صراع الكبرياء الجزء الاول والثاني والثالث والرابع والخامس

صراع الكبرياء الجزء الاول والثاني والثالث والرابع والخامس 
بقلم سماح وجدي حصريه وجديده 
مشهد القلم
كان اللوكيشن مقلوب، الكل بيجري، المخرج بيزعق، والاضاءة سخنة مولعة المكان.
كانت مسك مركزة في شغلها، بتحط اللمسات الأخيرة للممثلة اللي قدامها، ايديها ثابتة رغم الدوشة، وعيونها كلها تركيز.. ميكاب أرتيست شاطرة أوي، وده اللي مخليهم يطلبوها بالاسم في كل الأفلام.
وفجأة سمعت صوته من وراها.
انتي اللي هتعمليلي الميكاب؟
لفت.. لقيته واقف، جاسر نصار، نجم الصف الأول، اللي كل البنات هتموت عليه، واقف بتيشيرت أسود ونضارة مرفوعة على شعره وبصته كلها غرور.
مسك مردتش، رجعت تكمل شغلها.
قرب خطوة، وبص لشغلها باستهتار وقال بصوت واطي سمعه كل اللي حواليه
شغل عادي يعني.. كنت فاكر هيجيبوا حد أشطر من كده
الممثلة اتحرجت، ومسك ايديها وقفت.
رفعت عينها فيه، عينها كانت بتلمع من الغضب، مش من الانبهار زي باقي البنات.
قالتله بهدوء الشغل العادي ده هو اللي هيخلي شكلك بني آدم على الكاميرا، يا أستاذ جاسر
الكل سكت.
جاسر اتصدم، محدش بيكلمه كده، قرب منها أكتر وقال ببرود
انتي عارفة انتي بتكلمي مين؟
مسك سابت الفرشة من ايديها وقالت عارفة.. واحد فاكر نفسه فوق الكل عشان كام فيلم
في اللحظة دي هو مد ايده مسك دراعها جامد وقال اتكلمي عدل
مسك من غير تفكير، من وجع مسكة ايده ومن كبريائها اللي اتجرح، رفعت ايدها التانية و...
باااااام!
قلم نزل على وشه خلى اللوكيشن كله يسكت، حتى صوت الكاميرات سكت.
مسك بتعيط من الغضب وبتترعش وقالت ايدك متتمدش عليا تاني، انت فاهم؟
جاسر كان واقف ومصدوم، خده أحمر، وعينه.. عينه لأول مرة مكنتش غضب بس، كان فيها انبهار.. انبهار ببنت أول مرة ترفضه وتضربه قدام الناس كلها.
بص لها نظرة تخوف وضحك ضحكة باردة وقال بصوت سمعه الكل
القلم ده غالي أوي يا ميكاب أرتيست.. وهردهولك، بس بطريقه تانيه خالص
الجزء الثاني بعد القلم
مسك مشيت من اللوكيشن وهي بتجري وقلبها هيقف من الخوف، ايديها بتترعش ومش مصدقة انها ضربت جاسر نصار بالقلم قدام كل الناس.
كانت زعلانة وخايفة ومش عارفة تعمل ايه، أول حاجة جت في بالها صاحبتها سارة.
اتصلت بيها وهي بتعيط
ألو يا سارة أنا عملت مصيبة.. أنا ضربت جاسر نصار بالقلم!
يالهوي! انتي اتجننتي يا مسك؟ بقولك ايه ربنا يسترها.. جاسر ده مش سهل خالص ده يوديكي في داهية بكلمة، ليه عملتي كده؟
غلط فيا ومسك ايدي جامد، مقدرتش أسكت.
قفلت معاها وهي مش عارفة تروح فين، راحت على بيت عمتها كريمة.
كريمة ست طيبة وجميلة، هي اللي مربياها وعارفة انها ملهاش غيرها. فتحت الباب واتخضت لما شافتها
مسك! مالك يا بنتي وشك أصفر كده ليه؟
مسك حكتلها كل اللي حصل. كريمة سمعتها وخوفها بان عليها، مسكت وشها بحنية وقالت
يا مسكينة يا بنتي أنا خايفة عليكي أوي، انتي يا حبيبتي غلبانة وده واحد واصل..
مسك بدموع طب أعمل ايه يا عمتو كريمة؟ هو اللي تجاوز احترامه كله ومسكني غصب عني، أسيبه؟
كريمة لسه هترد عليها وتقوم تجيبلها ماية تهديها، فجأة داخت وحطت ايدها على قلبها ووقعت على الأرض!
عمتو كريمة! لا يا عمتو ردي عليا!
مسك صرخت وبقت تهز فيها وايديها بتترعش ومش عارفة تتصرف.
في الناحية التانية.. فيلا جاسر نصار
جاسر روح الفيلا بتاعته وهو وشه لسه أحمر من القلم، متضايق وبيغلي من جواه. طول عمره البنات بتجري وراه وأول مرة بنت تضربه وترفضه.
دخل رمى الجاكيت على الأرض وقال بصوت عالي بقى حتة بتاعة ميكب تعمل فيا أنا كده؟ والله لاخليكي تندمي يا مسك.
سمعت صوته أمه ثريا، ست طيبة وكويسة جداً وراقية وكل الناس بتحبها، نزلت جري
في ايه يا جاسر يا حبيبي؟ مالك متعصب كده ليه؟
مفيش حاجة يا ماما ثريا.
في اللحظة دي دخل أخوه الكبير طارق أخوه ده طيب جداً وحنين وعكس جاسر تماماً.
اهدى يا جاسر، ايه اللي حصل في التصوير؟
وراه دخلت مراته علياء، هي بقى الحرباية بتاعة العيلة، بتحب تولع الدنيا وتغير من أي بنت تيجي سيرتها جنب جاسر.
قالت وهي بتضحك بخبث آه باين أوي.. شكله واخد قلم حلو، قولي بقى يا جاسر مين المز ه اللي قدرت تعمل فيك كده؟
جاسر بص لها بحدة وقال واحدة اسمها مسك.. فاكرة نفسها حاجة، بس أنا هوريها مقامها.
ثريا قلبها الطيب حس ان في حاجة غلط، وقالت بقلق بنت؟ انت زعلت بنت يا جاسر؟
جاسر مردش وطلع أوضته وقفل الباب، وهو في دماغه خطة واحدة بس.. ازاي ينتقم من مسك ويكسر كبريائها زي ما كسرت كبريائه.
يا ترى عمتو كريمة هيحصلها ايه ومسك هتلحقها ازاي؟ وجاسر ناوي يعمل ايه في مسك لما يعرف انها ضعيفة ولوحدها؟
الجزء الثالث نقطة الضعف
بقلم سماح وجدي
عمتي! لا يا عمتو ردي عليا!
كريمة وقعت على الأرض وايدها على قلبها ووشها اصفر، مسك جريت عليها واترمت جنبها، بتهزها وايدها بتترعش وقلبها هيقف.
عقلها اتشل، أول اسم جه في بالها سارة.
اتصلت بيها وهي بتصرخ والكلام بيطلع بالعافية
ألو يا سارة.. عمتي.. عمتي بتقع مني تعالي بسرعة انا بموت!
سارة سابت كل حاجة وجت جري، وفي نفس اللحظة مسك كلمت الإسعاف وصوتها كله عياط.
الإسعاف شال كريمة ومسك ركبت جنبها، ماسكة ايديها طول الطريق وبتكلمها وهي مش سامعاها
متسيبينيش يا عمتو انتي كل اللي ليا في الدنيا، قومي عشان خاطري.
سارة كانت وراها بتعيط معاها وماسكة