الحلقة الثانية ضرتي من الجن من تاليفي، محمد منصور. منص

الحلقة الثانية ضرتي من الجن من تاليفي، ، محمد منصور. منص 
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم

ومن قدام بيت سلامه يقف سيد اخوه سلامه قلقان علي اخوه اللي اختفي مره واحده من حنته وكل المعازيم بتسال عليه وفجاة يقف قدام منه ميدو ابنه ويقول له
ماشوفتش عمك سلامه
ميدو
لا. 
سيد وهو بيسال نفسه
راح فين ده بس
ميدو
طيب ما ترن عليه يا بابا
سيد
رنيت 100 مره موبيله مقفول
في الوقت دة تقف نعيمه مراته جنب منه وتقول
ممكن مات وساعتها تبقي المشكله اتحلت وناخد الشقة
فيبص لها سيد بقرف ويقول
ليه بس الفال ده يا عم الحانوتي
فتغضب نعيمه وتقول
انا حانوتي يا سيد
سيد
ماحدش بيتمني موت الناس اللي الحانوتيه
فتبص نعيمه لميدو ابنها وتقول بدلع
سامع ابوك بيقول عليه ايه
ميدو وهو بيبوس أيدها وبيقول بسهوكة
لا مالكش حق يا بابا في حد يقول علي العسل والسكر والمربي دي. حانوتي
نعيمه
قول له. يا ميدو. انا مش عارفه ليه ابوك ماطلعش ليك موز كده ولسانه بينقط سكر
ميدو وهو لسة بيبوس أيدها ببقول
غلطان اللي مايعرفش قيمه القمر اللي زيك واللي يبعد عن نور القمر يفضل طول حياته عايش في الطلمه
فيبص لهم سيد والمرارة قربت تنفقع ونعيمه تقول
القمر ده انا شوفته في عيونك يا حبيب قلبي
ميدو
قلبي بيدق بحروف اسمك
هنا بقي ما قدرش يستحمل سيد. وضرب ميدو بالقلم علي قفاه وهو يقول بعصبيه
ماكفايه فقع يا ابن الممحونه
فيتوجع ميدو ويستخبي في حضن امه وسيد بيحاول يضربه. تاني ونعيمه بتحوشة وسيد يقول
في ايه يالا. اطلقها وتتجوزها انت
نعيمه
مالك يا سيد عصبي ليه كده
سيد بعصبيه
مالي ايه وزفت ايه. انتي امه ولا عشيقته. وبعدين تعالي هنا قمر ايه اللي شوفته فعيونها. دي حوله
نعيمه
انت علي طول كده كارهني انا وابنك
سيد بنرفزه
انا ما بحبش المحن ده خلي الواد ينشف شويه. انا لولا عارف ومتاكد انه ابني كنت قولت انه شقطك
نعيمه
شقطني لا. بقي انت كده خلاص اتجننت رسمي
وتاخذ نعيمة ابنها وتمشي وهي بتقول لميدو
اوعي تكون زعلت من بابا
فيبص لها ميدو ويقول
انا عمري ما ازعل وانا في حضنك. سمعتي اخر نكته. بيقول لك فكهاني دخل بيت الرعب مات من الخوخ
فتضحك نعيمه ضحكه رقيعه فيبص لهم سيد بغيظ شديد ويقول بعصبية
بايخ زي اللي خلفتك
وتدخل نعيمة الحنة وميدو يسقف لها وهي ترقص فيقول سيد بضيق
ايه. ده الراقصه والطبال.
ويرجع يبص تاني علي اول الطريق يمكن يشوف سلامه ويقول لنفسه
ياتري انت فين يا سلامه، ،،، 
ومن جوة شقه طشطوشي يقعد سلامه وطشطوشي وقدام منهم في اخر الاوضة تقعد سارة عماله بتولع في سجاير وبتاكلها فيقول طشطوشي
بتاكل السجاير ازاي كدة مش المفروض تحط كاتشب
فيضربة سلامه علي دماغه وهو بيقول
كاتشب اية بس. ركز معايا وحلها يا فالح. الهانم عايزا تكون مراتي لمده سنتين. وبعد كده تسيبني. ولو قولت لا ها تحرق كل اللي اعرفهم بما فيهم انت
طشطوشي
انا اتحرق لا. بعدين اتلسع
سلامه غاضبا
والله. صدق فعلا لو حرقتك ممكن تتلسع. انا بضيع وقتي بالكلام معاك
ويبص سلامه لسارة التي بدات تاكل صوابع ايدها وكل ما تاكل صباع يطلع لها غيره فيقول لها
معلش ممكن تبطلي تاكلي في نفسك وتتجوزي اللي حضرك
مديت ايدها لي وقالت
تاكل صوبع
سلامه 
هو صوبع محشي علشان خاطر الدنيا اللي حضرك طشطوشي اتجوزي هو وسايبني امشي انا
سارة وهي تمضغ صباعها وتنظر لي طشطوشي قالت
بذمتك لو ليك اخت تجوزها واحد الشورط بتاعه مشجر ومقطوع من عند ، ،،،
فيحط طشطوشي أيده. وراء مكان القطع ويقول
بلاش فضايح الناس بتقرأ القصه مش لازم يعرفو القطع فين
سلامه وهو بيبص لطشطوشي يقول
بصراحه يبقي حرام عليه
سارة
يبقي خلاص
سلامه
خلاص ايه
وتختفي سارة وتظهر جنب سلامه وتحط أيدها في أيده وهي لابسة فستان ابيض و تقول
انا مراتك
سلامه
بس
سارة وهي تلف شعرها حولين منه
مافيش بس. انا خلاص لبست فستان الفرح ولو اتقلع من غير جواز هايطير فيها كذه رقبه. وصدقني هاتنبسط معايا وهاتحبني اكتر من اخت الخرتيت ده
وتبص لطشطوشي. فيضحك طشطوشي ويقول
الحمد لله. الكلام مش عليه
سلامه وهو بيبص لجسمها اللي جسم عيلة في ابتدائي ويقول
بس انتي عيله
سارة
كل ست جوه منها عيله صغيره محتاجه اللي يخاف عليها ويدلعها
سلامه
ايوه بس انا عشان اتجوزك انتي لازم تكوني ست مكتمله النمو والاعضاء. علشان ينفع يكون في جواز
ويرجع يبص سلامه لطشطوشي ويقول
انت محضرها دي. ولا منزلها من علي موقع جهنم كيدز
فتضحك سارة وتقول
أه. فهمتك انت تقصد الجواز اللي هو تيكا علي العالي وتيكا علي الواطي
سلامه بدهشه
هو انتم عندكم الجواز اسمه تيكا علي العالي وتيكا علي الواطي
سارة
اه. 
سلامه
انا صح. انتي هربانه من جهنم كيدز
سارة
انا ابان عيله صغننه. لكن انا عندي 1500 سنه علي فكره. لكني ما بكبرش لغايه ماموت هافضل كده. لكن ساعه التيكا علي العالي والتيكا علي الواطي. انا هاجي لك في الصوره اللي انت عايزها. وكل ما انبسط هتلاقي فلوس في جيبك مالهاش عدد
طشطوشي
طيب وانا
سارة
انت تسكت