انا_وانتَ_والحب_تالتنا الفصل الاول بقلم حبيبه الديب حصريه وجديده

المدرج
_ها، كنت كويس؟
_لا كنت 1010 يا دكتور.. عشان شرحت للكل مش ليها هي بس.
ضحك ومسك إيدي
_طب يلا يا دكتورة توانا، البريك بتاعك .. و نروح نشرب قهوة قبل المحاضره اللى بعدها .
خرجنا برا و سمعت البنات و هي بتتهامس حوالينا عشان مسك ايدي و طلعنا مع بعض و يمكن عشان الماتشي ماتشي اللى منسقينوا سوا .
_عليكي محاضره عند مين؟
رديت عليه و انا بشرب القهوه 
_إدارة اعمال 
_ده دكتور رمزي مش كده ؟!
_ايوه كان بيديني في سنه أولى و تانيه .
_تمام ، هروح معاكي هسلم عليه
_تعرفه؟
_اه
ده كان دكتوري .
وصلنا ل قاعة المحاضرات و انا دخلت قعدت و الدكتور دخل بعدها لقيت سيف دخل و سلم عليه و شاور عليا و الدكتور بص لي و ابتسم و كمل كلامه مع سيف 
و أظن أنه عرفه أني مراته
او وصاه عليا يعني .!
كانوا بيتكلموا فجأة لقيت البنت إياها جت قعدت جنبي و مدت إيدها 
_هاي أنا سلمي
سلمت عليها 
_اهلا سلمي
و انا توانا .
_انتى جديده ف الدفعه مش كده؟
أصل مشفتكيش ف أولى أو تانيه يعني .
_اه ما انا المفروض في رابعه مش تالته بس قعدت سنه في البيت .!
بصت ل سيف و رجعت بصت لي و هي بترجع شعرها لورا 
_هو انتى تعرفي الدكتور الجديد؟
قصدي على دكتور سيف . 
بصيت باستغراب ل فضولها 
_و انتى بتسألي ليه؟
_اصل خرجتوا سوا و شربتوا قهوه سوا برا 
ف خدت بالي يعني
و كمان مطقمين مع بعض 
معتقدش صدفه مش كده ؟!
ابتسمت لها ببرود 
_عندك حق هى مش صدفه فعلاً
تعرفي انا فضلت طول الليل أنقي طقم مناسب ليا و ليه عشان نطقم سوا .
_مش فاهمه 
انتو مرتبطين يعنى؟
اتكلمت و انا بفرد ايدي قدمها و بوريها الدبله 
_لأ يا روحي ده جوزي 
اصلي مليش ف الارتباط و العلاقات المحرمه .
ظهر الضيق على ملامحها و اتكلمت 
_ امم ، طب هقوم انا اعمل مكالمه و جايه تاني..!
قالت كده و مشيت و انا بصيت لها بقرف و انا بهمس
_ابوشكلك عيله ملزقه..!
بصيت ل سيف اللى كان واقف بيكلم الدكتور وبص لي و ابتسم و كام ثانيه كده لقيته جيه ناحيتي
_ انا في مكتبي خلصي و تعالي هناك و نمشى سوا..! 
_حاضر ماتنساش تكلم ماما و تطمن على ليان ..!
مشي و المحاضره بدأت و تنا كنت مركزه مع الدكتور اوي و بكتب اهم الملاحظات و بعد ما المحاضره خلصت و كلوا بدأ يمشي الدكتور جيه نحيتي و ابتسم 
_ازيك يا توانا دكتور سيف موصيني عليكِ جامد و بيقولي انك هتكملي و تعملي الدكتوراه و هتبقي زميله هنا ..!
ابتسمت و اتكلمت بود 
_إن شاءالله يا دكتور ربنا يعيني و اقدر اكمل على خير..!
_هتقدري إن شاءالله انتِ متفوقه و شاطره و كمان سيف هيدعمك، سيف كان طالب مجتهد و متفوق جداً و انتِ شبه على فكره نفس الدماغ .!
ابتسمتله بفرحه و مشيت بعد ما استأذنت منه و روحت مكتب سيف، الباب كان مفتوح دخلت بابتسامه ولقيت عنده البنت الملزقه اللى اسمها سلمى دي 
كان قاعد علر مكتبه عادي و هى واقفه قصاده و بيشرح لها حاجه في كشكولها
_سيف انا خلصت محاضراتي .
ابتسم و مد ايده وقفني جنبه 
_تعالى يا توتا دي سلمى زميلتك كان واقف معاها كام سؤال..!
ابتسمت على كلمة توتا دي و بصيت ل سلمى و اتكلمت بتريقه 
_كام سؤال؟ 
ده غير السؤال اللى ماكنتش عارفه في المحاضره الصبح؟ شكلك مكنتيش مركزه يا سلمى..!
ابتسمت بسماجه و اتكلمت 
_فعلاً سرحت شويا بس هركز المره الجايه اكتر ..!
سيف اتكلم و هو بيبص ل ساعة ايده
_طب يلا ركزي معايا كده و انتِ كمان يا توانا شوفي فكرة الاسئله دي..!
جبت كرسي و حطيته ما بينهم و قعدت و هى قعدت جنبي و باين عليها الغيظ شكلها مش سهله البت دي حربايه ..!
سيف بدأ يشرح تاني و أخيراً فهمت و الاسئله خلصت و سلمى غارت 
بصيت ل سيف 
_هى البت دي عبيطه ولا بتستعبط؟ 
مش معقول كل شويا تسأل لك على سؤال و في محاضرة دكتور رمزي ولا سألت ولا اتكلمت..!
حط ايده على كتفي و اتكلم و احنا مشيين 
_جايز انا شرحي وحش بقا..!
_ايوه فعلاً شرحك وحش عشان كده الدفعه كلها فهمت منك و دي بالذات كل شويا يقف معاها سؤال..!
سبني و اتكلم و هو بيقفل باب المكتب 
_خلاص بقا يا توتا الله يسهل لها
_ تجاهلها يا سيف على قد ماتقدر و ماتدهاش وش باين لها مش سهله بجد..!
مسك ايدي و باسها
_حاضر يا ستي كلامك أوامر.! 
_كلمت ماما؟
_اه و ليان كويسه لعبت شويا و عيطت شويا و دلوقتي نايمه..!
روحنا البيت و ليان كانت وحشاني موووت لما صدقت اني شوفتها أخيراً 
اتغدينا من الاكل اللى ماما جهزته و قعدنا سوا احنا التلاته شويا بنتفرج على الشاشه بعدها ليان نامت و سيف قعد يذاكر لي.!
و عدت الايام كانت شبه بعض ليان بنسيبها عند ماما او حماتي و بروح الجامعه مع سيف و ساعات كتير بنتخانق بسبب سلمى
هى الوحيده اللى في الدفعه مش مستريحلها 
حركتها و اسلوبها 
يعنى ده واحد متجوز ليه بتتمايصي معاه كده؟ 
المشكله ان في بنات كتير من النوع ده بس انا ساكته عليها عشان واثقه في سيف وبس