المتهمة مال_الشام الجزء_الآۆلْ_والاخير

ما عم تعطيه وش! 
وائل اييييييه؟؟ 
ليان هاد كل شي و بعدا ضلت لجين مهمومة و صار وزنها ينزل و صارت تغيب اغلب الايام عن الدوام! 
وائلولك مجنونة انتي كيف ما بتحكي هالحكي لاهل البنت
ليان يعني ممكن يكون الو علاقه بغياب لجين؟
وائل يا الله الغباء روحي فورا اتصلي على اهلها 
فورا
ليان يلا سلام 
وااائل لحظة في شي 
وائل شو في مصايب تانيه؟ 
ليان ليش بتحكي. معي هيك
وائل قليلي شو في؟ 
ليانمن شوي وصلتني رسالة قبل ما دئلك! 
وائل من مين؟ 
ليانمن رقم غريب. 
وائل شو فيها؟ 
ليان رح سكر و ابعتلك الرسالة متل ما وصلتني و انت احكيلي ازا رح تفهم نفس الي جاي ببالي هلا لاني كتير مرعوبه
سكرت الخط و بعتت الرسالة متل ما هي لوائل. 
خلي السر مخبى احسن ما جيبك لعندنا 
نطرت وائل يرن بس تاخر بعدين دئلي و رديت فورا
ليان اي وائل شو هاد يعني! 
وائل اسمعي...لا تحكي لحدا شي انسي كل شي!!!
ليان شو قصدك
وائل متل ما سمعتي. يبدو لجين حاكيتلو انك الوحيده الي بتعرفي و لهيك هددك 
ازا حكيتي ما رح نوصلو لان ما عندنا اي معلومة عنو 
بس هو بقدر يوصلك
ليان لك و لجين!!! خلص اتركها هيييييك؟؟؟ 
وائل مااا رح اتركها ما رح اتركها افهمي بقى 
ابعتيلي الرقم الي بعتلك المسج رح حاول اعرف مين صاحبو
ليان يا وائل القصه مو لعبه، القنت بين ايديه مافينا نتصرف ع كيفنا لازم الشرطه تدخل
وائل ازا بصرلك شي بحرق لجين و اهلها ها 
لا تخليني جن هلا. لا تفتحي تمك يعني لا تفتحي تمك 
انا رح حاول اتصرف و سكري خطك افتحيه كل نص ساعه احكي معي و سكريه
ليانوائل مافيني اعمل هيك برفيئتي
وائل ليان حبيبتي افهمي علي، هاد الحيوان بقدر يوصلك قبل مانوصلو 
ما لازم يعرف انك خبرتي حدا لتضلي بامان. انا رح حاول اعرف اي شي عالساكت لجين غلطت لما ما خبرت اهلها 
حتى لو قلتيلهن هلا يمكن يفكروكي عم تغطي عليها وما يسدئوكي
طولي بالك علي بس يومين
ليان يومييييييييين!!! لك ازا صرلها شي ما بسامح حالي
وائل لا بعيد الشر ما رح يصيرلها شي! 
ليان انا حاسه بالذنب قلبي مو مرتاح! 
وائل خلص ريحي حالك و ابعتيلي الرقم و انا بتصرف
سكرت الخط بعتلو الرقم و طفيت موبايلي و كنت ميته من الخوف لدرجة صارت معي حمى ارتفعت حرارتي و صرت ارجف طول الليل امي تحطلي كمادات و انا خايفه كتير 
تاني نهار اجت ام سمير لتسالني بس امي قلتلها اني مرضيه و ما فيني احكي او شوف حدا 
و انا كنت عد الدقايق و الثواني 
وقلبي عم يرجف من الرعبه 
هيك لحتى بعد 3 ايام 
كنت مقررة روح لعند امها للجين و احكيلها كل شي 
شو ما كانت النتيجة 
بس القدر سبقني وصلت على بيتهن
وشفت هديك الشوفه!
وصلت لعند بيت لجين و رجلهيا عم يرجفو ... كانت عرفانه انو ما رح يصيرلها خير لانها خبت تلت تيام ... وهي عم تفكررر سمعت ضجة وصوت كتيررررر و صراااخ 
قربت اكتر لتفهم شو الي عم يصير
ام سمير لقوووهاااااااا ؟؟؟ لقوووهااااااا ... ياررب الك الحمد والشكر يارب بنتي التقت ... بنتي ظلومة بنتي ما عملت شي غلط
جمال امي لسه ما منعرف عايشه ولا ميته لان الشرطة بس خبرتنا انو اجاهم بلاغ وين مطرح الي مختطف لجين و طلبو منا نروح على القصم
محمد و كمان ما منعرف شو صار فيها يمكن جابتلنا العاار ووقتها لو كانت عايشه نحنا رح ندبحها
مهيب الله يوطي راسها بنت وحده وفضحتنا ونحنا ست رجاال والله لاشرب من دمها
ام سمير الي بيمس شعرها منها بغضب عليييييه
وطلعو الشباب وأبو سمير كلهن بالسيارات مستعجلين و ام سمير تعيط وراهن وتقلهن الي بيلمس شعره من بنتي بغضب عليه ليوم الدين
انا حسيت جسمي قشعر ... انتفض جسمي فجأة و حطيت ايدي على قلبي و صارو دموعي ينزلو 
أخيرا رفيقتي راجعه 
ركضت لعند ام سمير و كانت منهارة وخايفه 
إحساس ما بينوصف ... مزيج بين الفرح و الخوف و الأسى ! 
اغرب إحساس بحسو بحياتي ..
ام سمير لقوها يا خالتي لقوها .. كانت مخطوفة مو هربانه متل ما اتهمناها !! 
لجين رح ترجع
ليان الف الحمدلله انا قلتلك لجين مستحيل تكون هربانه انتو ما سدئتوني
ام سمير بس مين وليش ...ليش ليخطف بنتي شو عملنالو ... بنتي بعمرها ما أذت حدا ليش ليئذيها ليش
لبان وكلي الله هلا بيجيبوها و منتطمن عليها !!
مرو ساعات كانو طوال كتير ... ام سمير رنتلهن كتير بس ما ردو علينا .. 
هيك لسمعنا صوت سيارات برا !! ركضنا بسرررررعه
و نزلو من السيارات ... و نزلو معهن لجين 
كانت بحالة بتبكي الحجررررر 
متل العصفور المبلول ريشو .. المكسور جناحو .. 
وشها اصفرررر 
وماسكينها اخوتها بقوة ..
ركضت أمها عليها وصارت تضمهاااااا وتبوسها و تشدها 
قام أبو سمير بعدها عنها ... قلها مو قبل ما نفهم منها الي صار
ام سمير شو بدكن تفهمو ؟
أبو سمير خليها تفوت تغسل وتاكل وتنام ... و بكرا رح نحكي بكل شي و نقرر
بس فااتت ركضت مسكت ايدها وصرت بوسها ... وهي صارت تبكي وما حكت شي
قررت ما اتركها بهيك وضع اتصلت ع امي وقلتلها انو لجين رجعت وانو رح ضل عندها لتاني نهار لاتطمن عليها
فتت انا وياها وامها ع غرفتها وشلنا عنها الغطا الي كانو لافينها فيه ... و اخدناها لنحممها 
كان جسمها كلو احمر ومتحسس كتييييييييييييييير كتير 
غسلت ونشفت و مشطت شعرها واكلت و نامت ....
وام سمير كانت متوترة كتير وخااااااااااااايفه ... وبصعوبة الله اعطانا القوة لنتحمل لطلوع الضو ...
اول ما طلع الضو بعد صلاة الفجر .... مهيب دفش الباب علينا وقال لامو صحوها وتعالي انتي وياها 
بمعنى انو انا ضل بالغرفه وما روح معن ... 
صحينا لجين ... كات وعيت شوي وصارت تحكي 
وطلعت مع أمها وانا وقفت ورا الباب لاسمع
أبو سمير مين هاد الي خطفك ؟
ما ردت لجين ..
محمد ليييييييييش ليخطفك انتي من بين كل بنات العالم ؟ كيف بدنا نسدء انو انتي ما دخلك وانك مو عامله شي ليخطفك !!
لجين انا كنت خايفه احكيلكن عنو بس اكيد ليان خبرتكن اديه انا كنت خاف منو وشو كان يصير معو
ام سمير ليان ؟ تخبرنا بشو ؟ ليان ما بتعرف شي كنت روح لعندها كل يوم وقالت ما بتعرف شي
انصدمت لجين !!!
أبو سمير ما بدك تحكي شو صار معك ؟؟؟
لجين نزلت راسها ونزلو دموعها والله ما لمس شعره مني ...ازا هاد الي خايفين منو اتططمنو 
ما لمس شعره مني
مهيب لكن شو الي صار . ما طلب منا مصااري يعني هدفو كان شيت اني
لجين انا بس اخدني رماني بغرفه وطلع وسكر الباب وقلي راجعلك ...وانا كنت خايفه كتير وعرفانه شو ممكن يعمل ... بس رب العالمين ساعدني ... و قدرت احمي حالي بدون ما يلمس ظفري
أبو سمير كيييف ؟؟؟؟
لجين كان في بطانية باأرض ... بطانية صوف ... و انا عندي حساسية قوية كتييييييييييير من الصوف وامي بتعرف هاد الشي
ام