المتهمة مال_الشام الجزء_الآۆلْ_والاخير

سمير ايه مزبوط من وهي صغيره ما بلبسه تياب صوف حتى بالبرد لان جسمها بصير احمرررر وبصير يحكها لدرجه مكن ينزل منو دم
لجين ايه فانا مسكت البطانية وصرت افرك فيها جسمي ووشي وايدي وبلش جسيم يتحسس ويصير احمر وطلعت فورا الحبوب و حسيت رح اختنئ بس ما كان عندي حل تاني
أبو سمير وشو الفايده ؟؟
لجين الفايده انو بس فتح الباب قلتلو انو انا مريضه وما سدئني وقلتلو عندي مرض معدي وازا بلمسني رح ينتقلو وكمان ما سدئ .... لهيك ورجيتو ايدي كيف كلهن دم وحبوب ... ورجلي كمان
ورفعت لجين عن جسمها قدام الكل لتثبتلن حقيقة حكيها ... 
سكت الكل وانا احترق قلبي عليها و دموعي ما وقفو لحظة
مهيب طيب وفضيحتنا قدام العالم ؟ وين بدنا نودي وشنا ومين رح يسدئنا
ام سمير مااااا حدا دخلو ببنتي ما حدا دخلو
أبو سمير الله يسود وشك فضحتيناااااا فضحتينا انقلعي على غرفتك
اجت لجين وامها وهن عم يبكوووو وانا حاول هديها وقلها طولي بالك و بكرا بيروقو و بكرا الشرطة بتخليه يعترف على كل شي و يعرفو انك بريئة طولي بالك ..
اتطلعت فيني لجين تطليعه كلها حقد ... و ضربتني كف على وشي !!!
و ما استوعبت ليه هيك عملت الا لما حكت وقالتلي
لجين كل شي صار معي بسببك .. .شكو فيني وما عرفو يلاقوني لبعد 10 أيام الله لا يسامحك
شفت الموت بعيوني وتعزبت وانقهرت ومع كل شي كنت مفكرة انك قلتيلهن وهن هلا عم يدورو علي 
طلعت انا عم اتعزب و الكل مفكرني هربت
ام سمير ليكي وليه انقلعي من بيتي اعتبرتك متل بنتي بس طلعتي بلا اخلاق كنت بوس ايديكي لتحكيلي شي 
انقلعيييي
مرقو أسبوعين على هالحكي وانا ووائل كمان تقاطعنا لان هن لاموني وانا لمتول الو ... حاول يحكي معي بأي طريقه بس ما رضيت 
وكانت حالتي كتير سيئة كل ما اتزكر ةضع لجين والي عانتو بسبب سكوتي وانانيتي 
الحكي طلع على لجين كتير 
كتير عالم مسكت سيرتها و الكل صار يحكي على عيلة أبو سمير وانو الله اعلم شو صار مع البنت مره سمعت الجارات عنا هك بيحكو وما تحمت طلعت قلعتهن من البيت 
حسيت هاد كلو ذنبي انا ... وبنت متل لجين متل القمر ضاع مستقبلها 
كان ممكن نلملم الموضوع على بكير ... بس انانسيتي وبشاعتي خلوني رد على وائل ..
وائل !! ... صح وائل كان مسؤول معي ... 
فكرت كتيييييييير بالاخير لقيت حل ... صعب كتير رعلي اصعب من الموت بس ما عندي غيرو ..
اتصلت على ووائل ..
ليان الو كيفك 
وائل أخيرا رضيتي تسمعييييني ؟؟؟ ليكي انا لازم قلك شي رح يخليكي تسامحيني 
ليان انا رح قلك شو الي بخليني سامحك 
وائل شو ؟ 
ليان انت لازم تروح تتجوز لجين ..
وائل كيف ما فهمت ؟ 
ليان سمعتها للبنت صارت ع كل لسان ، ما عاد حدا رح يخطبها وانا متاكده أهلها معيشينها بجحيم
هاد كلو لييييش !! وبسبب مين ؟ ؟ بسببنا بسبب انانيتنا وحقارتنا
وائل لا يا ليان انتي غلطانه ...
ليان وائل والله كل عمري ما بسامحك ازا ما عملت الي قلتلك عليه
وائل انتي بكامل وعيك وانتي بتطلبي مني هاد الطلب ؟
ليان ايه وائل ... انت طلعت من قلبي وما عاد في شي بيناتنا يتصلح ...
وائل كل هالقد ؟ بس لاني خفت عليكي ؟
ليان رح تخطبها لبنت ؟
وائل خلص هنت عليكي ؟
ليان رح تطلبها ؟
وائل بهل بساطة ؟
ليان رح تطلبها ؟
وائل بس انا بحبك
ليان رح تطلبها ؟
وائل ماشي .... ماشي يا ليان ... انا رح اخطب لجين
سكرت الخط و صرت ابكي متل المجنونة .... الشب الي بحبو ... رح يتجوز رفيقتي
ورفيقتي ما عادت رفيقتي 
كل شي بحياتنا تدمر كل شيييييييييي
ما في مرقو يومين وسمعنا بخطبة لجين ، اكيد أهلها فورا وافقو لان تفكيرهن رجعي وبدل ما يدعمو بنتن اعتبروها عار
فعلا ما كنت عرفانه انا شو عملت ... وكيف طلع من قلبي هيك
بهداك المسا دئ باب البيت ... فتحت امي الباب وصارت تهلي وترحب ... وسمعت اسم لجين !!! 
ركضت لبرا لقيت لجين ومها جاين لعنا 
كانت حليانه ومفتحه وعم تضحك ! 
ركضت لعندها وضميتهااااا بكل قوتي وهي كمان ضمتني 
فكرت وائل مخبرها انو انا طلبت منو يخطبها لهيك سامحتني
قعدنا وصرنا نحكي وبعدين اجت سيرت خطبتها وصارت أمها تحكي عن وائل و شبوبيتو و شغلو ومركزو و ادبو وكيف بدلل لجين وكيف بحبها وانا شعلت بقلبي نار ما بتنطفي ...
استأزنت لاعمل قهوة ولحقتني لجين ..
لجين لولو .... وائل قلي ... 
ليان شو قلك ؟ 
لجين قلي انو هو الي بلغ الشرطة عن مكاني بعد ا اخد منك الرقم وعرف وين بيت صاحب الرقم ... وفهمت انك انتي وياه سبب خلاصي ولولاكن كنت رح موت ... جد اسفه كتير ما بعرف كيف شكيت فيكي للحظة 
ليان نعم !!!!! .... وائل هو مبلغ الشرطة ؟ 
لجين ايه ليش ما بتعرفي ؟ 
ليان لا انا اعطيتو الرقم ووعدتو استنا يومين ... باليوم التالت اجيت ع بيتكن لخبر اهلك بكل شي ... ولقيت انهن ملاقينك 
لجين مممم غريبه انو ما قلك
تزكرت ليان انو وائل حاول يقلها شي بس هي ما رضيت تسمعو وما اعطتو أي فرصه ليحكي شي وكانت تفصل الخط بوشو عطول ... 
ليان طيب وشو قلك وائل كمان ؟
لجين هلا انتي مو زعلانه منا ؟ 
ليان ليشل ازعل ؟ 
لجين يعني انو وائل خطبني وانا بعرف اديش كنتي تحبيه
العمى لك ليش مو قايللها الحقيقه !!! حاولت كون طبيعيه
ليان لا عادي انتي اغلى علي من روحي وكل شي بالدنيا نصيب .
ما كنت بدي حسسها انو شفقانه عليها و حسيت الوقت متل الجمر لراحت هي وامها مشان افهم من وائل كل شي !!
اتصلت عليه فورا وانا رح يطير عقلي ونار الغيرة عم تاكلني اكل
ليان الو وائل 
وائل اهلين ليان 
ليان انت ليش مو حاكي للجين سبب زواجكن ؟ ليشم و مخبرها انو بس لتطلعها من مصيبتها بدك تتجوزها وانو انا موافقه واصلا انا الي طلبت منك 
وائل بالله ؟؟؟؟ بدك اعمل منيح مع البنت وعيرها فيه ؟؟؟ 
ليان لا طبعا مو هيك بس مو انها تجي شفقانه علي و عم تقلي لا تزعلي وبعرف كنتي بتحبيه لوائل 
وائل طيب وين الغلط بحكيها ؟ هي ما قالت شي غلط انتي فعلا كنتي تحبيني 
ليان لا مو صحيح انا لهلا بعشئك بس عملت هيك كرمالها لان العالم فضحوها و شككو باخلاقها وانا كان الي ايد بهل موضوع ... لو حكيت ع بكير كان قدرو يلملموا لقصه 
وائل لا يا ليان الي بحب ما بقدر يعطي حبيبو لشخص تاني كأنو مجرد غرض قررتي تتبرعي فيه .. 
وتاني شغله انتي حتى ما اعطيتيني فرصه قلك انو انا الي وصلت لمكانو لهداك الوسخ وانا الي خبرت الشرطه لاني كنت لحالي وخفت ما اقدر طلعها وغير هيك خفت ازا انا تصرفت يثبت تفكير أهلها انو كانت هربانه معي 
لهيك خليت الشرطه تتصرف فورا و بدل ما اجي بشرك جيت لقيتك ما بدك