غيمة_عشق  نور_زيزو✍️ نورا_عبدالعزيز الفصل السادس ( ٦ )

بيحاولوا يساعدوها
تبسم أنيس على حفيده وقال بخفة وصوت مبحوحٍ مُتلعثمٍ 
_ ما دام بتعاند يبقي كويسة ،آيلا تخاف عليها لو سكتت لكن ما دام بتقاوم وتعاند وراكبة دماغها يبقي هتعيش
أومأ أدم إليه بنعم وبعد حديث طال بينهما خرج من الغرفة ليجد هدي فى السيارة تنتظره حتى جاء وأنطلق بسيارته خارج القصر وتتبعه يزن بسيارته حتى يصل إلى آيلا ويحقق مراده الشيطاني بها.....
___________________________________
ظل محمود يسير فى الشقة ذهابٍ وإيابٍ من الغيظ من تفكير أخته وهى تلقي به فى النار حتى تنقذ نفسها من جحيم أبيها، تحدثت هايدى بمكر كالحية قائلة
_ مريم لازم تموت
ألتف إليها بصدمة ألجمته ولا يصدق ما تفوهت به زوجته الآن فقال بتلعثم من هول الصدمة
_ إنتِ قُلتِ إى؟
وقفت من مجلسها على الأريكة ببرود وكأنها تتحدث عن سكب كأس الماء بسهولة وصارت نحو البار الموجود فى زاوية المنزل هاتفة
_ بقول لازم تموت، مالك أتخضيت كدة ليه؟، تقتل مريم تكنش أول مرة ولا حاجة؟ ولا هى مريم أعز من محمد مثلًا... أنت سحب الزناد على محمد وقررت قتله عشان هيدير شركتك ما بالك بمريم اللى بتخطط أنها تورث المجموعة كلها مش بس شركتك، راحت تضحي بيك لأبوكِ وبتأمر رجالتك وجواسيسها بقتل آيلا .. تقدر تقولي بعدها هيتبقي مين يورث غيرها
نظر إليها بتفكير وبدأت عقله الأعمي بالمال والطمع يصدق حديثها ويقتنع به فتابعت الحديث ويدها تسكب القليل من الخمر فى الكأس
_ فكر فيها كويس ، لا أنا ولا أنت نقدر نبعت مديحة تحط السم لآيلا فكدة كدة مفيش حد يعملها غير مريم، تفتكر بقي ليه تروح توصل لأبوك أنك أنت اللى عملتها بعد ما أكتشف أن في سم فى جسم آيلا
صمت ولم يُجيب عليها فأخذت الكأس وسارت نحوه بدلال وأعطته الكأس وعينيها تحملق به وقالت بوجه برئ تصطنع الطهارة
_ أنا شريرة وشيطانية وعايزاك تقتل أختك ووحشة... فكر أنت بعقلك اللى مش شرير ولا وحش أى اللى يخلي مريم تتصرف من الناحيتين ، ناحية بتأمر بقتل آيلا وناحية تتهمك أنت بكل دا قصاد والدك المصون وهى مُدركة كويس أن أنيس بيه لما يعرف حاجة زى دي هيأمر بقتلك فورًا خصوصًا أن دى آيلا الحاجة الةحيدة اللى باقية من محمد اللى برضو مات مقتول وهى قالتله أن أنت اللى قتل... يبقي هو يقتلك وهى رجالتها تخلص على آيلا من الناحية التانية وأبوك اللى بيصارع الموت فى السرطان وأيامه معدودة مش هتحتاج تأذيه لأن قريب أوى مش هيكون له وريث شرعي غيرها
بدأ يفكر فى حديثها ويعقله يستوعب ضخمة هذه الكارثة وأن الحل الوحيد له هو قتل مريم حقًا بعد أن ضحت بيه لأجل مقعد رئيس مجلس الإدارة للمجموعة، أرتشف الكأس فى رشفة واحدة من الغيظ وبدأت عينيه يتطاير منها نار الشر والأنتقام فتمتم بعجز شديد
_ عندك حق فعلًا... مريم لازم تموت، أنا هقتل مريم يا هايدي وبعدها هخلص من آيلا وبكدة مش هيكون فيه حد يورث غيري أنا ، مريم متستاهلش أنى أعمل أى حاجة عشانها ... لازم تموت
يُتبع.......