أُريدك حَلالي الحلقة السادسة والسابعه بقلم ريم ابو القا سم

ما عارف يا تسنيم ملخبط شديد بزات كلام اكرم الليله و اصرارو .. ما ملاحظ انت ونستك معاي كلها عن بت عمك دي انا بمشي فيك بس والله زهجته ما في موضوع غيرا و بعدين اكرم هو حر يتزوجا ولا لا انت ح يفرق معاك في شنو ... اول ما تعلي صوتك علي فاهمه وتاني أكرم اخوي الصغير يعني مصلحتو بتهمني مستحيل يتزوج البت دي و تقلب ليو حياتو لانو هو طيب و علي نياتو .. بس عشان عامله علاقه مع واحد عادي بنات كتار بكونو عاملين علاقه و بتزوجو .. يلا البنات الكتار ديل ما بشرفو اسرتنا فاهمه وانا وحده عامله علاقه مع واحد وفاكره ح اتزوجا تكون غبيه .. فجأه سكتت و وشها قلب قلته ليها مالك وشك اتغير كده قالت لي ما في شي بس عادي ما فيها شي .. شوفي لا إله إلا الله محمد رسول الله عايزه العقدة دي ما تتخرب افتحي معاي الموضوع ده تاني .. طيب تمام و سكتت الونسه كلها ساكته و بتاكل طرف الصحن اتذكرته كلام اكرم مع اني بثق فيها و عمري ما شكيت بس ردة فعلا بتقول كده قلته ليها ولا انتي من النوع ده ..

انتظرونا في الحلقة الجاية 🌟 جو الشغل تحبي تطلعي معاي لو ما عندك موضوع المساء .. لا حتى لو عندي يتأجل عشانك يا شهوبي .. حلو اسي جهزي امورك عشان الساعه 8 ح اجيك تمام .. حاضر و مرقت طوالي..

انتظرونا في الحلقة الجاية 🌟

ح ❤️

أُريدك حَلالي — الحلقة 7 💛

بقلم ريم ابو القا سم

بعد رجعته البيت المساء لقيت شهاب بتجهز قلته لي طالع ماشي وين قاشر كده قال لي عندي موعد مع تسنيم قلته لي انت مش عندك حبيبه عايز بي شفق شنو عاين لي مسافه قال لي انت لسه في موضوع البت دي مش حسمناهو قلته لي انت منو اصلا عشان تحسمو اتلهي بي حياتك طالما عندك تسنيم راقبا هي مش تراقب حياتي قال لي قصدك شنو اراقب تسنيم انا واثق فيها علي فكره ضحكته قلته لي تمام بس افتح عيونك كويس و خليني انا مع بت عمي بعرف كيف اتصرف معاها . طلع بدون ما يقول شي حسيت بي راحه وقت قلته ليو راي عشان تاني ما يتدخل و يحاول يبعدني من شفق ...

انتي يا بت مالك قبيل في شنو سالته شفق قالت ما عارفه .. ما في شي بس جاتني لفه راس وما قدرته الف تاني .. انتي عارفه بكره السفر صح .. عارفه المساء السفر الصباح بمشي اجيب العايزه .. خير طالما لفه راس وما شي تاني و لوت خشما قلته اكيد شكت في شي بس ابيت اتكلم عشان لو اتكلمته ح تتأكد انو في شي داساهو و بحاول ادسو منها ..

مشيت لي شفق لقيتا بتقرى قلته ليها المجتهده قالت لي لازم مره اقرى الجديد و مره القديم .. موفقه يا رب اها العرس كيف و كيف ح تلبسي الاسود ده قالت لي لا عندي عبايات ملونه بلبسا و أصلا ح اكون جوه ما بطلع بره حتى لو لبسته اسود ما في زول جايب خبري .. بري غايتو ما بعرف كيف مستحمله الشي ده انا دقايق بس جربتو عند صحبتي جاني ضيق نفس كيف بتقدري تلبسي ساعات .. قالت لي الحكايه قناعه يا إيمان الشي لو حبيتي ح تحبي حتى بي عيوبو مع انو النقاب كلو مزايا ما فيو عيب واحد .. خلينا من النقاب انتي اسي ما عندك حبيب .. كيف يعني حبيب .. يعني جكسي حبيب تنزلي و تطلعي معاهو هدايا و عزومات .. بري ما عندي .. ولا في امريكا هناك .. هههه امريكا انتي عارفه اتعرضته لي اهانات كتيره و مؤلمه بي سبب نقابي اني داعش او زوله خاينه بس الحمدلله كنته ثابته ... والله يعني الله يثبتك فكره تلبسي النقاب و تثبتي للهجوم البجيك في اي حته ما شي هين .. فعلا ما حاجه هينه اسي قومي اعملي لي قهوه من يدك يا سكر .. بس ده حنكك عيبك واحد زوله ما تحب تشوف الزول قاعد ساي الا تشغلو حاضر ح امشي .. الزيك منو انتي بوسات ياخ ...

ما عارف يا تسنيم ملخبط شديد بزات كلام اكرم الليله و اصرارو .. ما ملاحظ انت ونستك معاي كلها عن بت عمك دي انا بمشي فيك بس والله زهجته ما في موضوع غيرا و بعدين اكرم هو حر يتزوجا ولا لا انت ح يفرق معاك في شنو ... اول ما تعلي صوتك علي فاهمه وتاني أكرم اخوي الصغير يعني مصلحتو بتهمني مستحيل يتزوج البت دي و تقلب ليو حياتو لانو هو طيب و علي نياتو .. بس عشان عامله علاقه مع واحد عادي بنات كتار بكونو عاملين علاقه و بتزوجو .. يلا البنات الكتار ديل ما بشرفو اسرتنا فاهمه وانا وحده عامله علاقه مع واحد وفاكره ح اتزوجا تكون غبيه .. فجأه سكتت و وشها قلب قلته ليها مالك وشك اتغير كده قالت لي ما في شي بس عادي ما فيها شي .. شوفي لا إله إلا الله محمد رسول الله عايزه العقدة دي ما تتخرب افتحي معاي الموضوع ده تاني .. طيب تمام و سكتت الونسه كلها ساكته و بتاكل طرف الصحن اتذكرته كلام اكرم مع اني بثق فيها و عمري ما شكيت بس ردة فعلا بتقول كده قلته ليها ولا انتي من النوع ده ..

انتظرونا في الحلقة الجاية 🌟