الحلقة الثالثة ضرتي من الجن من تاليفي محمد منصور

الحلقة الثالثة ضرتي من الجن من تاليفي، ، محمد منصور منص 
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ويبص سلامه جنب منه لسعدة العروسة فيلاقي سارة لبسة فستان الفرح بتاع سعدة فيتصدم سلامه وطشطوشي ويقول سلامة
فين سعدة
سارة
اختي حامل في شهرها الاخير. وطالعة الساحل مع جوزها سي عبمنعم اللي شغال في البترول. والحمل مبوظ شكلها. ومش مخليها حلوة في المايوة الاسلامي. روحت واخدة العيل من بطن اختي حطيتة في بطن سعدة لغاية ما اختي ترجع بس من الساحل.
فيلطم سلامه. ويبص لطشطوشي ويقع من فوق الكوشة مغمي عليه فترجعه سارة مكانه وتفوقة وهي بتقول
انا بهزر معاك يا سلامه
سلامه 
طيب فين سعده
سارة
في الحمام
طشطوشي
بتعمل ايه في الحمام. 
سارة
اسكت انت صوتك رخم
طشطوشي
هو انتي ليه كده علي طول بتكبسيني. ده انا اللي حضرتك يا جذمه
سارة
عشان المفروض ان النهارده فرحي علي سلامه واختك قاعدة في الكوشه مش عايزا تقوم وتقعدني مطرحها شويه. فرميت لها حبه امساك في معدتها فهي قاعده في الحمام من ساعتها مستنيا الطريق يمشي
وتضحك سارة ضحكه غريبه وفي هذة اللحظة يقف قدام منهم الرجل اللي بيصور الفيديو والغريب ان سارة طالعه في الفيديو بصوره سعده وكل اللي في الفرح شايفين انها سعده يعني اللي شايف سارة علي حقيقتها هما اتنين بس سلامه وطشطوشي. وفجاة تعيط سارة فيقول لها سلامه
مالك بتعيطي ليه
سارة
كان نفسي الواطي ابن الخسيس يكون معايا دلوقتي
سلامه باستغراب 
مين الواطي ابن الخسيس ده
سارة
بابا
فيضحك طشطوشي وسلامه فتبص لهم سارة بضيق شديد وتقول
انتو بتضحكو علي اسم بابا
سلامه
يعني لما يكون ده اسمه انتو بتشتموا تقولو ايه
فيضحك سلامه وهو بيبص لطشطوشي فتضايق سارة اكتر واكتر. وتقول
كدة. انا مش مبسوطه والاف اللي خدها مني هاترجع الفين
فيتوقف سلامه عن الضحك ويقول لها
نعم.
سارة
احنا متفقين انبسط اديك فلوس اضايق. هاخد ضعف اللي انت خده
سلامه
لا. مش لاعب
سارة
ماينفعش ترجع انا خلاص مراتك وانت قبلت تلعب كمل بقي للاخر
فيضحك طشطوشي اكتر واكتر فيبص له سلامه بغيظ ويتف عليه فيضحك طشطوشي ويقول ساخرا
ماتبقاش معفن ولما تيجي تتف حط ايدك علي بوقك
وفي الوقت دة تدخل سعدة للقاعه وهي لابسة كلسون رجالي ومبلوله وكانت بتعيط سعدة وبتقول
الحقني يا سلامه
فيروح ناحيتها سلامه ويبص لها طشطوشي ويقول وهو مخضوض 
اختي حبيبتي
وبعد ما يقف يقعد تاني وهو بيقول
لسه هامشي ده كله. ابقي اطمئن عليها بالتيلفون
وساعتها كان سلامه قدام سعده وكل اللي في الفرح بيبصو عليها وبسبب الميه المكياج راح من علي وشها والكحل ساح وبقي شكلها يخوف فقال سلامه وهو خايف
هي سارة عزمت حد من قرايبها ولا ايه 
سعده
عجبك اللي حصل فيه ده يا سلامه
سلامه
انت تعرفني يا عم
سعده 
انا مراتك سعده
سلامه لنفسه. 
هو ده شكلك من غير مكياج.
ويبص لطشطوشي ويقول 
يا ابن الكلب يا طشطوشي. مجوزني ابن عمك 
سعده.
يا سلامه. عجبك اللي حصل ده انت مابتردش عليه ليه
سلامه
مين طيب اللي عمل فيك كده
سعده بعصبيه
كنت بعمل حمام وبعد ما خلصت جيت افتح الشطافه لقيت الميه بتاعت الشطافه بتنزل من السقف
فيقول سلامه لنفسه
عملتها سارة
ويبص سلامه ناحيه الكوشه فيلاقيها فاضية فيرجع سلامه يبص لسعدة وللكلسون اللي هي لابسة ويقول
وبتاع مين الكلسون دة
سعدة
بتاعي
سلامه
هو انا اتجوزت المعلم مختار كرشة.
في الوقت دة يميل سيد علي سلامه ويقول له في ودانه
هي دي سعده ولا سعد
سلامه
شكلها طلعت سعد. بس لما اروح البيت هتاكد واقول لك
سيد
انت لسه هتكمل في الجوازه دي. مراتك راجل وحالق شنبه
سلامه
اعمل ايه بس. خلاص لبستها
سعده بعصبيه
سلامه. انت هاتفضل سايبني كده وبتتكلم مع اخوك
فيبص لها سلامه ويقول
طيب اعمل ايه طيب
ويقف الرجل الذي بيصور الفيديو قدام سعده بالكاميرا وهو بيصورها فيضربه سلامه بالشلوط ويقول
بتصور ايه . مش ناقصه امك 
ثم يقول لسيد
خليهم ينزلو بالزفه خليني اخد الفضيحه دي وامشي،،، 
وخلص الفرح وروح كل الناس واتقفل باب الشقه علي سلامه وسعده. وغيروا الاتنين هدومهم وسعده بصيت لسلامه وقال سلامه. لها
ان كنت قدري فربنا ياخدك. وان كنت انا قدرك فبرضو ربنا ياخدك. بس اعمل أيه مراتي. ولازم احبك واتجوزك
سعده
بحبك يا سلامه
وتقترب منه سعده فيقول لها سلامه وهو مش مستوعب شكلها.
طيب قبل اي حاجه انا اسمع اننا لازم نصلي في بدايه حياتنا. فأيه رايك نتوضاء ونصلي صلاة الجنازه
سعده. باستغراب
صلاة ايه.
سلامه
صلاة الجوازه
ويصلو سوي ركعتين ويبص لها ويمسك أيدها ويقول
تعرفي انك برضو ست ولو شكلك ايه. مش مهم المهم اني اتجوزت ولما النور ينطفي كلنا هانبقي شبه بعض
ويقترب منها فتقف سارة قدام منه وتقول له
والله عال. ده كلام الناس طلع صح بقي، غيرت وناوي تلعب تيكا علي العالي وتيكا علي الواطي
سلامه باستغراب
كلام الناس ايه. دي مراتي ولازم ادخل عليها والا كلام الناس هايبقي اكتر 
سارة
مش لما تدخل عليه انا الاول
وتبص سارة لسعده وتقول لها
نام انت يا سعيد
سلامه باستغراب
سعيد مين. اسمها سعده
سارة
مش باين. عليها انها ست عملت لها كشف نتاية
سلامة بص ل سعده اللي نامت وهي واقفة وقال
ما انا كنت لسة هعمل لها كشف نتاية لكن انتي ظهرتي يا بنت المؤذية
تقرب سارة من سلامه وتقول. له بدلع
سيبك بقي من الغم دة وقولي تحب تقضي ليله دخلتك مع مين
فيهرش سلامه في قرعته ويقول
صافيناز.
 
فتلف سارة حولين نفسها وتتحول الي صافيناز فيبص لها سلامه برغبه شديدة. ويقرب