أراكِ_وطني الجزء_الأول بقلم_فتاة_من_ورق
هناء : حبيبي بتسمحلي بكرا روح عالسوق انا و رفيقتي سمية ؟
وائل : اي حبيبتي روحي بس ديري بالك عحالك ، بتحبي وصلك ؟
هناء : لا لا مافي داعي سمية معها سيارة .
وائل : تمام ، يمكن بكرا اتأخر بالمكتب تغدي انتي و سمية .
هناء : الله يرزقك و يقويك .
وائل : امين .
هناء : شبعت ؟
وائل : اي الحمدلله .
هناء : بتحب اعملك قهوة ؟
وائل : لا حبيبتي بدي نام .
هناء : متل ما بدك .
_________________________________________________
#بقلم_فتاة_من_ورق
( في دمشق )
**بصباح اليوم التاني**
ديانا : مايا مايااا ميووووش .
مايا : اي اي شبك .
ديانا : يلا اصحي الساعة 5 ونص .
مايا : 5 ونص الصبح !!!
ديانا : اي الصبح لكن العصر .
مايا : لك انتي مجنونة شي لسا الديك ما صحي وانتي عم تصحيني لو الي خبر بدك تصحيني بهالوقت ما كنت سمحتلك تنامي عندي .
ديانا : انا نايمة ببيت عمي مو عندك ، يلا قومي صحصحي مشان نجهز حالنا .
مايا : بدنا نجهز حالنا من هلأ و دوامنا بيبلش عالساعة 9 .
ديانا : ايييي يلا قومي ميووووش .
مايا : الله يصبرني انتي هيك و اكبر مني بشهرين كيف لو كنت انا الاكبر .
ديانا : جهزتلك اطيب كاسة نسكافيه .
مايا : يسلمو ايديكي والله لولا النسكافيه ما كنت غفرتلك هالذنب .
ديانا : أيا ذنب ؟
مايا : ذنب انك صحيتيني بهالوقت .
ديانا : ميوش بدي اعترفلك اعتراف .
مايا : اعترفي دنو.
ديانا : من حماسي و فرحتي ما نمت .
مايا : هههههه والله مجنونة .
#بقلم_فتاة_من_ورق
*جهزنا حالنا انا و مايا و رحنا عالكلية .. بكل خطوة عم اخطيها لتحقيق حلمي كنت عم حس بسعادة ما بتنوصف .. دخلنا على اول محاضرة بتفاؤل ....
الدكتور جهاد : السلام عليكم .
الطلاب : وعليكم السلام .
جهاد : تفضلو ارتاحو يعطيكن العافية ، انا الدكتور جهاد يلي رح اعطيكن اغلب المواد بتخصصكن المميز .
ديانا : دكتور ممكن تشرحلنا عن التخصص بشكل عام ؟
جهاد : اي اكيد .
مايا : الله لا يوفقك لسا هلأ فتي عالكلية بلشتي تحكي كأنو الك سنين .
ديانا : هسس سمعينا .
جهاد : بالنسبة لتخصصكن اول شي لازم تعرفوه انو هالتخصص مدتو 4 سنين قسم عملي و قسم نظري و طبعا العملي نصيبو اكبر ...
_________________________________________________
#بقلم_فتاة_من_ورق
( في بيروت )
هناء : اي سمية وينك ؟
سمية : لساتني بالبيت .
هناء : انا طلعت من البيت و واقفة تحت عم استناكي .
سمية : يلا ثواني و بكون عندك .
هناء : لا لا كل يلي بيناتنا شارعين وانا حابة امشي شوي ، رح اجي لعندك مشي .
سمية : اوكي ناطرتك .
هناء : باي .
سمية : باي .
*مشيت و صرت اتأمل الشارع .. اغلب الناس هلأ رايحة على اشغالها لهيك كان في عجقة .. وقفت انطر الاشارة لتصير حمرا مشان اقطع الشارع لانو السيارات مسرعة كتير .. وقفت جنبي مرة ماسكة ايد ولد عمرو 3 سنين .
هناء : الله يحميه .
ولاء : الله يسلمك .
هناء : شو اسمو ؟
ولاء : اسمو كريم ، وانتي ؟
هناء : حبيبي الله يحميك يا كريم ، انا هناء .
ولاء : اهلا و سهلا .
*بعد ثواني ترك كريم ايد امو و ركض باتجاه السيارات بسرعة ..
ولاء : ابنيييي .
هناء : كريييم .
*ركضنا انا و ام كريم ورا كريم من خوفنا عليه .. انا ما قدرت سيطر على حالي وضل واقفة مكاني وهالطفل ركض هيك باتجاه السيارات السريعة و بلحظة سريعة ...
يتبع
بقلم_فتاة_من_ورق
