صراع الكبرياء الجزء الاول والثاني والثالث والرابع والخامس

وقعت على ركبها تصرخ
موافقة.. موافقة يا جاسر هتجوزك! بس انقذها!
جاسر لف ببطء وابتسامة انتصار شيطانية على وشه
حلو أوي.. حلو أوي يا مسك.
في أقل من نص ساعة.. إسعاف خاص نقل كريمة على مستشفى السلام الدولي، وسامح اتصل بالمأذون.
وكتب الكتاب اتكتب في أوضة المستشفى.. مسك بفستانها البسيط وعينيها وارمة.. وجاسر ببدلته السودة.. وهي بتقول موافقة وصوتها بيترعش.
وبعد ما مضت.. جاسر وطى عليها وقال في ودنها بصوت واطي محدش سامعه غيرها
مبروك يا مدام.. بس عشان تبقي فاهمة من أولها.. انتي مراتي قدام الناس.. انما بيني وبينك.. انتي الخدامة الخصوصية بتاعتي.. اللي هتعمليلي الميكب، وتشيلي شنطتي، وتاخدي بالك مني 24 ساعة.. فاهمة؟
مسك هزت راسها وهي بتعيط.. كانت باعت كبريائها خلاص.
جاسر مسك إيدها وخرجها من المستشفى وركبها عربيته.. وطلع بيها على الفيلا.
أول ما دخلوا الفيلا.. كانت ثريا هانم مامته واقفة في الصالون، وطارق أخوه قاعد.
عفاف بصت لمسك من فوق لتحت وقالت
مين دي يا جاسر؟
جاسر قال
أعرفكم.. مسك.. مراتي.. كتبنا الكتاب النهاردة.. ومن النهاردة هتعيش معانا هنا.
يا ترى ثريا هانم هتعمل ايه لما تعرف إن ابنها اتجوز فجأة؟ وطارق موقفه ايه من مسك ولا زي أخوه؟ وجاسر هينفذ تهديده ويخليها خدامة خصوصية من أول ليلة؟
رواية رؤية مسك صراع الكبرياء
الجزء الخامس دخول بيت جاسر نصار
بقلم سماح وجدي
أول ما دخلوا الفيلا، الصالون كان مليان.
ثريا هانم قاعدة على الكنبة، وطارق واقف جنب الشباك، وعلياء.. علياء قاعدة لابسة فستان قصير وحاطة رجل على رجل كأنها صاحبة البيت.
أول ما شافت مسك داخلة ورا جاسر وعينيها وارمة وهدومها مبهدلة، ابتسمت ابتسامة صفرا وقامت وقفت.
ثريا قامت مخضوضة مين دي يا جاسر؟
جاسر شد مسك من دراعها لقدام كأنه بيقدم حاجة اشتراها، وبص لهم ببرود وقرف
أعرفكم.. دي مسك. مراتي. كتبنا الكتاب النهاردة في المستشفى.
الجملة نزلت زي الصاعقة.
علياء شهقت مراتك؟!
جاسر كمل كلامه وهو بيبص لمسك من فوق لتحت بطريقة مهينة، وعينه مش عليها أصلاً
آه مراتي.. على الورق يعني.. متعنيليش أي حاجة ولا تفرق معايا.. جوازة والسلام، ظرف واتحطيت فيه وخلصت. هتقعد هنا كام يوم لحد ما أشوف هعمل فيها ايه.
مسك حست انه بيدوس على قلبها بالجزمة. كانت بتعيط من غير صوت، جسمها كله بيترعش.
طارق مقدرش يستحمل المنظر، قرب خطوتين وزعق في جاسر لأول مرة
ما يصحش كده يا جاسر! انت بتقول ايه؟ طالما اتجوزتها تبقى مراتك بجد، احنا مابنعملش في بنات الناس كده! المفروض تعاملها باحترام!
جاسر لسه هيرد، علياء نطت في النص بسرعة، ووقفت بينهم وبصت لطارق بقرف
وانت مالك يا طارق؟ انت مالك انت؟ تدخل ليه أصلاً؟ هو حر! يكلمها بطريقة حلوة، يكلمها بطريقة وحشة، هي مراته خلاص وهو حر فيها! انت اللي حاشر نفسك في كل حاجة!
علياء كانت مبسوطة.. أي واحدة تقرب من جاسر، لازم تطيرها.. هي مستنية اللحظة دي من سنين، مستنية تفوز بجاسر عشان سطوته وفلوسه وشركاته.
ثريا هانم بقى.. كانت بتبص لمسك بس. شافت عينيها الحمرا، وإيديها اللي ماسكة في بعض، وشفايفها اللي بتترعش من العياط.
قلبها وجعها.
قامت وقربت منها براحة، ومسكت إيدها اللي كانت تلج
تعالي يا حبيبتي.. انتي اسمك ايه؟
مسك بصت لها وهي بتعيط جامد، مش قادرة تاخد نفسها
م.. مسك..
جاسر اتعصب من الحنية دي، شاور على أوضة في آخر الطرقة وقال بحدة
خشي جوا الأوضة دي يلا، مش عايز صداع.
ثريا لفت لجاسر مرة واحدة، وأول مرة تزعقله قدام الناس
بس يا جاسر لو سمحت! بس! سيب البنت في حالها! أنا عايزة مسك معايا في أوضتي.
ومسكت مسك من إيدها ودخلتها أوضتها وقفلت الباب وراهم.
جوه الأوضة، ثريا قعدت مسك على السرير وجابت لها منديل
اهدي يا بنتي.. اهدي واحكيلي.. ايه حكايتك؟ وليه اتجوزتي جاسر وانتي بتعيطي وزعلانة كده؟ الجوازة دي غصب عنك؟
مسك مقدرتش تمسك نفسها أكتر، انهارت
مش عايزة أتكلم.. أنا في وضع ما يسمحليش أسمع أي حاجة.. جاسر دمرني.. اشتراني.. اشتراني عشان يدخل عمتي أوضة كويسة في المستشفى ويحجز لها.. أنا كنت مضطرة.. عمتي بتموت!
وحكت لها كل حاجة.. من أول تعب كريمة، لحد كلمة المأذون.
ثريا حضنتها جامد وطبطبت عليها، ودموعها هي كمان نزلت
يا حبيبتي يا بنتي..
بعدت وشها وبصت في عينيها، شافت براءة وطيبة ملهاش آخر، بنت مش عارفة تعمل ايه
بصيلي يا مسك.. أنا هحكيلك حاجة.. جاسر ابني ماكانش كده.. جاسر كان أحن واحد في الدنيا.. جاسر هو اللي بنى نفسه طوبة طوبة.. احنا مكناش أغنياء يا مسك، احنا كنا فقرا أوي.. ولما أبوه مات، هو اللي شالنا كلنا.. هو اللي عمل المملكة دي كلها.. طارق أخوه الكبير بس جاسر هو اللي عامل له مكتب هندسي كبير وكان جاسر هو الكبير مش طارق، جاسر هو اللي متحمل مسؤوليتنا كلنا.
ثريا مسحت دموعها وكملت
جاسر كان بيحب بنت زمان.. حبها أوي.. بس البنت دي خذلته وباعته عشان واحد معاه فلوس أكتر.. من يومها يا بنتي وجاسر حلف انه بفلوسه هيجيب ميت بنت.. ومن يومها قلبه بقى حجر.. ومن يومها مفيش بنت دخلت حياته بجد.
بره الأوضة، كان طارق لسه واقف لجاسر
يا بني اللي انت بتعمله ده غلط، البنت شكلها غلبانة..
جاسر بص له بقرف
طارق انت مش هتعلمني أعمل ايه..
جوه، مسك كانت بتعيط في حضن ثريا
يعني ايه؟ هيفضل يعاملني كده؟
ثريا خدتها في تاني وقالت لها وهي بتطبطب
عليها
ما تقلقيش يا بنتي.. صدقيني عمري ما هخلي جاسر يعمل معاكي حاجة وحشة.. انتي بنتي من النهاردة يا مسك.. أنا حبيتك يا بنتي.. ويمكن.. يمكن انتي اللي تقدري تصلحيه وترجعي جاسر الطيب بتاع زمان.
مسك دفنت وشها في حضن ثريا، بتعيط.. بس لأول مرة من ساعات، حست ان في حد في البيت ده حنين عليها.
بره.. علياء كانت واقفة ورا باب أوضة ثريا، سامعة كل كلمة، وعينيها بتطلع شرار.. وبتتوعد لمسك.
يتبع...
الجزء السادس علياء هتعمل ايه لما تسمع ان مسك ممكن تصلح جاسر؟ وجاسر لما يدخل الأوضة ويلاقي أمه حضناها.. هيتصرف ازاي وهو كان ناوي ينتقم منهاازاى.