبصيت للباشا اللي جنب منه وقولت
هو ده الباشا الوزير
بص لي بقلاطة تقولش ابن الحاج عوض طباخ الرئيس. لكن مش مهم المهم هو قال
ايوه انا عزام عزمي وزير السياحه السابق
نزلت من التوك توك ودخلت ايدي جوة المرسيدس يمكن اتعدي منها وقولت وانا بسلم عليه
تشرفت بمعرفه حضرتك يا عزام باشا مع اني اللي اعرفه انك باشا اه. بس مش وزير سابق ومش عزام
وسكت سيكا كدة. قال اية خطر بقي وجاي في أكشن ولما حسيت اني لازم اتكلم قولت
اسمك همام الباشا تاجر اثار جامد جدا وشغال تبع ملياردير افريقي اسمه زنجي وبتفتح المقبره دي من وراء طهره ولو عرف هيسلخ فخادك.
بص همام ل شادي اللي هو اصلا لي اسم تاني. وقولت
منور يا صالح يالي انت مش شادي. عموما الاسامي مش مهمه في شغلتنا دي المهم واللي لازم تعرفه
وبصيت لهمام
يا همام بيه انت لو لفيت مصر كلها ماحدش هايقدر يفتح المقبره دي ولو قدر مش هايقدر علي. هلاك حارس المقبره
همام
وانت بقي اللي هاتقتدر علي هلاك
امين ضاحكا
باذن الله هاقدر بس لازم تعرف ان دي مقبره
متابعة القراءة
