روايه سكر حياتي البارت الأول بقلم ياسمين سالم
روايه سكر_حياتي البارت الأول بقلم ياسمين سالم
شريهان كانت واقفة في نص الصالة وبتتكلم بصوت عالي جدا في وش جوزها جلال ومن غير أي اعتبار
أنا قلتلك يا جلال يا أنا يا بنتك في البيت ده أنا مش هستحمل داا كتير البنت دي لازم تشوفلها مكان تاني يا إما أنا هلم هدومي حالاً وأمشي ومحدش هيعرفلي طريق
جلال وقف قدامها وظهر عليه التعب والضيق من المشاكل
يا شريهان استهدي بالله بس وقولي كلام غير ده البيت كدا هيتخرب إيه اللي حصل بس لكل ده ما إحنا كنا كويسين اعتبريها زي بنتك ما انتي عندك سهر من سنها يعني حطي
شريهان
سكر مين اللي احطها مكان بنتي عايزني احط بنتك دي قليله الأدب ام لسان طويل مكان سهر
جلال ؛ عيب الكلام دا يا شريهان مش واحده في سنك تقول كدا انتي عارفه انه سكر كويسه بس هي مش بتسكت و مش بتحب تسكت عن الغلط وانتي بتغلطي فيها كتير
سكر خرجت من المطبخ وهي لافة طرحتها الكحلي وبصت لشريهان بهدوء وثبات
اللي حصل يا بابا إن الهانم عايزاني أعملها كل طلباتها الشخصية وانا نازله الجامعه ومش هعرف اعمل دا ونا ا ولما رفضت وقلتلها عندي
شريهان صوتت بغضب وبصت لجلال
شايف يا جلال شايف بنت هانم وطريقة كلامها معايا عاملة إزاي قدامك إنت بتسمع ومابتتكلمش ليه أنا مش هقعد هنا ثانية واحدة تانية والبيت ده سايباهالكم هشوف هتعيشوا إزاي في النكد ده
شريهان سابت الصالة ودخلت الأوضة لمت هدومها وخرجت من البيت كله وجلال قعد على الكنبة وبص لسكر بزعل وعتاب
ليه كده يا سكر ليه دايماً واقفالها على الواحدة
سكر بصتله بلوم وحزن
أعديها لما تغلط فيا يا بابا أنا عديت كتير عشان خاطرك وإنت عارف كدا كويس لكن توصل لدرجة إنها تتحكم فيا وتهين كرامتي وتقولي أمسحي الجازمه بتاعتي واغسلي لبس سهر انا مش خدامه عندهم يا بابا دي بيتي ومفروض الكلام دا كان يبقي منك انت مش انا أنا مابسبش حقي في الدنيا دي وإنت أكيد عارف بنتك سكر
