سكريبت عفاريت المعمل بقلمى الهام عبدالرحمن
لانى واثق فيكى عشان انتى طيبة اوى ودلوقتى بقا دورنا نعلمك ازاى تقربى من كريم قوليلى انتى لبسك كله كدا.
لوسيندا كدا ازاى يعني؟
سليم معاذ قصده الشيميزات والجينز اصلك مش بتيجى بحاجة غيرهم.
لوسيندا لا معنديش انا برتاح فيهم.
معاذ طيب بصى بقا انا عاوزك تتصرفى وتجيبى دريس شيك ورقيق والوانه تكون هادية وحطى شوية ميكب فى وشك بس من غير أڤورة يعنى حاجة سمبل كدا فى نفس الوقت جمالك يبان طبيعى.
لوسيندا وبعدين هنعمل ايه؟
سليم هنعلمك دلوقتي ازاى تتكلمى برقة ونعومة لان اى راجل مش بيحب الست يكون صوتها عالى وانتى ماشاء الله طبقة صوتك ولا واحد بتاع روبابيكيا بينادى فى ميكروفون.
لوسيندا بقا كدا ياسليم طيب شوف مين هيساعدك تغور من هنا.
سليم بقولك ايه احنا مش جايين نتقمص احنا هنا بنساعد بعض وبعدين فى واحدة رقيقة تقول يغور.
معاذ خلاص يالوسى سيبك منه وتعالى قوليلى كدا اتخيلينى ان كريم قدامك وصبحى عليا واسالينى عن جيم كويس عشان تتدربى فيه.
لوسيندا صباح الخير يامستر كريم بقولك تعرفش جيم كويس اتدرب فيه اصل بعيد عنك انا عضلاتى بعافية وعاوزة اقويها.
معاذ يالهووووى ياسوااادى فى انثى تقول تعرفش وبعيد عنك وبعافية هو انتى ايه معداش عليكى حاجة من الانوثة.
لوسيندا اتضايقتاعمل ايه ماانا كنت بين المعامل والمعادلات واحدة عايشة للمذاكرة وفجاة ابوها وامها ماتوا وبقت لوحدها لا اخ ولا اخت ولا حد يسندها بقيت مسترجلة من غير ما احس.
معاذ حقك عليا متزعليش والله هنعلمك ونخليكى احسن من احسن مزة فيكى يابلد.
بعد اسبوع من التدريبات
لوسيندا تاني تمرين النور عاوزة النور يطفي ويشتغل بس بهدوء مش حفلة ديسكو.
عبدالله ركّز بىافو النور طفى اخيرا ثانية
والنور اشتغل.
لوسيندا برافو يابودى ولا وطمرت فيك تدريباتى.
عبدالله من فرحته فضل يفتح النور ويقفله.
لوسيندا استنى استنى مش كدا هتفضحنا الله يخرب بيتك.
دخل فى اللحظة دى لطفى
لطفى فى ايه يا استاذة لوسيندا النور دا بيعمل كدا ليه
لوسيندا لا ابدا مفيش حاجة دا كوبس الكهربا علق بس خلاص انا ظبطه.
لطفى كان بيلف بعنيه فى المعمل وهو خايف طيب ممكن نخرج نتكلم برا اصل مبحبش المعمل.
لوسيندا ليه بس يامستر لطفى.
قبل مالطفى يرد سليم حس بخوفه قام راذع الدرفة جامد ولطفى اتخض
لطفى اعوذ بالله من الشيطان الرجيم اعوذ بالله من الشيطان الرجيم وطلع يجرى.
لوسيندا بضحك لوتفي لوتفي استني يا لوتفي.
ولسة بتلف لاقت فجأة سليم اتحول لنور قوى بيلمع.
معاذ ايه دا سليم اتحرر مع السلامة ياسُلم هتوحشنا.
وبدأ يرقص هو وعبدالله من الفرحة .
لوسيندا وهى بتمسح دموع وهمية اخيرا خلصت من واحد يلا عقبال الباقى يلا ياخويا انت وهو ورانا تدريبات.
بعد مرور أسبوعين كانت لوسيندا لابسة دريس شكله حلو اوى وهى نازلة من حصتها وكريم فى حصة الالعاب عدت عليه بس متكلمتش معاه زى العادة ولابصت ناحيته ودا خلاه يستغرب وراحت ناحية المعمل فى نفس الوقت كان معاذ واقف على باب المعمل وبيسقفلها
معاذ ايوا بقا الخطة ماشية مظبوط ياواد ياتقيل انت بس خلى بالك التقل صنعة بلاش تزودى اصل يطفش منك.
لوسيندا يستاهل ما انا كل ما احاول اقرب منه يكرفلى ابن الدايخة خليه يدوق اللى عامله فيا الفترة اللى فاتت.
مفيش لحظة وكان كربم وراها
كريم بغمزة مس لوسيندا ممكن السيكو سيكو.
لوسيندا ايه السيكو سيكو دا؟
كريم الكاتيل خليكى ماشية معايا على الخط.
لوسيندا ااه ثوانى هجيبهولك اهو وهى بتدهوله بس خلى بالك ليتقبض عليك وانت متلبس بالجريمة.
خد الكاتل ومشى خطوتين ورجع تانى وقالها بغمزة بس الدريس عليكى حلو اوى استمرى بقا.
وسابها ومشى وهى فضلت متنحة.
عبدالله اوعا بقا المز بتاعنا اتلحلح اخيرا.
معاذ دا بفضل مجهوداتى يابابا.
عبدالله لوسيندا انتى معانا ولا انتى موتى ولا فيكى ايه فوقى ياستى انتى متنحة كدا ليه.
لوسيندا
معاذ فوقى ياما مش وقت نحنحة عاوزين نتدرب خلينا نحصل سليم.
بعد كام يوم فى الفصل
لوسيندا رقية انزلى المعمل بسرعة وهاتيلى الدفتر بتاعى من على المكتب.
رقية بتفتح المعمل وبتدخل تجيب الدفتر وهى مرعوبة من اللى سمعته عن المعمل فجأة لاقت النور بيطفى ويولع بسرعة والدفتر طار فى الجو فصرخت وطلعت تجرى وفى لحظة اتحول عبدالله لنور.
معاذ انت كمان هتمشى وتسيبنى ياعبدالله مع السلامة.
دخلت لوسيندا بسرعة المعمل بعد ما رقية طلعت الفصل وهى مرعوبة وبتصوت
لوسيندا ايه اللى حصل يامعاذ وفين عبدالله؟
معاذ عبدالله مشى وسابنى هو كمان مفاضلش غيرى شكلى مطول هنا.
لوسيندا متزعلش يامعاذ انا معاك ومش هسيبك.
تانى يوم كريمة كانت بتحاول تتصل على لوسيندا بس هى مكانتش بترد فقلقت عليها وراحتلها المدرسة وسالت البواب عليها وقالها انها فى المعمل وشاورلها على مكانه،فى الوقت دا كانت لوسيندا قاعدة بتحضر ومعاذ قاعد مستربع على المكتب وساند دماغه على ايده
كريمةبقا انتى قاعدة هنا ولا على بالك من امبارحبتصل عليكى يازفتة وانتى مبترديش فكرت جرالك حاجةولا العفريت بتاعك لبسك.
معاذلا ياكريمة لوسى دى صاحبتى وانا مستحيل البسها.
كريمة برقت عنيهابسم الله الرحمن الرحيم واغمى عليها.
جريت عليها لوسينداوحاولت تفوقها ولسة بتبص لمعاذ لاقته اتحول لنور عنيها دمعت وابتسمت وشاورلتهمع السلامة يامعاذ هتوحشنى انت وهبلك.
المدرسين اتلموا حوالين لوسيندا وكريمة وساعدوها تفوق واول مافاقت روحت جرى على بيتها
عبدالحميدمس لوسيندا لو سمحتي عاوزك فى مكتبى.
فى المكتب
لوسيندابقا كدا ياحضرة المدير تخبى عليا ان المعمل فيه عفاريت.
عبدالحميد بتوتر انا مكنتش متوقع انك تفضلى بعد ماتعرفى الموضوع دا كنت خايف تهربى زى اللى قبلك بس الواضح ان قلبك جامد بس انا خايف دلوقتي بعد اللى حصل الفترة الاخيرة
لوسيندااطمن ياعُبد الوضع تحت السيطرة والعفاريت مشت خلاص والدنيا بقت امان.
عبدالحميد انتى بتتكلمي بجد ودا حصل ازاى؟
لوسيندا بضحك ملكش فيه بقا انا اتصرفت بس خلى بالك انا ليا مكافأة على الموضوع ده
بعد سنة فى اوضة العمليات
لوسيندا براحة عليا ياختى انتى وهى انا مش قادره ارفع رجلى حتى.
الممرضة ياحبيبتي ما احنا بنساعدك اهو تنامى على السرير.
لوسيندا اااااه استنى الطلق زاد ااااه.
نامت لوسيندا على السرير وجه دكتور التخدير عشان يديها الحقنة النصفى
الدكتور اقعدى يامدام عشان تاخدى الحقنة فى ضهرك
لوسيندا بخوف ايه حقنة فى ضهرى لا احنا ما اتفقناش على كدا.
ونزلت بسرعة من على السرير وطلعت تجرى والدكاترة بيجروا وراها حوالين السرير فى الاوضة.
الدكتور بقا هى دى اللى مكانتش قادرة تمشى ومخلية الممرضات ساندينها دى فيها صحة احسن مننا.
دكتور التخدير ماتتهدى بقا ياشيخة فرهدتينا امسكيها يانوال انتى ولبنى بسرعة ايه لعب العيال دا ورانا ولادات تانية.
لوسيندا انتم بتتكاتروا عليا منكم للى كلت دراع جوزها.
بعد ساعة
لوسيندا بتخرف من البنجفين العفريت اللى انا خلفته انتم طيرتوه هو كمان.
كريم عفريت ايه ياحبيبتي انتى جبتى بنوتة زى السكر.
لوسيندا الواد معاذ هيتجوزها وتبقى عفريته زيه.
كريم لا متخافيش مش هيتجوزها.
لوسيندا انت السبب انت اللى عملت فيا كدا.
كريم عملت فيكى ايه ياحبيبتي والله انا برئ معملتش حاجة.
لوسيندا بعياط عوروا بطنى ياكريم اتكاتروا عليا وادولى حقنة طولها متر.
كريم متزعليش ياحبيبتي انا هجيبلك حقك منهم.
لوسيندا لا انا هخليهم يطيروا زى العفاريت.
بعد شوية الدكتور دخل
الدكتور ها عاملة ايه دلوقتي يامدام؟
لوسينداايه المز الجامد دا هو انت متجوز؟
الدكتور بضحك لا ياستى مش متجوز عندك عروسة ليا.
لوسيندا اهى نايمة جنبى استنى بقا لما تكبر واجوزهالك بس اوعا تكون عفريت انت كمان
صلوا على الحبيب المصطفى
يارب يكون الاسكريبت عجبكم
