أُريدك حَلالي الحلقة السادسة والسابعه بقلم ريم ابو القا سم
أُريدك حَلالي الحلقة السادسة والسابعه بقلم ريم ابو القا سم
فتح باب العربيه بقوه و ركب و قعد يعاين لينا قال ما ماشين ولا شنو إيمان قالت ليو نفتح الباب برانا يعني افتح لينا الباب اتخيلو عمل شنو دور العربية و مشى بدون ما يقول شي إيمان قالت لي نفسيات غايتو لاكن انا ما بخلي لو ما وريت ليو أبوي ما ببقى اسمي ايمان الكائن ده لو كان في جمعيه تبرع للاخوان كان مشيت دفعتو زول دمو تقيل زي ده ما لاقاني في حياتي كانت بتتكلم و نفسا فوق قلته ليها حصل خير نشوف لينا شي يوصلنا احسن زاتو لانو من البدايه ما عندو النيه يوصلنا باين من وشو ما فاضي لينا قالت لي انا اختو لاكن أبوي بجي غبي واحد متخلف شويه جات أمجاد وقفتا قالت لي بتاع الامجاد ماشين سوق ...
اها ركبنا اثناء ما ماشين السواق قال انتي من البلد دي قلته ليو انا قال لا الجمبك ايمان قالت ليو ايوا من مواليد هنا قال ليها لاني شبهتك والله شبه مبالغه بي بت قتلت بتي قدام عيوني الكلام ده لاكن طول اسي من شفتك اتذكرته البت سبحان الله تشبهيها طبعا فجأه كده اتغير وش ايمان بقى أحمر قالت ليو برجفه في صوتا ايوا يا عمو دي ما انا لاكن قال ليها مالك اترعبتي كده عارف ايوا بس شبهتك ..
اها الطريق كلو ايمان سرحانه كانت بتتكلم معاي عن العرس و الحاجات الح تشتريها بس بعد كلام الراجل ده البت سكتت قلته سكوت ايمان ده يمكن خوف لانو مستحيل تكون هي البت القتلت بتو قال لينا وصلنا نزلته لقيت ايمان لسه سرحانه في الشباك الا ضربتها بعدين انتبهت قالت لي في شنو بصدمه كده قلته ليها وصلنا انزلي من قبيل بنادي فيك مالك انتي قلبتي كده قال لي ما في قلته ليها خلاص مدام ما في شي ارح وصلنا السوق ايمان ماشه و سرحانه لقينا محل بتاع فساتين حلو قلته ليها ده فيو نفس الفساتين القلتي عايزاها دخلنا بعد اختارت واحد عايزين نحاسب قالت لي قروشي الشنطه شكلي نسيتا مع بتاع الامجاد قلته ليها كيف تنسيها انتي قالت لي ارح ارح ان شاء الله ما يكون راح بعيد قلته ليها اطمني ان شاء الله بكون قريب
اها وقفنا مكان نزلنا بقينا واقفين زي خمسه دقايق كده الامجاد شفتها جايه من بعيد قلته ليها ايمان شوفي بتاع الامجاد شكلو لقى الشنطه قالت لي ان شاء الله اها وقف جمبنا و نزل قال نسيتو الشنطة وكان بعاين لي ايمان شديد خطفتا منو و قالت ليو شكرا مسكتني من يدي وبقت ماشه بسرعة شويه كده تلفونا رنا قالت الو .. ايوا عرفتك لقيت رقمي وين .. ما بعرف قال ليها شنو قبلت وراء عاينت ليو بخوف و هو بتكلم و هي بتمتم في النهايه قفلت الخط اتفقعت بالبكا قلته ليها إيمان مالك قالت لي ارح البيت ما قادره .. طيب السوق.. انسي السوق ما بقدر قلته ليك عليك الله ارح نرجع انا ما كويسه .. في زول قال ليك كلام ما عجبك هزت لي راسا بي لا قالت لي بس نفسي ارجع البيت وديني لو سمحتي وقفته أمجاد وصلتنا البيت من وصلنا دخلت الغرفه و قفلت عليها الباب طوالي خالتي قالت لي مالا دي قلته ليها علمي علمك 🤷♀️
اتفضلي يا تسنيم الف مره بقول ليك انتي بزات ما في داعي تضربي الباب و تاخدي اذن عشان تدخلي .. لا انا ما بحب اكشف علاقتي بيك بخاف من العين و بعدين نحنا طالما في الشركه يبقى انا موظفه شغاله عندك و بس انا هنا ما تسنيم حبيبتك و بعدين جاي متين لي أبوي و يكون بينا خطوه جاده .. حبيبتي الواعيه جاي الأسبوع البعد الجاي لانو بعد بكره عرس بت خالتي في البلد لازم احضرو .. ما مشكلة انا في انتظارك ... علي العموم الليله عازمك علي عشاء و أريح نفسيتك أُريدك حَلالي — الحلقة 7 💛
بقلم ريم ابو القا سم
بعد رجعته البيت المساء لقيت شهاب بتجهز قلته لي طالع ماشي وين قاشر كده قال لي عندي موعد مع تسنيم قلته لي انت مش عندك حبيبه عايز بي شفق شنو عاين لي مسافه قال لي انت لسه في موضوع البت دي مش حسمناهو قلته لي انت منو اصلا عشان تحسمو اتلهي بي حياتك طالما عندك تسنيم راقبا هي مش تراقب حياتي قال لي قصدك شنو اراقب تسنيم انا واثق فيها علي فكره ضحكته قلته لي تمام بس افتح عيونك كويس و خليني انا مع بت عمي بعرف كيف اتصرف معاها . طلع بدون ما يقول شي حسيت بي راحه وقت قلته ليو راي عشان تاني ما يتدخل و يحاول يبعدني من شفق ...
انتي يا بت مالك قبيل في شنو سالته شفق قالت ما عارفه .. ما في شي بس جاتني لفه راس وما قدرته الف تاني .. انتي عارفه بكره السفر صح .. عارفه المساء السفر الصباح بمشي اجيب العايزه .. خير طالما لفه راس وما شي تاني و لوت خشما قلته اكيد شكت في شي بس ابيت اتكلم عشان لو اتكلمته ح تتأكد انو في شي داساهو و بحاول ادسو منها ..
مشيت لي شفق لقيتا بتقرى قلته ليها المجتهده قالت لي لازم مره اقرى الجديد و مره القديم .. موفقه يا رب اها العرس كيف و كيف ح تلبسي الاسود ده قالت لي لا عندي عبايات ملونه بلبسا و أصلا ح اكون جوه ما بطلع بره حتى لو لبسته اسود ما في زول جايب خبري .. بري غايتو ما بعرف كيف مستحمله الشي ده انا دقايق بس جربتو عند صحبتي جاني ضيق نفس كيف بتقدري تلبسي ساعات .. قالت لي الحكايه قناعه يا إيمان الشي لو حبيتي ح تحبي حتى بي عيوبو مع انو النقاب كلو مزايا ما فيو عيب واحد .. خلينا من النقاب انتي اسي ما عندك حبيب .. كيف يعني حبيب .. يعني جكسي حبيب تنزلي و تطلعي معاهو هدايا و عزومات .. بري ما عندي .. ولا في امريكا هناك .. هههه امريكا انتي عارفه اتعرضته لي اهانات كتيره و مؤلمه بي سبب نقابي اني داعش او زوله خاينه بس الحمدلله كنته ثابته ... والله يعني الله يثبتك فكره تلبسي النقاب و تثبتي للهجوم البجيك في اي حته ما شي هين .. فعلا ما حاجه هينه اسي قومي اعملي لي قهوه من يدك يا سكر .. بس ده حنكك عيبك واحد زوله ما تحب تشوف الزول قاعد ساي الا تشغلو حاضر ح امشي .. الزيك منو انتي بوسات ياخ ...
