عروسه صيني الحلقه الاولى بقلم محمد منصور حصريه وجديده

عروسه صيني الحلقه الاولى بقلم محمد منصور حصريه وجديده 
اللي بيحبنا ما يضربش نار علشان العروسة حامل.. ودي مش أي عروسة، دي عروسة صيني! رغم إنها من السيليكون لكنها بتتكلم، ومش بتقول بابا وماما لا.. بتقول كلام منيل أكتر من كده! ما بلاش أحرق لكم القصة ويلا بينا ندخل القصة.
يارب يا ساتر..
عروسة صيني
من تأليفي
محمد منصور
منص
وقبل ما نبدأ نوحد الله ونصلي على خير خلق الله سيدنا محمد.. وعلى بركة الله نبدأ.
بسم الله توكلت على الله، وهو رب العرش العظيم.
أنا أحسن زمان.. عارف إن اسمي غريب كتير بس مش بمزاجي، أبويا هو السبب في إنه اختار الاسم ده ليا، وهو اختاره علشان أعيش! أصل قبل مني مات خمس صبيان، علشان أعيش الساحرة الزبالة اللي على أول الشارع بتاعنا قالت لأبويا دور في العيلة على أكتر واحد عاش.
وأبويا ما كدبش خبر، ودور في العيلة بتاعتنا على أكتر واحد عاش، لقى بني آدم قاعد في آخر العيلة اسمه أحسن زمان، الراجل ده عاش 100 سنة ويوم! أبويا عرف كده فرح أوي وقرر يسميني أحسن زمان، وفعلاً اتولدت واديني لسة عايش، بس عايش باسم عامل زي العاهة المستديمة!
تخيلوا كده كل ما حد يقع في المدرسة وصاحبه يجي يغيظه يقول له أحسن!.. أرد أقول نعم؟، يقولي مش أنت يا حمار!. عذاب والله! علشان كده قررت أسمي نفسي اسم أحلى من أحسن زمان وسميت نفسي موز. فاللي هاسمعه بعد كده يقولي أحسن هادي له شلوط يوديه أسيوط علشان يحرم.
وكبرت وأنا في حالي وانطوائي، قاعد في الأوضة بتاعتي لدرجة إن أبويا مرة دخل عليا لقاني بكلم المخدة بتاعتي وبقول لها
ما هو أنتِ هتقومي تعملي شاي زي ما أنا عملت لك مرة قبل كده.. أنتِ مش راجل عليا! أو إما ترقصي على أغنية يا غزال الليل طالع ليلي.
أبويا قال لي ساعتها.. هو أنا صحيح قلت لكم على اسم أبويا؟ طب هاقول لكم بس بلاش ضحك علشان ده راجل كبير.. أبويا اسمه المدلدل الآخراني!
والسبب في الاسم ده جدي اللي دور على أكتر واحد كان عايش في العيلة علشان يسمي أبويا باسمه علشان يعيش، والسبب برضه الساحرة الزبالة! المهم ما أطولش عليكم.. قولوا طول..
دخل عليا المدلدل اللي هو بابا يعني ولقاني بكلم المخدة وقال لي
أحسن.. أنت بتكلم نفسك؟
بصيت له وقلت له
لا.. بكلم نانسي المخدة.
ومن ساعتها وأبويا فاضحني في العيلة، واتعرفت في العيلة إني مجنون وبكلم نفسي.. لكن أنا مش مجنون، أنا بس كل اللي بعمله إني بحاول أكون صداقات ليا مع الجماد اللي بحب أتعامل معاهم أكتر من البشر اللي ياما اتريقوا عليا بسبب اسمي! واتسببت لي الحالة دي في مرض نادر اسمه لعنة الرمان، وهو إني أشوف الجماد بيتكلم وبيتحرك قدامي وكأنه حقيقة.. ده وأنا صغير بس.
وفضلت عايش وبكبر لغاية ما بقى عندي 35 سنة، وماليش إلا صاحب واحد بس اسمه روبي، عرفني على تطبيق التيك توك واليوتيوب، فعملت حساب على التيك توك وبقى عندي حوالي 5000 متابع، وحساب تاني على اليوتيوب.. بصراحة لقيت نفسي في التطبيقات دي لأني من زمان بحب أكلم نفسي.
وبقيت بقدم كل حاجة هايفة ممكن تتخيلوها، اهو المهم أبقى مشهور والحساب بتاع يكبر والمتابعين يزيدوا.. لغاية ما دخل عليا المدلدل اللي هو بابا ولقاني حاطط الموبايل قدام مني وبصور نفسي وأنا بغني
اندال اندال اندال.. انتو شوية اندال.. تطلعوا تنزلوا أنا مش هسيبكم اندال.. وانتِ يا حب زمان مالك مالك يا بت سايقة عليا الهوجان.. ده أنا ده أنا جامد أوي جمدان.. وانت يا بت الحمضان سري بري سري بري يا جعان!.
وهنا وقف بابا قدامي وقال لي
مش هتبطل هبل بقى؟ ده أنا صحابي بقوا يعيروني بيك!
موز بكرة أصحابك دول يطلبوا منك تتوسط لي علشان بس أقعد معاهم.. وبعدين يعيروك ليه؟ هو أنا بعمل حاجة غريبة؟ ده العالم كله بيسجل وينزل فيديوهات على التيك توك.. جت عليا أنا؟!
بابا سجل ونزل فيديوهات زي ما أنت عايز بس حاجة تكون مفيدة، حاجة تنفع الناس.. إنما بنت الحمضان دي واندال اللي عمال تغنيها هتطلع تنفع الناس في إيه؟ وقبل كده منزل أغنية متعاص باين!
موز بابا.. أنت مدلدل، يعني ما ينفعش تقول كلام كبير كده.. العالم كله بيحب الهيافة، والهيافة دي هي اللي بتجيب لايكات وفلوس، وبكرة أفكرك.
بابا ما تقولش العالم كله.. قول العرب بس هما اللي بيحبوا الهيافة! ده أنا مستعد أحلف لك على مصحف إن اللي اخترع تطبيق التيك توك ده ملهوش حساب عليه ولا بينزل عليه فيديوهات، ويوم ما هينزل هينزل فيديو يتكلم فيه عن أرباحه من ورا المغفلين اللي زيك! العالم كله بيضحك علينا وعلى عيالنا اللي بقوا عايشين على التطبيقات دي أكتر ما عايشين مع اهاليهم.. أنت تعرف إن مارك بتاع الفيس ما بيقعدش على الفيس وأغلب أوقات فراغه بيكون بيقرأ كتب؟!
موز برضه مش حاسك.
بابا عليه العوض ومنه العوض في العيل اللي حيلتي.. أنت خلاص مخك بقى مخلل يا أحسن!
موز بضيق أنا قلت قبل كده اللي هيقول لي أحسن دي هادي له شلوط أوديه أسيوط.. أنا اسمي موز!
بابا مش عاجبك اسم أحسن وفرحان إنك موز؟!
موز بلاش والنبي تتكلم