رواية بين العناد والوصيه الفصل الأول بقلم أميره خالد حصريه وجديده

رواية بين العناد والوصيه الفصل الأول بقلم أميره خالد حصريه وجديده 
في حي راقي بمنزل المهندس فؤاد حسين ..... كريمه ملاك يا حبيبتى علشان خاطرى فكرى يا بنتى انا وابوكى مش دايمين لك فى الدنيا وانتى لسه صغيره ملحقتيش تتهنى ولازم يبقي ليكى سند فى الدنيا حتى بنتك مهما حاولتى تديها الحب والحنان صدقينى هيجى يوم وتحتاج ل أب يحتويها ويحميها وعيلة المرحوم ولاد اصول واحنا عمرنا ما شوفنا منهم الا كل خير وانتى يا حبيبتى كنتى قاعده وسطهم وانا شايفه ان عرض اخو المرحوم انه يتجوزك عرض مناسب جداا لظروفك ومحدش هيحب بنتك اكتر منه دى لحمه ودمه وبنت اخوه الوحيد يعنى هيحطها فى عينه ملاك يا ماما حرام عليكوا ما اقدرش اتخيل نفسي زوجة لراجل تانى غير مراد وبالذات الشخص ده مستحيل اتجوزه دا شخص مغرور ومتكبر وانا مش بطيقه وما تنسيش انه اخو الغالي مراد مستحيل يأخد مكانه لا عندى ولا عند بنتى كريمه يا حبيبتى انتى عارفه انى لا انا ولا بابا هنقدر نغصبك على حاجه انت مش عاوزاها بس انا عايزاكى تفكرى فى مصير بنتك هما رافضين ان بنتهم تتربي بعيد عنهم دى عاداتهم وتقاليدهم وممكن يحولوا ياخدوها منك ويقدروا يعملوا كده هما عارفين انك لسه صغيره واكيد موضوع انك ممكن يجى يوم وتتجوزى بيفكروا فيه وحقهم يفكروا فى مصير بنت ابنهم ملاك انا مستحيل اتجوز بعد مراد وانا هوعدهم بده انا عايزه اربي بنتى وبس كريمه ايه بس اللى انتى بتقولى ده ما توجعيش قلبي عليكى يا ملاك الحياة مش بتقف مستمره وانتى لسه صغيره يا حبيبتى ومحتاجه سند ليكى انتى وبنتك فى الدنيا ولو مش بتفكرى دلوقتى والحزن على المرحوم عميكى هيجى يوم وتحتاجى لزوج يحميكى ويضلل عليكى انتى وبنتك وتكوني معاه اسره جديده ملاك ما اقدرتش تمسك دموعها اكتر من كده وقالت بصوت موجوع ياماما ما اقدرش اتخيل حياتى مع حد غير مراد .. مراد مكنش جوزى وبس مراد كان حياتي كلها حبي الاول واول راجل فى حياتي لما راح منى حسيت ان حياتى كلها راحت معاه ما اقدرش اتصور اني اكون مع حد غيره افهمينى يا امى ما اقدرش ما اقدرش خدتها كريمه فى حضنها وهى قلبها موجوع عليها وفضلت تمسح على شعرها بحنان وقالت كفايه يا روح ماما ما تعمليش فى نفسك كده والله حسه بيكى وفاهمه مشاعرك بس انتى قولتيها كان وراح خلاص يا بنتى وانا وبابا لو بنتكلم فى الموضوع دا او بنحاول نناقشك فيه فدا علشان تفكرى كويس يا حبيبتى ما تستعجليش فى قرارك وانتى عارفه انى فى الاول والاخر مش عايزين الا اللى يريحك ويرضيكى وربنا يعمل اللى فيه الخير ملاك قامت من حضن مامتها ومسحت دموعها وبتنهيده طالعه من القلب حاضر يا ماما اوعدكم انى هفكر تانى كويس كريمه ربنا يهديكى للصالح يا بنتى بس وانتى بتفكرى حطى فى بالك انك مش بتقررى مصيرك لوحدك دا مصيرك ومصير بنتك معاكي ملاك بنت ايه فى الجمال والانوثه ملامحها رقيقه جدا زى طباعها تجذب اى حد ليها من اول طله واجمل ما فيها عيونها عندها 25 سنه ومتخرجه من فنون جميله وبتعشق الرسم جداا وهسيبكم تكتشفوا صفاتها اكتر من الاحداث بنتها تاج عمرها 4 سنوات سبحان من خلقها جميله وتشبه مامتها بكل ملامحها فؤاد والد ملاك مهندس بيعمل بشركه بترول معندوش في حياته اهم من بيته واولاده ملاك و اسر كريمه والدة ملاك ربة منزل حنونه جداا ولادها وزوجها كل حياتها اسر اخو ملاك الوحيد وتوأمها بيعمل محاسب فى بنك وكان صديق مراد زوجها ودلوقتى تعالوا بينا نرجع تانى للاحداث .... قامت كريمه وسابت ملاك فى حيره من امرها ودخلت لاقت زوجها مستنيها .... فؤاد هاا طمنينى يا كريمه عرفتى تقنعيها كريمه بتنهيده والله ما عارفه اقولك ايه يا فؤاد انا قلبي موجوع عليها قووى ومش قادره ألومها على حيرتها فؤاد لا حول ولا قوة الا بالله صدقيني يا كريمه انا لو شاكك ان عيلة مراد الله يرحمه او اخوه سفيان مش هيصونوا ملاك وبنتها كنت اول واحد رفضت الموضوع نهائي حتى لو كان هيحصل ايه بس الناس ما شوفناش منهم الا كل خير وانتى بنفسك شوفتى تعاملهم مع ملاك وبيحبوها ازاى كريمه والله عارفه انهم ولاد اصول ملاك عمرها ما اشتكت منهم بس بنتك رافضه فكرة الجواز نفسها عايزه تعيش على ذكرى المرحوم وتربي بنتها انا نفسي مستحيل اوافق على كده انا نفسي اكون مطمنه عليها فؤاد الحاج عز الدين والد المرحوم وسفيان كل يوم بيكلموني وبيكلموا اسر علشان يعرفوا ردها متتصوريش الراجل بيتحايل عليه ازاى ووعدني ان ملاك تكون بعيونه هو وسفيان وبيني وبينك حسيت انهم مصرين ان البنت تتربي وسطهم انتى عارفه عاداتهم فى الصعيد حاسينها عيبه فى حقهم ان بنتهم تتربي بعيد عنهم كريمه حقهم يا فؤاد يطمنوا على مصير البنت بس قولي مش سفيان دا متجوز بنت عمه وعنده منها بنت انا قلقانه برضو من الموضوع ده فؤاد بصي انا قعدت معاه