البارت التاسع انفتح باب أوضة التحقيق رقم (4) ودخل العسكري خضر
ظهرت وزعق
يا رب الصبر من عندك! صابون إيه ومَاية إيه و اتنين جنيه ونص إيه يا عالم يا مجانين أنتوا؟! الموضوع أكبر من كدا بمراحل.. إحنا في مصيبة جنا ئية و قضية أمن دولة!
الحاجة فاطمة اتخضت ولطمت بخفة
يا لهوي! مصيبة إيه يا فنان؟ البت كبت برسيل جيل مش بودرة والله! دا بينظف البقع!
أحمد وقف من ورا مكتبه وبدأ يمشى في الأوضة، وبص لفاطمة بجدية شديدة ، وبدأ يحكي لها كل حاجة من الأول.. حكاية الشبكة الدولية، والصدمة الكبيرة إن عم أسيل لسه عايش ومماتش من 20 سنة زي ما فهموهم! ، وجرا يم مدحت كلها ، ولما وصل للنهاية، صوته هدي وقال بأسف
والصدمة الأكبر يا حاجة.. إن جوزك مماتش في حادثة طريق.. جوزك مق تول بدم بارد على إيد أخوه مدحت عشان يسرق الورث كله.. وياسر دلوقتي أخد القوة ورايح الجبل يدور على مكان الجث ة عشان نطلع الأدلة!
الكلام نزل على دماغ الحاجة فاطمة زي الصاعقة! الصدمة شلت لسانها، وعيونها وسعت لدرجة الرعب، ووشها اتقلب ألوان وجف تماماً. جوزها.. شريك عمرها وأبو عيالها اللي عاشت 20 سنة تبكي عليه وتفتكره مات في حادثة قضاء وقدر، يطلع مق تول؟ ومين اللي قتله؟ أخوه! دمه ولحمه اللي كانت بتعمله أكل وبتستقبله هي و جوزها في بيتهم !
فاطمة نزلت دموعها مغرقة وشها وقالت بصوت مبحوح ومكسور لأول مرة
يا مراري الأسود يا خراب بيتك يا فاطمة! أبو العيال مق تول ؟ مدحت يقت له ؟ الراجل الطيب يتدفن في الجبل والكلاب تاكله؟ يا حسرتي عليك يا أبو أسيل.. يا كسرة ضهري وضهر عيالك!
المحامي أول ما سمع سيرة قت ل و جث ة وأمن دولة وجبل، كشكوله وقع من إيده، ووشه اصفر وبقى زي الليمونة، وقام وقف وخد خطوتين لورا وقال برعب
أنا ماليش دعوة يا باشا! أنا محامي إيصالات أمانة ونفقة بس! قت ل و جث ث إيه؟ أنا هنسحب من القضية دي فوراً.. يا فكيك!
وخد بعضه وجرى برا المكتب كأن
وبعدين يا سعادة البيه؟ هنعمل إيه؟ أنا عايزة أشوف بتي أسيل.. أرجوك يا باشا خليني أدخل أحضنها وأخدها في حضني! البت ملهاش ذنب.. البت هبلة ومبتعرفش حاجة عن البلاوي دي كلها! أرجوك يا أحمد بيه!
أحمد حاول يهديها وقال بنبرة حازمة بس فيها رحمة
أولاً يا حاجة.. تتكتموا خالص ومسمعش صوت الصويت ده هنا في المديرية عشان ده مكان شغل. ثانياً.. وجودك هنا دلوقتي ملهوش أي داعي ومينفعش تشوفي بنتك خالص في الوقت الحالي لحد ما التحقيق الأوّلي يخلص والطب الشرعي يأكد كلامنا.
فاطمة بكت
يعني بنتي هتفضل في الحجز يا بيه؟
أحمد قعد تاني على الكرسي وقال
شغلنا دلوقتي هيكون مع محامي رسمي ومحترم هتعينه النيابة لما يبص في الأوراق ويثبت إن أسيل ملهاش علاقة بالشبكة دي. اتفضلي حضرتك دلوقتي وروحي بيتك، وأنا بوعدك لو بنتك بريئة و هبلة زي ما إحنا شايفين، هتخرج وترجع لحضنك في أسرع وقت. اتفضلي يا حاجة مع العسكري برة.
خرجت فاطمة وهي بتجر رجليها وبتبكي بقلب أم محروق، وأحمد قعد على مكتبه ونفخ وقال
يا ترى يا ياسر هتلاقي إيه في الجبل؟ والرحلة دي أخرتها إيه؟
في عز ما كان الليل بيسحب ضله الكحلي على طريق الجبال الوعر برا حدود القاهرة، كانت كشافات عربيات المباحث والبوكسات مالية المكان . الجو كان ساقعة وهوا الجبل ليه صفير يرعب، بس ياسر كان واقف في وسط الطريق الجبلي، حاطط إيده في جيبه، ونظرات عينه حادة وبتلف المكان ببرود وتركيز مخابراتي عالي جداً.
جمبه كان فريق البحث الجنا ئي بكامل عدته، ورجال الطب الشرعي واقفين مستنيين الإشارة، والكلاب البوليسية عمالة تشمشم في الأرض وتهوهو بصوت مكتوم.
العسكري خضر قرب من ياسر وضرب تعظيم سلام وقال بنبرة قلقانة
يا فندم.. الكلاب حددت النقطة دي بالظبط زي ما المتهم مدحت وصف في التحقيق.. قال إن الجث ة تحت الصخرة الكبيرة دي..
ياسر مردش علطول.. فضِل واقف مكانه، عينه راحت للصخرة، وبعدين بص للأرض اللي حواليها، ولمح نكش غريب في التراب، كأن في حاجة اتدفنت قريب مش من 20 سنة!
ابتسامة سخرية خفيفة ظهرت على طرف بؤ ياسر، ولف وشه لخضر وقال بنبرة هادية بس ترعب
مدحت؟ مدحت عبد العزيز يعترف بالسهولة دي ويقول على مكان الجثة عشان يريحنا؟ هه.. ده لو بيموت مش هيريحني يا خضر.. الراجل ده وشه كان مليان غدر وهو بيتكلم.
خضر استغرب وقال
يعني إيه يا فندم؟ الكلام كدب؟
ياسر رجع خطوتين لورا وشاور لرجال البحث الجنائي وقال بصوت جهوري صارم
كل الناس ترجع لورا فوراً!! مفيش فأس واحد يلمس الأرض دي! هاتولي أجهزة كشف الألغام والمتفجر ات من العربية حالاُ.. اخلص!
الدكتور بتاع الطب الشرعي بص لياسر بذهول وقال
ألغام إيه ومتفجرات إيه يا سيادة الرائد؟ إحنا جايين نطلع هيكل عظمي!
ياسر بص له بجمود وقال
المجر م مكنش بيعترف يا دكتور.. مدحت كان بيسحبني أنا ورجالتي لفخ عشان يخلص مننا ويدفن القضية بجد.. الراجل ده زرع لينا مصيبة تحت الصخرة دي ومتأكد إننا هنيجي نحفر بالعمي!
وفعلاً، العساكر جابوا
الأجهزة وبدأوا يمشوها على التراب بحذر شديد.. وفجأة.. الجهاز بدأ يصفر بصوت متواصل وسريع ، ويطلع إضاءة حمرا متواصلة و متقطعة و متكررة!
العسكري وشه اصفر ورجع لورا وهو بيترعش
قنبلة!! يا فندم في لغم أرضي متوصل بسلك تحت الصخرة.. لو كان الفأس خبط فيه، كنا اتفرتكنا كلنا في الجو ومبقاش لينا أثر!
الكل وقف متسمر من هول الصدمة، وياسر فضِل واقف مكانه متهزش منه شعرة، ملامحه كانت جامدة كأنه كان متوقع،
وبص للأرض وقال بهدوء مميت
ماشي يا مدحت.. حسابك تقل معايا أوي.. هاتولي الخبير يتعامل ويفك السلك ده في ثانية من غير ما نلمس الصخرة.
بعد نص ساعة من التوتر وحبس الأنفاس، خبير المتفجر ات
ياسر شاور للعساكر وقال
دلوقتي بقى.. احفروا وطلعولي الراجل اللي مدحت دافنه هنا!
بدأ العساكر يحفروا بهمة وسرعة، والكل واقف مستني يشوف بقايا جث ة أبو أسيل بعد 20 سنة.. الفأس خبط في حاجة خشب ناشفة.... العساكر وسعوا التراب بإيديهم وظهرت ملامح صندوق خشبي قديم ومكسر من أثر الزمن.
الدكتور بتاع الطب الشرعي قرب، والعساكر رفعوا غطا الصندوق.. وهنا.. نزلت الصدمة اللي شلت عقول الناس كلها وقفلت بؤهم من الذهول!
الصندوق كان.. فاضي تماماً!! مفيش جثة! مفيش عضم! مفيش أي أثر لبني آدم مدفون هنا من 20 سنة!
الدكتور فحص الصندوق القديم والتراب اللي جواه وبص لياسر وعيونه لفت من الصدمة وقال بصوت مرتعش
يا فندم.. الصندوق ده فعلاً قديم ومقفول .... وماتفتحش من 20 سنة خالص.. يعني مفيش جثة اتسرقت قريب.. الصندوق ده اتدفن من زمان وهو..... وهو فاضي!!
ياسر أول ما سمع الجملة دي، عينيه وسعت على الآخر، وصدمة رهيبة شلت تفكيره لثوانٍ.. الصندوق فاضي وماتفتحش من 20 سنة؟ يعني مدحت مقت لش اخوه؟ ولا قت له ودفنه في مكان تاني؟ ولا الصدمة الأكبر.. إن أبو أسيل مماتش أصلاً يومها ولسه عايش على وش الدنيا دلوقتي؟!
ياسر حس إن الأرض بتلف بيه، واللعبة طلعت أكبر وأعمق من شبكة تهريب ومجر م غبي.. دي حكاية مرعبة مفيش حد فاهم أولها من آخرها! ياسر جز على سنانه وعروق جبهته نطت وزعق في الجبل بصوت مرعب
اِقفلوا المكان فورا!!ً ونقالة سريعة على المديرية.. الليلة دي مش هتعدي غير لما أعرف مين اللي عايش ومين اللي ميت في العيلة دي!!
يتبع .........
بارت طويل اهو
أسفة على النكد ده يا حبايب بس لازم يحصل كدا قلبنا الدنيا اكشن ..
ياسر طلع ثعلب وأذكى من مدحت وكشف اللغم.. بس الصدمة اللي ملهاش حل.. الصندوق فاضي!! مفيش جث ة من 20 سنة! ، يا ترى هيحصل إيه
9
آية_عيسى
روايات_واسكريبتات_مميزة
