اسكريبت_انا_وانتَ_والحُب_تالتنا الفصل الثاني بقلم حبيبه_الديب حصريه وجديده

بعدها بص لي و اتكلم و هو شايل ليان 
_طب يلا بقا ولا اي؟
هزيت راسي بموافقه و مشينا سوا 
و اول ما ركبنا العربيه و اتحركنا لقيته ابتسم و بص لي 
_ علمتي على البت خرستيها خالص..!
_احسن دي واحده بجحه اوي
ده انا كان نفسي اجيبها من شعرها اللى فرحانه بيه ده و افرج عليها الجامعه كلها..!
مسك ايدي و باسها
_ بس شعرك احلى من شعرها على فكره! 
_قصدك ان شعرها حلو؟ 
_انا قولت كده؟ 
_قولت شعري احلى معني كده ان شعرها حلو بس انا احلى صح؟
سكت لحظه و اتكلم بأستغراب 
_مالك؟ 
حاسك مش طبيعية او بتنكشي على خناقه.!
_مفيش انا تمام.!
مقتنعش بس ماعلقش على كلامي و فضل ساكت لحظه بس بعدها ضحك
بصيت له و هو فضل يضحك
_ايه اللى يضحك طيب
_خايف اقولك انك اجمل و احلى منها تقوليلي انتَ شايفها حلوه؟
ضحك تاني و ضحكني معاه الصراحه و ضربته على دراعه بخفه
_خلاص بقا ماتتريقش عليا.!
روحنا مطعم حلو و اتغدينا سوا و اتصورنا كتير بعدها وداني الملاهي عشان كان فاهم اني مضيقه بس كان سايبني براحتي
و فعلاً بدأت افك شويا و انبسط معاه اوي
و بالذات لما جابلي غزل البنات و حسسني اني طفله و خارجه مع ابوها 
اليوم خلص و روحنا البيت 
نيمت ليان و كنت قاعده على مكتبي بذاكر و هو برا في الصاله بيتفرج على الشاشة 
روحت له و قعدت قصاده و مكنتش عارفه ابدأ كلام منين
بس لقيته قفل الشاشه و بص لي
_هاا؟ احكي.! 
_احكي ايه؟ 
_اللى مضايقك من الصبح و مستنيكي تحكيلي.!
بصيت له شويا بعدها نزلت راسي و فركت ايدي بتوتر
_خايفه احكي تزعل مني او تفهم غلط.!
قرب مني و مسك ايدي احتواها و اتكلم بهدوء 
_مقدرش ازعل منك اصلا ف قولي لي اي مضايقك.!
اتنهدت و بدأت اتكلم 
_الصبح لما كنا في الجامعة و انا قابلت عمار و سألتني مين ده و اعرفه منين .!
بص لي بترقب و انا كملت 
_ هو قالك اننا كنا زمايل و ده صح فعلاً بس هو ... هو...
سكتت فجأ و مش عارفه اقوله ايه لقيته ساب ايدي و بص لي لحظات بعدها اتكلم بشك 
_ هو ايه؟
سكتت و هو سكت لحظه و اتكلم هو بعد ما وصل الخيوط ببعض 
_هو عمار ده يبقى خطيبك القديم اللى حكيتيلي عنه زمان؟ 
اللى كان زميلك في الكليه؟!
_اه هو.!
ظهر الضيق على ملامحه و فضل ساكت و انا كمان سكتت 
كام لحظه و اتكلم 
_ و ماقولتليش الكلاد ده الصبح ليه؟
_ماكنتش حابه نتناقش في الجامعة في موضوع زي ده!
سكت و قام وقف و بان عليه الضيق ، فضل رايح جاي قدامي كام لحظه بعدها وقف قصادي و اتكلم
_و انتِ كنتي واقفه معاه ليه الصبح و قالك ايه؟
هزيت كتفي و اتكلمت
_محصلش حاجة الصبح
خبطت فيه بالغلط و هو وقفني و قالي مختفيه ليه و كده
بس انا عرفته اني اتجوزت و انه ملوش دعوه بيا ، بس كده.!
_بس باين عليه أنه....
سكت و معرفش يتكلم و انا قومت وقفت و كلمته بإبتسامة بسيطه و انا بمسك ايده و بحاول اهديه
_سيف 
عمار صفحه قديمه و اتقفلت و انا نسيته تمامًا و أظن انه هو كمان نساني ف.......
قاطعني بعصبيه و هو بيسحب ايده 
_نساكِ ازاي يعنى؟ 
ده انا في البدايه لما شوفته اول مره و كنت مسؤل عن رسالة الماجستير بتاعته قالي انه نفسه يعمل الماجستير و الدكتوراه عشان ده حلم حبيبته القديمه اللى اختفت فجأه 
و قالي انه لسه بيحبها و ندمان انه سابها
عارفه يعني اي الكلام ده؟!
بصيت له بعدم استعياب و اتكلمت 
_ايوه يعنى اعمله ايه يا سيف؟ 
انا دلوقتي بحبك انتَ و بس و معاك انتَ و بس 
انتَ جوزي و ابو بنتي و انا مايهمنيش في الدنيا غيرك ولا هحب غيرك..!
ملامحه لانت شويا و هدي شويا و انا بصيت له في عيونه و اتكلمت 
_انا لو رجع بيا الزمن الف مره يا سيف هختارك انتَ و بس 
انا عرفتك ان عمار كان خطيبي عشان انتَ كان لازم تعرف
مش عشان حاجة تانيه..!
سيف انتَ حبي الاول و الاخير.!
اتكلم بصوت مهزوز 
_الاول؟ 
_اه طبعاً الاول انا معاك انت بس عرفت معنى الحب
و كل اللى فات ده ماكنش حب ده وهم و بس
لكن انتَ الوحيد اللى عرفتني معنى الحب
انتَ بالنسبالي جوزي و حبيبي و ابويا و اخويا و صاحبي اللى بأمنله هو بس و ابو بنتي و كل حاجة حلوه في حياتي..!
ملامحه لانت و كلامي اثر فيه و هداه اوي
لقيته ضمني ل حضنه اوي و كأنه خايف يخسرني و همس لي
_ انا بحبك يا توانا و مقدرش اعيش من غيرك 
حياتي مكنش هيبقالها طعم من غيرك 
مش عايز اخسرك مهما كان عايزك في حياتي على طول..!
بعدت عنه و بصيت له بحب  
_وانا برضوا مقدرش اعيش من غيرك
مسك ايدي و قعدنا على الكنبه و خدني في حضنه و اتكلم بعد كام لحظه 
_ تعالي نعمل كيكه سوا و نسهر للصبح زي ايام زمان؟
بصيت له بدهشه
_طب و الجامعه؟
اتكلم ببساطة
_انا هأجز انهارده عادي و انتِ اجزي كام يوم و روحي على الامتحانات على طول..! 
_سيف متهزرش انا كنت بغيب كتير اصلا الفتره اللى فاتت 
_معلش يا توانا غيبي الكام يوم دول و انا