الحلقة الثانية ضرتي من الجن من تاليفي، محمد منصور. منص

خالص
طشطوشي
طيب اديني حتي حق الحاجات اللي حضرتك بيهم
سارة بعصبيه 
اسكت. صوتك رخم
وتقول سارة لسلامه
وعلشان اثبت لك حط ايدك في جيبك هتلاقي 1000 ج.
فيحط سلامه ايده في جيبه ويلاقي فعلا الفلوس اللي قالت عليها سارة فيفرح جدا ويبص طشطوشي للفلوس بحسره شديده ويقول طشطوشي
هو كل ليله بعد ما هيكون معاكي هلايقي المبلغ ده.
سارة
طول ما انا مبسوطه هتلاقي معاك فلوس انما لو زعلتني او اي حاجه اطلبها منك تقولي عليها. لا. هاخد منك ضعف اللي انا اديته ليك. قولت ايه. جاهز تخش في حضن الجنيه العاشقه
فيقف طشطوشي ويروح ناحيتها وهو يستعد للدخول في حضنها ويقول
طبعا جاهز
سارة وهي تبعد عنه
انت لا. ريحتك عرق. دة انت رفعت ايدك بس ساعه التعويذة جالي ربو. يا معفن دة انت اول بني ادم اشوف تحت باطة عفونه خضراء
فيشم طشطوشي نفسه اللي في نفس الوقت تفتح سارة ذراعتها لسلامه وهي تقول
انا بتكلم عن حبيبي سلامه
فيبص سلامه للفلوس اللي في ايده و يترمي في حضنها. ويقول
يا حبيبتي يا بنتي. 
وبعدها يبص لطشطوشي وهو في حضن سارة و يعد الفلوس قدامه وهو بيغيظه وطشطوشي يبص للفلوس وهو ببعيط ويقول
طيب هات. حتي حق شوربه الكوارع اللي انا حضرتها بيها
ولكن سلامه يضحك ولايرد عليه فيتف طشطوشي عليها وهو مخنوق فيقول له سلامه ببرود
ماتبقاش معفن ولما تيجي تتف حط ايدك علي بوقك ولو عندك اخضر كتير تحت باطك اعمل بوظا واشربها ما هي بتتعمل من العيش المعفن ،،،،،،
وجت ليله فرح سلامة وسلامه بيرقص مع اصحابه وبيرقص مع اخوة سيد الذي كان فرحان جدا. اللي في نفس الوقت. تقعد نعيمة واختها وجنبهم ميدو علي تربيزة وتقول نعيمة
عقبال فرحك يا ميدو
فيمسك ميدو ايديها ويقول
انا مش هاتجوز الا واحده شبهك
نعيمة
حبيب ماما. انت 
فتميل اخت نعيمة علي ودن نعيمة وتقول
بس عامل لها فرح حلو مع انها مش بنت بنوت
نعيمة
اة. يا ختي صارف ومكلف بس مافيش فرح في العيلة دي هايكون احسن من فرح ميدو ابني
اخت نعيمة
طبعا. هو احنا عندنا كام ميدو. ،، 
ومن عند الكوشة يجيب طشطوشي كرسي خشب ويقعد جنب سلامه فيبص له سلامه باستغراب ويقول
انت قاعد جنبي لية كدة احنا في قهوة
طشطوشي
علشان اشوف الدخلة كويس
سلامة بضيق
هو انا هاعمل الدخلة فوق الكوشة. قوم من جنبي
طشطوشي
باعم ما تركزش معايا وقولي. فين سارة. مش باينه في الفرح
فيبص سلامه في كل حتة في الفرح ويقول
هتلاقيها هنا ولا هنا. هاتروح فين يعني دي هاتلزق لي سنتين بحالهم. ربنا ياخدك انت اللي لابستني فيها
طشطوشي
لابستك. بكرة تدعيلي علي الخدمه اللي جيت اعملها ليا جت فيك انت
سلامه
طيب بس كفايه كلام. لاختك سعده تاخد بالها
ويبص جنب منه لسعدة العروسة فيلاقي سارة لبسة فستان الفرح بتاع سعدة فيتصدم سلامه وطشطوشي ويقول سلامة
فين سعدة
سارة
اختي حامل في شهرها الاخير. وطالعة الساحل مع جوزها سي عبمنعم اللي شغال في البترول. والحمل مبوظ شكلها. ومش مخليها حلوة في المايوة الاسلامي. روحت واخدة العيل من بطن اختي حطيتة في بطن سعدة لغاية ما اختي ترجع بس من الساحل.
فيلطم سلامه. ويبص لطشطوشي ويقع من فوق الكوشة مغمي عليه، ،،،،،،،،
ولغاية هنا وخلصت حلقة النهاردة اللي يارب تكون عجبتكم. سلام