في مكتب رئيس مجلس الإدارة

بمضى عليه متخافش ياباشا..
وبعدين ياامى دوشة الموظفين انا واخد عليها وعيب على العيون اللى بتبعت ليكم الاخبار كل الحكايه هى موظفة جديدة، لسانها طويل شويتين وأنا قاعد لها لغايت ما أربيها على الطريقة اللي تليق باسم الدمنهوري، ومفيش مجال للغلط معايا.
في اللحظة دي، وقبل ما مراد يرد، اتفتح باب الصالون ببطء، ودخل الجد الدمنهوري.. كبير العيلة، راجل عجوز بس لسه بيمتلك هيبة طاغية وملامح حكيمة ووقورة، عينيه مليانة ذكريات وحزن قديم على مراته الراحلة، وحب جارف لأحفاده خصوصاً حفيده الأصغر اللي هرب من جحيم تحكمات أبوه ومحدش يعرف طريقه.
بص لهم الجد بنظرة غاضبة خفية، وقال بصوت عميق ودافي قطع برود القصر 
دايماً كده يا مراد.. همكم الوحيد الفلوس والمظاهر واسم العيلة، كأن البشر عبيد عندكم! ما كفاية جفاف وغلظة في المعاملة؟ ما كفاية طردت ابنك الصغير وهج بسب جبروتكم وعنادكم الأعمى! عمر الفلوس ما صنعت عيلة دافئة، طول ما القلوب ميتة والبيوت جدرانها بارده واساسها من قسوة!
مراد كح بحرج ظاهر، وبص في الأرض بضيق من كلام أبوه، بينما هالة نزلت عينيها ببرود وحاولت تبرر 
يا بابا احنا بنعمل ده كله عشان مصلحة سلطان واسم العيلة..
قاطعها الجد بعصاه اللي خبطت في الأرض بقوة وصوت هادئ حاسم 
اسم العيلة الحقيقي بيتعمل بالرحمة وجبر الخواطر مش بالاستعلاء والتعالي!
وبص لسلطان اللي كان قاعد سارح، وشايف قدامه عيون فريدة الجريئة ولسانها اللي هز عرش غروره لأول مرة.
ابتسم الجد بابتسامة خفيفة مليانة خبث، وقال بوداعه وهو بيبص لسلطان  
سمعك بتقول موظفه جديده بلسان طويل وهتربيها..إيه الحكايه
سلطان اتفاجأ وسحب نفسه بتوتر، ووقف بثبات مزيف وقال بصوت جاد 
لا يا جدي، مفيش حاجة.. دي مجرد موظفة مشاغبة بختبرها، بعد إذنكم عندي شغل مهم لازم أخلصه.
اتصنم مكانه لما الجد قال بتلميح....وووو
فضلا نتفاعل على الفصول اللى بتنزل عشان توصل لكل الناس لان الصفحه عليها تقيد وتفاعلكم هو الحل الوحيد عشان الفيس يرجعها من تانى محتوى يوصى به
فريده_و_السلطان 
حكايات_هالة_القمر 
حواديت هالة القمر love tales  
قصه جديده واحداثها جميله اثبت وجودك لايك وكومنت وهتنزل كامله عالصفحه
متنسوش تصلوا علي النبي في التعليقات