رواية امين حوتب الحلقة الثانية بقلم محمد منصور حصريه وجديده

الملك رع مون اللي كان بيدوس علي الرمله تتحول دهب

همام 
انت كمان عرفت ان دي مقبره رع مون. ده ما حدش يسمع عن الملك رع مون الا،،،،،،

امين مقاطعه له 
انا مش اي حد. انا امين حوتب وكل ده عرفته بمساعده من الخادم بتاعي 

همام 
باين علي الخادم بتاعك انه قادر ومتمكن

امين
انا الخادم بتاعي ملك من ملوك الجن الاحمر واسمه سفير 
والكلام دلوقتي ليكم انتم اجهزوا بقي علشان اعرفكم علي المتخلف التالت اللي في حياتي. سفير اللي ظهر لهم في صورة ثعبان اسود ضخم ولي 14 راس وفجاه يتحول الي انسان علي عجازين واقرع واوزعه. ودي صورته الحقيقية. الغريب ان همام وصالح مخافوش منه وهو ثعبان ب 14 راس. لكنهم خافو لما شافو في صورته الحقيقية واغمي عليهم فبص لهم سفير وقال
اصحابك دول قلبهم خفيف اوي

امين
ميت مرة اقول بلاش تظهر في صورتك الحقيقية.
وبصيت للعجازين وقولت
وكمان جاي لي مكسح 
 
سفير بمسكنه
اعمل ايه بس مش كنت بلعب كوره امبارح في مركز شباب الزومبه . وابو رجل مسلوخة دخل في رجلي كسرها

امين
مركز شباب الزومبه. الهي ربنا يرزقك بزومبه تدخل من دماغك تخرج من،،

سفير قاطعه وقال 
لا بلاش يا عم امين احنا ما بنهزرش مع بعض في المنطقة دي ما تبقاش نوتي 

امين بنرفزه 
بطل تقولي عم امين دي ده انت اكبر مني بالفين سنه وبعدين بقي اظبط حالك معايا احنا داخلين علي مقبره الحارس اللي عليها ما حدش قدر عليه

سفير 
ولا يهمك من اي حد يا عم امين 

امين 
بلاش عم امين دي. و اخلص يا سفير رش ميه خليهم يصحوا 

وسمع سفير الكلام وطلع مية من بوقة لكنه بخ وشي أنا لقيت نفسي بصرخ وبقول 

يا ابن الغبيه انت بترش ميه عليه انا 

سفير
اومال مين اللي عايز ميه

امين بعصبيه 
رش على الناس اللي شافو خلقتك ماتو. وبلاش ميه سخنه كده انا بقول لك فوقهم مش احرقهم

سفير 
يعنى عايزه ميه حنفيه 

امين 
اه ميه حنفيه مش ميه نعمل بيها شاي 
سفير
مية فاترة يعني
امين بزهق 
اة فاترة
سفير
فاترة ولا ناسية
امين بعصبية
اخلص. مش واقف انا من الخليل كوميدي
وبخ سفير مية علي وش همام وصالح. وفاقوا واول ما شافو خلقة سفير اغمي عليهم تاني فقال سفير
اية كهن البشر دة. دة الحمد لله اني جني
زهقت من همام وصالح اللي كل شوية يغموا عليهم ضربت كل واحد منهم قلم صحيوا وبصو لي وقال همام
ايه الرعب ده 

امين 
انا مش عايزكم تخافوا كده احنا لسه ما دخلناش المقبره دة انتو لسه ما شفتوش هلاك ويغمى عليكم 

صالح وهو بيبص لسفير

اية الخلقة الملخبطة دي 
سفير وهو مقموص
الله يسامحك. بتتريق عليه باذن الله يطلع لك في عيالك
صالح
انت وصلت ازاي ل سفير دة
امين 
انا وهو ما تربين مع بعض تقريبا لا بسنى. وجيت مقاسة من ساعتها بقينا زي التؤم الملتصق
سفير
اقول لهم كنت بتعمل اية وانت صغير
امين 
بس
سفير 
طيب فاكر يا عم امين لما كنت بشوفك وانت تستحمي وكنت ،،،،
امين بحدة ومقاطعه له.
قولت بس. واخلص ودخلنا المقبرة
فيروح سفير ويقف قدام باب البيت وهو طبعا علي العجاز ووقف لكام ثانية وقال
البيت دة تحت منه مقبرة
امين 
اومال انا جيبك لية تركب لنا ستاير
ولقيت نفسي بحدفة بطوبة في رجلة فصرخ واتوجع وقال
جت في التعويرة. دة انا ما صدقت انها عملت قشرة سوداء
وبص لينا وقال
استنوا النهاردة فيلم السهرة التعويرة بطولة محمود ياسين و يسرا.
روحت مسكتة من قفاة وقولت
قسما برب العزة. لو قولت اي كوميديا تاني هولع فيك
سفير
النار ما بتحرقش جني
ضربته وانا بقول
تاني كوميديا. اخلص
سفير
يا عم امين بحب اضحك. الضحك حلو اوي لعضلة القلب تعرف القلب البوليسي اللي بيهوهو
فضلت اضرب في وهو بيصرخ زي العرسة وقال
خلاص ورحمة امك سعاد خانو
امين
سعاد خانو دي تبقي امك دخلنا المقبرة من غير اي كوميديا
سفير وهو بيرفع ايدة لفوق
طيب يلا كلنا نقول
الحنكلولو في البربورو.
بصيت له بغل ولس هضرب لحق نفسه وقال
دي شفرة فتح المقبرة
بصت ل همام وصالح وقولت. 
خلينا وراء للاخر. وكلنا نقول زي مقال
وفعلا كلنا قولنا الهطل اللي هو قالو
الحنكلولو في البربورو
بص سفير لينا وقال
رجاله كبيرة و مهزقة. في حد يقول اللي انتو قولتو دة طيب انا تافه انتم اية
ولسة هضربة لقيته دخلنا المقبرة وبدخولنا المقبرة تبدأ حكاية تانية خالص. 
اشوفكم امباراح. سلام.