اسكريبت_انا_وانتَ_والحُب_تالتنا الفصل الثاني بقلم حبيبه_الديب حصريه وجديده
اسكريبت_انا_وانتَ_والحُب_تالتنا الفصل الثاني بقلم حبيبه_الديب حصريه وجديده
_طب و حُبنا؟
لسه هرد عليه رد مايعجبهوش سمعت صوت سيف جاي من ورايا
_توانا؟!
لفيت بسرعه و كان على مسافه بعيده شويا، يعنى أظن ماسمعش اللى اتقال ده
جيه نحيتي و لقيته ابتسم و بص لي انا و عمار و اتكلم
_انتِ تعرفي عمار ولا ايه؟
بصيتله بتوتر
_انتَ تعرفه اصلاً..!
رد عليا و هو بيبص ل عمار بإبتسامة
_ايوه عمار بيعمل الماجستير وانا بناقش رسالته
متفوق و دماغه شغاله ماشاء الله.
بصلي و كمل
_انتِ تعرفيه منين؟
بصيت له بتوتر بعدها بصيت ل عمار اللى اتكلم بشك و هو باصص ل سيف و هو واقف قريب مني
_هو حضرتك تقرب ل توانا ولا ايه يا دكتور؟
سيف ابتسم
_ايوه يا عمار
شوفت ليان اللى كنت بتلعبها الصبح دي؟
اهي دي امها بقا..!
عمار ملامحه اتخشبت و اتكلم بضيق واضح
_ قصدك ان توانا مراتك يعني؟
_ايوه يابني بقولك ام بنتي .!
اتكلمت انا بسرعه
_طب يلا يا سيف عشان المحاضره بتاعتك ، كده الوقت بيضيع..!
_ماشي بس برضوا معرفتش انتِ تعرفي عمار منين؟
و قبل ما ارد اتكلم عمار بسرعه
_توانا كانت زميلتي في الكليه
انا كنت اكبر منها بدفعه بس عرفتها عن طريق الدكاتره عشان انا كنت مصاحبهم اوي و هي كمان كده ..!
بان عليه التوتر في اخر كلامه معرفش ليه
و معرفش اصلا ليه سابقني انا كنت هعرف سيف ان عمار كان خطيبي القديم عادي بس اكيد مش قدام عمار نفسه
بصيت لسيف و اتكلمت
_ يلا عشان وقت المحاضره..!
_تمام ، عايز حاجة يا عمار..!
_لا تسلم يا دكتور.!
مشيت انا و سيف و هو اتكلم
_جبتي اكل؟
_لا لسه
_خلاص روحي انتِ ل ليان عشان انا سيبتها مع الطلاب و انا هجيبلك اكل.!
هزيت راسي بالموافقه و مشيت
روحت قاعة المحاضرات و اول ما دخلت لقيت سلمى قاعده في المدرج و ليان على رجليها و بتلعبها
و البنات كانت ملمومه حواليهم بيلعبوا ليان.!
يعني اقول ل سيف يتجنب سلمى يروح يديها ليان؟
روحت ل سلمى و انا اصلا مش طيقاها خلقه بس مع ذلك اتكلمت بهدوء
_ازيكم يا بنات
بصيت ل سلمى و اتكلمت و انا باخد منها ليان
_معلش اكيد تعبتك معاها
وقفت و بعدتت خطوه و كأنها مش راضيه تديني ليان و اتكلمت
_لأ ولا تعب ولا حاجة دي مهما كانت بنت دكتور سيف..!
طريقتها المستفزه ضيقتني اكتر ما انا مضيقه اصلا اتكلمت و انا بقرب اخدها منها
_طب اتيها طيب
بعدتت تاني و اتكلمت
_لا معلش دي امانه و مش هينفع اديها غير ل دكتور سيف نفسه...!
_هو انتِ عبيطه يعنى ولا بتستعبطي ؟!
اديني بنتي لو سمحتي!
و قبل ما تتكلم سلمى دخل سيف ف سلمى راحت نحيته و ادته ليان
_اتفضل يا دكتور بنت حضرتك اهى..!
سيف خدها منها و انا لاحظت ايدها اللى لمست ايده بس سيف ماخدش باله من ده
كنت حاسه اني هتجنن بجد و اعصابي هتفلت مني و امسكها اجيبها من شعرها بس سيطرت على نفسي بالعافيه و قعدت مكاني
و سيف جيه نحيتي و ناولني شنطة الاكل بعدها راح حط ليان على كرسي مكتبه من تاني و حط في ايدها لعبه و في بوقها السكاته عشان تفضل هاديه
المحاضره بدأت و سيف واقف بيشرح و انا مش عارفه اركز معاه
كنت مخنوقه من نفسي اني لسه ما عرفتهوش ان عمار كان خطيبي القديم
و كنت مخنوقه من عمار نفسه اللى ظهر لي من العدم ده
و مخنوقه من سلمي حرباية الجامعة دي.!
كنت قاعده تايهه لحد ما أخيراً المحاضره خلصت بس تقريباً مركزتش في ولا كلمه
و التركيز كله كان لسلمى اللى كانت عماله تجاوب و تسأل كتير و تلفت الانظار
بتبقى دحيحه في محاضرة سيف بس .!
القاعه بدأت تهدى من الطلاب و الكل كان بيمشي منها
و انا لسه قاعده سرحانه في مكاني
سيف قرب مني و همس لي و هو بيمسك ايدي
_مالك يا روحي انتِ كويسه؟
_مخنوقه شويا..!
اتكلم بأستغراب
_من ايه؟
_كذا موقف كده
هحكيلك في البيت.!
ابتسم و مدلي ايده
_طب يلا عشان نتغدى برا زي ما اتفقنا..!
لسه هرد لقيت سلمى قربت مننا و اتكلمت بمقاطعه
_ دكتور سيف شرح حضرتك حلو اوي بجد
انا مكنتش بفهم في الماده دي حاجة خالص بس حضرتك خلتني بقيت شاطره فيها..!
اتكلمت انا ببرود قبل ما سيف ينطق
_لو ذاكرتي كل المواد هتبقي شاطره فيهم برضوا..!
بصت لي بغيظ و انا بصيت ل سيف و كملت كلامي
_صحيح يا سيف هو انتَ قولت ل سلمى انها ماتدنيش ليان؟
اصلها رفضت تديهاني و بتقولي دي امانه و دكتور سيف موصيني عليها..!
سيف بصلها بدهشة و اتكلم
_انا قولت كده؟
بصلي و كمل بتبرير
_ده انا كنت قاعد مع ليان عادي لقيتها جايه تقولي انك معاكِ مشكله برا و محتجالي ف روحت لك على طول بس هى وقفتني و قالت لي هخلي ليان معايا عقبال ماتيجي..!
سلمى بصت لنا بتوتر و انا ابتسمت بانتصار و اتكلمت
_معلش بقا شكلها بتتهيأ كلام محصلش او بتحب التحوير و كده
بس برضوا يا سلمى يا حبيبتي تاني مره لما تاخدي بنتي من ورايا و تشليها كام دقيقة مؤقته تديهالي اول ما تشوفني او بلاش تشليها خالص هيبقى احسن برضوا..!
خلصت كلامي و سيف ماعلقش و فهم انهت كانت مضيقاني ف سابني اتكلم برحتي،
