انا_وانتَ_والحب_تالتنا الفصل الاول بقلم حبيبه الديب حصريه وجديده

انا_وانتَ_والحب_تالتنا الفصل الاول بقلم حبيبه الديب حصريه وجديده 
_يا سيف شوف ليان بتعيط يا سيييف
_عايزه ايه؟
_ليان بتعيط شوفها عقبال ما اكمل لبس
قولتها و أنا بلف الطرحه و هو رد عليا و هو بيقفل ازرار القميص 
_طب مانا كمان بلبس و هتأخر على اول يوم شغل !
_طب مانا كمان هتاخر على اول يوم جامعة يا سيف .
عياطها زاد و هو راح يشوفها و شالها من على سريرها 
_ حبيبت بابا بتعيط ليه
تعالى يا قلبي تعالى .
كان بيسكتها و بيطبطب عليها بحنيه و انا لبست الطرحه و خدتها منه 
_هاتها هغير لها هدومها عقبال و ماما جايه ف الطريق اهو عشان تقعد معاها .
ادهالي و اتكلم و هو بيكمل لبس 
_و هو حماتي هتيجي كل يوم عشانها يا توانا؟
_لأ ده انهارده بس لكن بعد كده بقا اوديهالها البيت متقلقش ..!
_امم ،
تمام .
بصيت له و انا بغيرلها 
_سيف 
_نعم ياروحي .؟
_عارف لو شوفتك واقف مع اي بنت من بنات الجامعه يا دكتور؟
ولا طالبه ولا معيده ولا دكتوره حتى !
بصلي برفعة حاجب 
_لاوالله ؟
_اه والله!
وقف ورايا و ضمني 
_بتغيري عليا يا توتا؟
_اه اغير و ماغيرش ليه ؟
_ماشي بس لو مثلاً مثلاً يعنى طالبه مش فاهمه سؤال هفهمها ازاي؟
لفيت له و أديته ليان و بدأت انا البس اكسسواراتي 
_ متردش و انا هرد عليها و هفهمها .!
_طب ولو انتى مش فاهمه؟
_ساعتها انت فهمني و انا هفهمها ..!
ابتسم بتسليه و اتكلم 
_طب لو دفعه غير دفعتك يا ست توانا ؟
_عادي يا سيف اشرح حلو و هما هيفهوا و قول كل التركات المهمه عشان محدش يوقف فى باله سؤال .
_طب لو......
_سيييف؟
اتكلم بضحك 
_خلاص خلاص هحاول يا ستي متكلمش مع اي واحده ست تمام كده؟
_هنشوف ..!
الجرز رن و روحت فتحت الباب و كانت ماما اللى جت ،
سلمنا عليها و أديتها ليان و مشينا انا و هو ركبنا عربيته و روحنا الجامعه 
_تعرف يا سيف صحابي وحشوني اوي اوي اوي
كان زماني معاهم في سنه رابعه بس بسبب السنه اللى أجلتها كلهم سابقوني .
مسك ايدي و باسها 
_معلش يا روحي تتعوض إن شاء الله
بس متنكريش أن السنه اللى قعدناها في دبي كانت حلوه 
و جينا و معانا هديه جميله كمان .
ابتسمت له و بصيت له بحب 
_طبعاً 
ليان أجمل هديه جت لنا و احنا سوا
كفايا أنها حته منك يا سيف 
بنتي و بنتك 
اه مكنتش حابه اتجوز و اخلف قبل ما اتخرج بس نعمل اي ؟
قدرنا و مكتوب لنا 
بس كان أجمل قدر .!
ابتسم لي بحب و فضلنا نتكلم عن ذكرياتنا سوا لحد ما وصلنا الجامعة بس اول حصه كانت ماده تانيه و تاني حصه كانت حصته هو .
قعدت في أول الدرج و مجهزه حاجتي و مستنياه يدخل و انا متحمسه 
و اول مادخل ابتسم لي و غمز و انا ابتسمت له أوي و بصيت ل دبلتي و حسست عليها .
بداء يعرف عن نفسه عشان اول حصه ليه في الجامعه و ف مصر عمتاً 
عشان كان دكتور ف دبي و انا كنت هكمل تعليمي هناك بس اكتشفت اني حامل ف وقفت تعليمي و خلفت ليان و بعدها رجعنا مصر و هنستقر هنا .
بداء يشرح و انا ركزت معاه اوي و كنت بكتب ملاحظاتي وراه و بعد ما خلص شرح بص لنا كلنا و اتكلم 
_ و بكده نكون خلصنا محاضرة انهارده و اتكلمنا عن أساسيات المحاسبة المالية وأنواع القوائم المالية .
سيف لف ناحية السبورة ومسح العنوان، وقال وهو بيرجع يبص للدفعة
_شرحنا الفرق بين قائمة الدخل والمركز المالي والتدفقات النقدية.. حد عنده سؤال قبل ما نخلص؟
أنا كنت مركزة معاه وكل كلمة بيقولها بسجّلها، بس عيني على البنات اللي قاعدين ورا. وفعلاً بنت شعرها بني ومظبطاه قامت وقالت بدلع زيادة شوية
_دكتور سيف، معلش ممكن تفهمني تاني 
إيه الفرق بين المصروفات الإيرادية والمصروفات الرأسمالية؟ 
عشان بتلخبط بينهم.
أنا لفيت و بصيت لها بعدين بصيت ل سيف
و مستنيا رد فعله .
سيف بص لي و كان كاتم الضحكة عشان افتكر تهديدي الصبح لو شوفتك واقف مع أي بنت.
عدل نضارته ورد بكل هدوء واحترافية وهو باصص للكل مش ليها هي بس
_سؤال مهم باختصار يا آنسة 
المصروفات الإيرادية دي اللي بندفعها عشان نحافظ على الأصل أو نشغل البيزنس بشكل يومي، وبتخص سنة مالية واحدة بس زي الصيانة، الإيجار، المرتبات. وبنخصمها كلها من الإيرادات في نفس السنة.
أما المصروفات الرأسمالية فدي بندفعها عشان نزود عمر الأصل أو نشتري أصل جديد يخدمنا سنين. زي لما نشتري مكنة جديدة للمصنع أو نبني دور زيادة
دي مش بنحملها كلها على سنة واحدة، بنوزعها على عمر الأصل اللي اسمه الإهلاك
و بدء يشرح و هو بيكتب على السبورة و بعد ما خلص بص
للدفعة كلها وقال
_لو شركة اشترت عربية ب 500 ألف دي رأسمالي، لكن بنزين العربية كل شهر ده إيرادي. وصلت؟
البنت هزت راسها وقالت 
_تمام شكراً يا دكتور وقعدت.
أنا خدت نفسي وابتسمت من تحت لتحت. هو لمحني ولمّ كتبه وقال
_كده خلصنا. المحاضرة الجاية هنتكلم عن
تحليل النسب المالية. اللي عنده استفسار مكتبي مفتوح الساعة 2 لحد 3، وبستقبل الإيميلات 24 ساعة.
لمّت حاجتي بسرعة ونزلت له. وقف مستنيني قدام