انا_وانتَ_والحب_تالتنا الفصل الاول بقلم حبيبه الديب حصريه وجديده

و انها يوم ما تتمادى اكيد سيف هيوقفها عند حدها ..!
_سيف ماما و حماتي رايحين العتبه سوا و مش فاضيين اسيب ليان ل مين؟
رد عليا و هو بيلبس 
_جهزيها و ناخدها معانا.! 
_بتهزر؟ 
_يعنى نعمل اي يا توانا؟ 
الامتخانات قربت ولا هينفع اغيب ولا عايزك تغيبي كفايا الايام اللى كنتي بتأجزي فيها لما ليان بتتعب..!
و بعد تردد لبستها و جهزت شنطتها اللى فيها كل حاجة هى تحتاجها و لبست بسرعه و مشيت انا و سيف 
اتكلمت مع سيف و هو بيركن العربيه قدام الجامعه 
_انتَ هتاخدها صح؟ 
_اكيد ماهو ماينفعش طالبه تيجي ببنتها..!
اتكلمت بتريقه 
_ بس ينفع دكتور يجيي ببنته صح؟
_مضطر بقا اسيبها في البيت لوحدها ولا اخليها مع ابويا و ابوكي و هما على القهوه سوا؟!
ابتسمت و اتكلمت بهزار
_ايوه عشان اخد منهم البنت و هى عامله دماغ..!
ابتسم و خدها مني و باس خدها و اتكلم بمرح و هو داخل الجامعه 
_ شعورك اي و انتِ جايه الجامعه مع جوزك و بنتك.؟
بصيتله و ضحكت 
_حاسه اني في خروجه مش جايه الجامعه..! 
_طب اي رايك نخلص و نخرج بقا؟ 
نتغدى برا و نقضي اليوم في الجنينه سوا..!
_اكيد موافقه .!
_طب يلا روحي محاضرتك و انا عليكِ المحاضره اللى بعدها..!
_اوك باي
بوست خد ليان 
_باي ياروح ماما
سيف همس لي 
_طب و بابا مالوش نصيب؟ 
ضحكت و قولت و انا ماشيه
_لأ مالوش نصيب..!
سيبته و روحت قاعة المحاضرات 
المحاضره كانت طويله بس أخيراً خلصت و سيف دخل بعده على طول بس ادانا خمس دقايق بريك قبل محاضرته 
روحت عنده و بصيت على ليان اللى حاططها على كرسي مكتبه وفي بوقها السكاته اللى من غيرها صوتها هيسمع الجامعه كلها 
روحت لها حضنتها و فرحت لما شافتني و نطت عليا بحماس و انا مسكتها 
_ حبيبة ماما يا ليلو.!
سيف بصلي و همس لي 
_خفي بقا عشان الدفعه كلها بصالك..! 
بصيت ورايا و مالقيتش غير كام طالب و طالبه بس و كمان ماكنوش مركزين اصلا اللى بيتكلم مع التاني واللى ماسك فونه و مش معانا
_والله؟ 
هما دول اللى............... 
قاطعني فجأه لما لقيته خد بوسه من خدي بسرعه و رجع بصلهم و برضوا محدش خد باله
بصلي بغمزه
_سوري ياتوتا مبعرفش اسيب حقي..!
وشي احمر و بصيت ل ليان و انا بهمس
_رخم
_كلتي؟ 
_لأ على فطاري الصبح و المحاضره دي كانت رخمه اوي و تقيله
خد ليان مني
_طب روحي انتِ بسرعه جيبي قهوه و سندوتشات
_هتأخر كده
_لأ مش هبدأ غير لما تيجي، خدي دول
_معايا فلوس
_عارف بس خدي دول برضوا..!
ابتسمت له و خدتها
روحت الكافيتريا بس و انا ماشيه خبطت في شخص بالغلط 
_اسفه ماخدتش بالي...!
لسه همشي ليقته نداني باسمي بصيت له و ساعتها اتصدمت
_عمار؟
قرب مني و ابتسم 
_عامله ايه مش بشوفك معانا ليه هنا؟
لسه همشي مسك ايدي و انا سحبتها بسرعه و شاف الدبله في ايدي
ابتسامته اختفت 
_انتِ اتجوزتي؟ 
_اه... ايوه انا دلوقتي واحدة متجوزه ف سابني في حالي. 
_طب و حُبنا؟
لسه هرد عليه رد مايعجبهوش سمعت صوت سيف جاي من ورايا 
_توانا؟!
يتبع