المتهمة مال_الشام الجزء_الآۆلْ_والاخير

تسمعي مني ولا كلمه 
واخرها بتقليلي روح تجوز لجين .. وهلا بتقليلي ليش ما خبرت لجين ، عفوا بس انا ولجين لعبة بايدك شي ؟ 
ومشاعر لجين مباحة الك لاتزوجها وتضل عايشه معي بنقص وغصة اني بس تجوزتها من باب الشفقه و لانك انتي طلبتي ؟ 
ليان مو هيك ... امانه لا تقسى علي انا كتير حسيت بالذنب وما كان في غير هالحل انا بحبك اكتر من روحي وما بتحمل شوفك مع غيري يا ريتك حااسس بوجعي يشي ما بينوصف 
وائل ايه الله يريح بالك ، انا هلا رح اتزوج ولاز كون مخلص لزوجتي وحبها و احترمها وما عاد اقدر احكي معك ابدا 
لان لجين رح تزعل ازا عرفت 
ليان رح تزززعلل ؟؟؟؟؟؟؟؟ لك مو هيك بتعرف اديه كنا نحب بعض لا تجنني حاجتك بكفييييي
وائل ايه وهي سالتني عن هالموضوع وانا قلتلها انو انا من زمان معجب فيها وبعدين من زمان انا وياكي علاقتنا ما بتتجاوز الصداقة لان صارت بيناتنا كتير مشاكل واختلفنا 
ليان لك وائل انت شو عم تعمل ليش هالئد قلبت قاسي .... حاسه روحي عم تطلع من جسمي حكيك متل السم انت مستحيل تكون حبيتني بيو مستحيل 
وائل الي ما حب بيوم بيعرف حالو منيح ....انا زتيت حالي على هالجوازة مو بس مشان ، ولان لجين ما بتستاهل انا كتير بعرفها منيح لهيك مشيت على قرارك بس هلا ما رح اسمحلك تضلك تتحكمي بحياتي ... اتركينا نعيش
انا كل عمري بشوف هالبنت اختي بس هلا صرت أتطلع عليها بطريقه مختلفه ولازم اتقبلها وحبها لنعيش مع بعض ونستر على بعض ... و هلا عن ازنك ... سلام ... 
سكرت ليان الخط و جمدت بارضها وصارت تحاكي حالها  
لك انا شو عملت بحالي ... انا شو الي عملتو 
كيف تركت الي بحبو هييييك .... انا شو الي صار معي 
كيف بدي اتحمل شوفهن مع بعض
كيف بدي عيش
كيف بدي اتقبل انو وائل جوز لجين 
انا شو بدي اعمل بحالي شووووووو شو يارببببببببببي
وهيك ضلت ضلت كل الليل تبكي ....
تاني نهار الظهر اتصلت لجين على ليان 
لجين كيفك يا دبه 
ليان تمام 
لجين ليكي في مفاجئة 
ليان قولي ؟ 
لجين وائل طلب مني نخلي العرس بكير لان مو متحمل يبعد عني ... العرس صار الأسبوع الجاي وانتي اول المعزومين 
ليان غصت بدمعتها .. 
ليان مبروك حبيبتي ... اكيد انا اول الحاضرين الله يتمملكن على خير يا ررب 
لجين تسلميلي يلا بدي اعزم باقي رفقاتنا باي
انصدمت ليان كيف هيك لجين ما عم تراعي مشاعرها ... كيف ما احترمت انو بيوم كان هاد الشب حبيبها 
كانت بعيونها تشوف اديه منحب بعض
اديه عشنا أيام حلوة مع بعض
معقول انا تخليت عن كل ش يكرمالها وهي مو حاسبه حساب لمشاعري .. 
مستحيل روح على العرس 
مستحيل شوف حلمي قدام عيوني متل ما هو بس عم تعيشو وحده غيري .. .
وهيك اخدت قرار انها ما تحضر العرس ... وقرب الموعد ... هون تدخلت ام ليان وأجبرتها تحضر ...
رفضت ليان كتير بس أمها ما سمحتلها واصرت عليها ....
لبست ليان تيابها كانها رايحه على عزا .... وطول الطريق عم تبكي وامها مو فهمانه شبها وليان تقلها انها تعبانه كتير 
فاتو ... قعدو على طاولة قريبه من قعدت العروس ...
وطلت لجين متل البدر بليلة مظلمة 
طلعت متل اميرات الأحلام .... الكل صار يصلي عالنبي على هالجمال و ليان غارت اكتر واكتر 
و قررت تنزع هالفرحة الي على وش لجين 
قررت تترك طيبتها و تضحيتها على جنب ... و تواجه لجين انو هي الي اعطتها حبيبها 
تواجها انو هي الي سترت علها وخلصتها من الجحيم عند أهلها 
كل الشر الي بقلب ليان تجمع وبدها تطلعو على شكل كلمات تحرق فيهن قلب لجين متل ما هي ووائل حرقو قلبها ... 
قربت منها و دموعها عم ينزلو ... قربت من ادنها وقالتلها .. .
ليان ليكي بدي قلك شي لازم تفهميه منيح
لجين ليان انا كتير بحبك .... بحبك من كل البي .... وانا فهمانه انك خبيتي غصب عنك ووائل الي طلب منك هاد الشي لهيك مسامحتك وسكري الموضوع
ليان انصدمت و ضلت تبكي لحتى انتبهت عليها لجين
لجين لك ليش عم تببببببكي ؟؟؟؟؟؟؟؟؟؟؟
لسه ليان بدها تحكي ... وسمعت صوت زفة العريس .. 
صار قلبها يدق وصوتو اعلى من صوت الطبول ... تجمعو النسواان و عليت الأصوات وليان ما عاد فيها تحكي أي شي ...
وقفت بعيد متل التمثال ... بلا روح بلا إحساس بلا أي مشاعر ... الشي الوحيد الي باكد انها بشر هن دموعها الي متل الشلال على خدها ...
ومع فوتت الرجال .... رفعت راسي لشوف حبيبي بالبدلة السودا 
رفعت راسي لشوف عريسي عم ينزف لرفيقة عمري ... 
ما كنت شايفه شي بسبب دموعي ... مسحتهن بكم الفستان الي لابستو متل الصغار 
وشي كلو انتزع من الكحل والمسكرا ... بس ما كنت عم فكر بشي ... 
بالأخير وصل العريس لعند عروستو لجين وطلع يلبسها الدهب 
كنت لسه بوعي بشكل كافي لميز انو هاد الي طلع مو وائل !! 
فركت عيوني منيح .... لك هاد مو وائل هاد مو وائل شو فييييييييييييي !!!!!!!!!!!! 
فكرت حالي جنيت وصار لعقلي شي .... ثواني ما كنت فهمان هشي ... 
لوقت ما حست حدا وقف جنبي ... رفعت راسي وشفت وائل !
وائل بتعرفي ؟ يعني انا والله وصفتك لامي ست الحسن والجمال بس ازا شافتك هيك بهل منظر بدها تقلعني من البيت ... لك شبك ما معك محارم ... خدي هي محرمة
كنت انا متل الجدبة ... اخدت منو المحرمة وصرت امسح فيها ... بعدين رفعت اصبعي و اشرت على العريس و قلتلو و انا عم ابكي وانشح مين هاد ؟
وائل ههههههههههههه لك هاد غسان اخي الي بشتغل بالكويت
ليان طيب هو ليش يهنيك وانت هون ؟
وائل ههههههه لك شكلك بموت من الضحك وقفي بكي واحكي متل العالم ... انا حكيتلو وقتا عن لجين و عن وضعها وكل شي و وصفتلو ياها واخي قلي بدو يشوف البنت بالاول ... بالفعل رحنا طلبناها و اخي بس شافها طار عقلو الدب
ليان وليش لجين كانت تقلي انو انت العريس ؟
وائل ايه لانو انا طلبت منها هيك هي و أمها .... وضحت لامها سوء التفاهم وانو انا رايدك انتي والرسالة انت كنتي باعتيلي ياها وانا بدي اطلبك 
وقلتلهن انو انتي مزعلتيني بموضوع كبير وبدنا نترك بعض ازا ما ساعدوني ... يعني بهرت شوية حكي واقنعتهن يمشو معي باللعبه
ليان بتعرف انك بلا إحساس ؟ حرااااااااااام عليك انت موتتتني الف موته ليه هيك عملت فيني ليييييييييش
وائل مشان تتعلمي درس ما تنسيه بحياتك ... دايما اعطيني فرصه وضحلك موقفي وبعدها احكمي ... وبعمرك لا تفكري انو الحل بكون ع حسابك انتي او انك تضحي فيني 
نحنا سوام نلاقي الف حل
انتي ريحي هالبطيخه الي بين كتافك 
طيب ؟
ليان ما اغلظك والله انك دب
وائل لك ينعن ديبك على هالمنظر روحي غسلي وشك قبل ما تشوفك امي عليم الله ما بتخطبلي ياكي لو يطعلو عيوني
ليان بالله ؟