المتهمة مال_الشام الجزء_الآۆلْ_والاخير

المتهمة
مال_الشام
الجزء_الآۆلْ_والاخير
ام ليان يا امي مشان الله قومي اطلعي ع المخلوقة قطعتلي قلبي من البكي قومي بس بدها تسالك كم سؤال
ليان انا ما بعرف شي ما بعرف شي اتركوني بحالي
ام ليان لا حول ولا قوة الا بالله.
فجأة فاتت عالغرفة ام سمير و صارت تعيط بصوت عالي 
وتقول يا بنتي مشان الله مشان الله ما عم نعرف وينها بنتي 
انتي رفيقتها اكيد بتعرقي شي ساعديني ساعديني 
و هجمت على ليان و صارت تبوس ايديها 
ليان عم تبكي و ام ليان عم تحاول تبعدا و تهديها و خافت ع بنتها لان حالتها النفسية تعبانه 
ليان مااااا بعرف مااااابعرف. اتركوني بحالي انا ما بعرف وينها ياربي ما بعرف شو صارلها مابعرف شي متلي متلكن
ام سمير ياربي دخيلك وين بدي روح بحالي اخوتها الشباب عم يدورو عليها بدهن يقتلوها 
هي وحيدتي و رفيقتي ربيتها كل شبر بندر 
وين راحت وين راحت
ام ليان قربت من بنتها و مسحت ع شعرها و ضمتها لصدرها يا امي لا تخافي لجين رح ترجع ما رح يصرلها شي بس حاولي ساعدينا يعني وين ممكن تكون راحت ازا حكت معك اوبتعرفي وين اراضيها احكيلنا.. 
سكتت ليان و ما حكت شي 
مسحت ام سمير دموعها و قعدت جنب ليان و حطت ايدها على كتفها ليان احكيلي الحقيقة، لجين هربت مع وائل؟ 
انصدمت ليان و طار عقلها ما عرفت ترد شي
ام سمير يا بنتي احكيلي الحقيقة يمكن اقدر حل الامور احكيلي قبل ما يلاقوها اخوتها و يدبحوها انا لهلا عم قلهن بنتي صايرلها شي و مستحيل تكون هربت، بس ازا في هيك شي احكيلي و بوعدك ساعدها و احميها 
لك هي بنتي، بنتتتتتي حبيبتي قطعة مني ما رح خلي حدا يلمس شعره منها 
ليان ضلت ما حكيت و لا حرف 
ام سمير ليكي فكري من هون لبكرا و رح ارجع لعندك و بدي اخد منك الحقيقة فهمانه؟ 
طلعت ام سمير و لحقتها ام ليان 
ليان ركضت قفلت باب غرفتها و صارت تبكي بصوت عالي 
تبكي بحرقة ع رفيقة عمرها الي كبرو سوا و ربيوا سوا 
وفوق هيك شاكيين انها هربانه مع وائل و بدهن يدبحوها 
وائل اصلا حبيبها ل ليان 
القصة انو لجين كانت مدلله كتيرررر و متوفرلها كل شي
بينما ليان وضعهم المادي صعب لهيك كانت تحكي مع وائل من موبايلها و تبعتلو رسائل من عندا قبل ما ابو ليان يهديها موبايل و مره ام لجين لقطت رساله مكتوب فيها وائل حبيبي اشتئتلك  
و جن جنانها و ضربتها كتير بس لجين ما رضبت تحكي انو هي الرسالة لليان لان خافت امها تحكي لام ليان 
و تحملت ضرب و اهانه كرمال تحمي رفيقتها 
وهلا بدل ما يلاقوها مفكرينها هربت!! 
ليان كانت رح تختنئ 
كانت خايفه تقلهن روحو لاقوها للجين لان بعمرها ما حبت و لا بتعرف ذكر غير ابوها و اخوتها السته كيف بدها تفهمهن و هي خايفه من امها و ابوها كيف!
تعبت ليان من البكي 
فتحت موبايلها و صارت تقلب بالصور صورها هي و لجين 
و تتزكر رفقتهن و علاقتهن 
و فجأة و صل رسالة ل ليان و كانت مت رقم غريب 
اجت لتفتحها و بلشت تقرأ شو المكتوب..
خلي السر مخبى مشان ما جيبك لعندنا 
مافهمت شي من الرسالة ابدا 
توقعت انو حدا غلطان و باين موضوع شخصي 
قمت حطيت راسي عالباب لاسمع ازا في صوت برا 
و تاكدت انو امي مو بالييت 
اتصلت فورا على وائل لاحكيلو الي صار و مشان يساعدني بحل.. 
ليان الو وائل
وائل اهلين حبيبتي كيفك
صارت تبكي ليان
وائل لك شبك شو في
ليان ما لقو لجين صرلها اسبوع مختفية قلبي متل النار
وائل والله هالبنت ما بتستاهل يا حرام
ليان وائل في مصبله كمان
وائل اوف مصيبه! شو في
ليان اهلها للجين مفكرينها هربت معك
وائل شووووووو لك شو عم تحكي
ليان والله متل عم الك، امها مو نسيانه الرسالة الي لقطتها مره و علا مفكرة انكن هربتو سوا
وائل العمى على هالشغله! و الحل هلا؟ 
ليان بالاول خلينا نلاقي البنت و بعدها كل شي مو مهم والله خايفه عليها
وائل طيب ياعمري يا روحي انتي مو متزكرة شي صاير 
شغله حكتلك ياها لجين ما لاحظتي عليها شي غريب اخر فترة!؟ يمكن البنت عنجد هربت مع شب!! 
ليان لك وائل بلا جنان انا بعرف لجين اكتر من حالي تصرفاتها كانت طبيعية كتير
وائل كيف طبيعيه و انتي كنتي تقليلي انها بدها تترك البكلوريا و ما عاد بدها تجي عالمدرسة؟ 
ليان لك ايه بس هاد موضوع تاني 
ولي 
العمى لك كيف راح من بالي 
ولييي يبعتلي حمى يبعتلي حمى 
ياربي كيف نسيت
لك كيف نسيت
وائل شو نسيتي شو في؟؟؟ 
ليان الله ياخدني على هالنسوة لك انا تزكرت شي
لك ازا الي ببالي صحيح بتكون مصيبه 
لك مصييييبه مصيييييبه
وائل لك لا تجننينييا مخلوقة فهميني شوووو فيييي
ليان لك وائل انا تزكرت في شي مهم لازم قولو لاهل لجين 
انا لازم رووووح
وائل ما رح تروحي قبل ما تفهميني هلا بدك تحكي شو في
ليان طيب طيب رح احكيلك
ليان اخر شهر لجين كانت تجي الصبح مقلوبة قلب وبنوب مو رايقه و تضل سرحانه و معصبه
وائل ايه؟ 
ليان اول اسبوع ما كانت تقلي شبها مع انو هلكت و انا حاول فيها بس بعدين قالتلي 
وائل شو قالتلك؟؟ 
 
لجين طيب حاج تنقي رح قلك 
لياناخيرااااا قولي يلا 
لجينكل يوم الصبح و انا جايه على طريق المدرسة بيتعرضلي شب، بيكون راكب سيارة بيضا فخمة اول مرة شفتو فيها وقف السيارة جنبي و قلي لو سمحتي و ين في سوبرماركت؟ 
قلتلو هنيك بهديك اللفه 
قلي و فيها شغلات طيبة؟ 
استغربت و سكتت قلي شغلات طيبة متلك 
بتتاكل يا لطيف شو طيبه 
و صار يتطلع بنظرات بترعب قمت انا ركضت بسرعه و كنت ميته رعبه منو 
ليان يييي ياعمري الله لا يوفقو ما اوسخو! طيب ما كان في عالم بالشارع؟ 
لجين في بس خفيف و كانو بعاد، اتتي بتعرفي طريق بيتنا الصبح شبه فاضي.. 
ليان طيب و هاد سبب زعلك كل هالفترة؟ 
لجين لا ياريت هيك بس هاد الحيوان كل يوم بجي و بنزل الشباك و بقلي وين في سوبرماركت؟ و بيضحك 
اوقات بصبر يزت حكي ما حلو 
و انا عم خاف كتير
ليانيبعتلو قطع لسانو شو انو ما بخاف الله، و انتي ليش ساكته خبري اهلك خليهن يربوه
لجين لااااا مافيني اخواتي بيدبحوه، انتي بتعرفي كيف تفكيرهن جد بيدبحوه و انا مابدي تصير فضيحة بسببي
ليان يا حبيبتي يا لجين ما بزبط هيك هاد الحكي ما بنسكت عنو، هاد الغبي عم يجي كل يوم شوفي كيف حالتك عطول خايفه و متدايئة وين لجين الي ضحكتها ما بتنطفي؟ 
لجينمافي حل الا انو اترك المدرسه!! تعبت والله اعصابي الفت صرت شوفو بكوابيسي 
ليان مجنووووونة شو عم تحكي!! بعد ما صرنا بكلوريا و رح نحقق حلمنا و ندرس هندسه
لجين ما في غير هالحل انتي مابتعرفي الرعب الي عايشه فيه 
ملامحو بترعب
ليانلا تكبري القصه وليه بكره بمل و ما بعود يجي بس يشوفك