عروسه صيني الحلقه الاولى بقلم محمد منصور حصريه وجديده

على الأسامي، حاكم أنتم عيلة البرنس فيكم اسمه خضري الأخضر.. ولا المصيبة السودا المدلدل الآخراني!
بابا أنا مصيبة سودا يا قليل التربية؟!
موز بابا.. أنا قبل ما تكون أنت أبايا أنا برضه ابنك وصاحبك، يعني راضعين على بعض فبلاش زعل! وبعدين مش أنت اللي مصيبة، الاسم هو المصيبة.. المدلدل ده لما بيتقال قدامي بشوف قفص الخضار مش أكتر، لأنه هو ده الوحيد اللي اعرفه مدلدل غير الكرش! بس لازم تعرف إني لما أبقى مشهور مش هعرف حد اسمك الحقيقي.. أنت هتبقى كاكا!
بابا كاكا يا معفن؟!
موز اللي بتتزرع مش التانية!
بابا بعصبية اسمع يا باذنجان أنت.. أنا اسمي المدلدل، وعاجبك على كده عاجبك، مش عاجبك شوف لك كاكا غيري يكون أبوك!
يمسكه المدلدل من التيشرت ويقول له
وتعالى بقى هنا.. هو أنت صحيح سحبت 20 ألف جنيه من حسابك في البنك النهاردة؟
موز آه.
باب ليه يا روح أمك؟
موز ما أنا قلت لك فرحي النهاردة بالليل!
بابا باستغراب شديد فرحك؟! اللي هو إزاي؟ إحنا لا اتكلمنا مع حد ولا خطبنالك!
موز يا بابا الخطوبة والجو ده بقى قديم، والعروسة اللي أنا هتجوزها ما ينفعش تنخطب.
بابا وما تنخطبش ليه؟ عليها حكم غيابي؟!
موز لا.. اصلها عروسة صيني يا بابا، جوازي منها هيقلب الدنيا كلها وهبقى تريند لسنة قدام!
بابا هي عروسة مشهورة يعني؟
موز جداً.. دي أول عروسة صيني من النوع ده.
بابا باستغراب شديد يعني إيه من النوع ده؟ هي جنس تالت؟!
موز وهو بيضحك بالظبط! وربنا أنت ذكي أوي يا مدلدل.. هي فعلاً جنس تالت! يلا قوم اجهز بقى وروح على القاعة وقابل ضيوفك عقبال ما أجيب العروسة من المطار وأجي.
بابا هو أنت عزمت حد؟
موز أنا عزمت العيلة كلها!
ولليلاً، ومن قدام كوافير كبير في وسط البلد، يقف شاب ضئيل الحجم قدام الكوافير ووراه عربية ملاكي متزوقة وجاهزة لزفة العروسين، ويضع الموبايل بتاعه على ودانه ويقول
أنت فين يا موز؟
موز أنا في الطريق اهو.
روبي اللي كان سمعه ضعيف أنت فين يا موز؟
موز بصوت عالٍ في السكة يا أطرش الكلب!
روبي وإيه اللي أخرك كده؟
موز عقبال ما استلمت العروسة من جمرك المطار.
روبي هو مين اللي قابلته عند العطار؟!
موز بعصبية أنا قلت عطار يا زفت؟! بقول لك عقبال ما استلمت العروسة من جمرك المطار!
روبي طيب يلا يا عم الناس مستنية في القاعة بقالها ساعة.
موز بصوت عالٍ خلاص خلاص أنا داخل عليك.. المهم مش عايز دقيقة تعدي من أول ما أوصل عند الكوافير من غير ما تصوره، حتى لو في حد شتمني بأمي أوعى توقف تصوير! أنا عايز البث المباشر النهاردة يقلب الدنيا.. عايزها فضيحة يا صاحبي!
روبي بس كده؟ تعالى أنت بس وأنا هافضح أهلك!
ولا تمر سوى كام دقيقة ويقف تاكسي قدام الكوافير، ويفتح باب التاكسي والسائق يرمي موز برة التاكسي وهو يقول بعصبية
غور يا اخي روشت أمي أنت والعروسة الصيني اللي معاك دي!
موز وهو بيقف وبينفض هدومه
أنت راجل ما عندكش كومبليمو في المعاملة!
السواق أنا ما عنديش الكمون اللي أنت بتقول عليه ده.. يلا غور من هنا!
فيمد إيده موز ويخرج عروسة صيني، لكنها معموله من السيليكون تشبه الحقيقي بالظبط لكنها عروسة صناعية، لابسة فستان فرح أبيض وطرحة بيضاء.. ويحطها موز على كتفه وهو يقول للسواق
عايز كام؟
السواق مش عايز من وش أمك حاجة! أنا هاخد التاكسي دلوقتي وأروح السعودية أعمل حجة وعمرة وأحمد ربنا إنك نزلت من التاكسي يا ابن المجنونة!
وينطلق السواق بالتاكسي، فيبص موز لروبي ويقول
صورت الراجل وهو بيهزقني؟
روبي لا.
موز وهو بيضرب روبي لا ليه يا غبي؟! ما أنا قايل لك صور كل اللي هيحصل.. أنت عارف في كارنا ده بتاع التيك توك واليوتيوب كل ما تتشتم اكتر تشتهر أسرع، وخصوصاً لو اتشتَمت بأمي! ده رامز اهو هيعمل الموسم التسعين من البرنامج بتاعه علشان بيتشتم بأمه!
روبي وهو بيبص للعروسة أنت طول ما أنت معاك العروسة دي هتتشتم بأمك وأبوك وأخوك.. إلا أنت صحيح ناوي تسميها إيه؟
موز هاسميتها نانسي على اسم المخدة بتاعتي، علشان تبقى مراتي الوحيدة نانسي وصاحبي الوحيد روبي.
روبي كده فاضل لك إليسا!
موز ما أنا عندي إليسا.
روبي مين؟
موز التسريحة! مش إليسا غنت وقالت يا مرايتي؟ أنا خليتها مراية بجد!
روبي والله جدع!
ثم يمد روبي إيده ويمسك ذراع العروسة، فيضربه موز على إيده ويقول له
بتعمل إيه يا جحش أنت؟! هي متجوزة خروف؟
روبي أنت لسة ما كتبتَش عليها!
موز يعني عادي لما تمسكها؟
روبي طبعاً.. ده إحنا أصحاب ومراتك مراتي!
موز وهو بيرفع له رجلها وبيقول طيب امسك رجليها.. أكبر من ذراعها!
فيمسك روبي رجل العروسة، وهنا يسمعوا صوت أنثى بتتوجع وتقول بصوت عالٍ
آي.. رجلي!
فبصوا الاثنين للعروسة واتخضوا، وساب موز العروسة خائفاً وبص لها وهي مرمية على الأرض وقال
ولا.. العروسة بتتكلم!
روبي خائفاً باين عليها اللهم احفظنا ملبوسة!
موز ملبوسة عفاريت وكده؟!
روبي أومال هيلبسها الهم؟! أكيد عفاريت يا حزين!
وهنا يسمعوا صوت نفس الأنثى وهي تقول
رجلي بتوجعني أوي.. حد يلحقني!
ولكن الصوت كان جاي من وراهم، فبصوا الاثنين ورا منهم ولقوا ست واقعة على الأرض وبتتوجع ورجليها اتلوت تحت منها.. فراحوا ناحيتها وبصوا لها، وقال موز
هو أنتِ اللي قلتي آي من شوية؟
الست آه أنا.. أصلي وقعت على رجلي، ممكن تساعدني أقف؟
موز وهو بيبلع ريقه وحبكت يا أختي تقولي آي رجلي